1 Pinpin na ara a sǝnǝ awa tiyyǝ dinka anyimi sunare, ŋawa waŋ isau me, Nan maneŋe mame se ŋa na yiya. 2 Nze ŋa mura rizuwa reme se ana tipi arekero. 3 Ŋa pete anyimi isau me, ŋa ta ni ripuŋ ra Aco Yeso ne. 4 Iwa we, se ŋa wa da damozo iriwe heŋe aza igiya, Nze waran, anka repo tore arame nan iwaliwali tommo. 5 Se iwi wa gara Awai me ŋa wa wa gurwǝnǝ anyaŋa ajaŋe a nǝrǝ anyaŋa, nze ŋa kone agonŋe, "Iyaze we se ira ginǝrǝ ano ruma anyimi nkeze? 6 Ma dama tigiya ne, ama ana yiza me! Dunza ni emegeme see Ma wa buki ŋi uca ogeme se Ma wa zen ŋi a Galilea, 7 agusa a nin nyaka vana ono ano macara konzen a nin garra me Ma wi, atiyyǝ awu taro Ma nin yira konzen." 8 Awai me ka dunza nan nleŋa mame, 9 nze ŋa kuru asura insau mame ŋa biyi tegogoro tigiya a anka rikuri nan ono vento si ŋawa ruku. 10 Awai me waze an Mariyamu Magdalene, Joanna, Mariyamu ayin Jemese, nan udaŋara Awai se ŋawa zen ŋe zale ŋa biyi tegogoro tigiya a Atuma me. 11 Bata nlen mane mawa ze uga udano ze a Atuma me, konzen ŋa wa ta gara nan nlen ma Awai me ne. 12 Nze Peter yere otore, ma meet teson a ka insurance mane, se ma wa deŋe ma nǝrǝ anyimi, Ma du ma ni tomma teme arekero. Peter yere ma deke arame ma ka atau, a damozo aza epe me. 13 Nze atiyǝmi, an ka repo oŋe a waŋa a u gwiri se riji rimi agusan no Emmaus, se o ze ti kilometer akuru tase asura Jerusalem. 14 Ŋe a biyǝ tegogoro tegeme se ana buka ŋe. 15 Inwa we se, ŋawa da damo nan usǝrǝ kusun, Yeso nan retǝ reme deŋe ŋa meshe uruna nan me. 16 Bata aja haŋe wa pato tago ŋa ru mi ni. 17 Yeso gon ŋe, "Iyaze ŋi na rǝ biyi mi uca ogeme se i na ra nyana?" Ŋa tore birwa nan ucara. 18 Ono vento ŋe se rija reme renze Cleopas, tare me, "nŋo da base anyimi Jerusalem se u dawa ru tegogoro tegeme se Tina we atimuru tigiya ne?" 19 Yeso gonŋe, "Iya tegogoro?" Nze ŋa gara, "epe Yeso unu sura Nazareth, Ono geme see Ma was ze Utuma Ədǝshǝri, unu wuza imi wi, Nan nlen ma Ədǝshǝri a ka ano, 20 konzen kando geme see Beco bi to priest nan anaji a tegomo wa nyaka me da wö me Nan u garra. 21 Bata woro na yiya birwa see manze ukassa u Isreal. Nane, konzen aza zale igiya, Kane ze atiyu taro tuni so tegogoro tigiya tiwa we. 22 Bata konzen, Aya wait anyimi hado na nyado iwi, se ŋa wan a insau mame Nan ucunju pinpin. 23 Se ŋa ti ka dira ripuŋa reme, ŋa te deŋe agusa ŋa ti ni Umalika uga ŋa ra nro Ma to gonŋe Yeso zin ruma. 24 Aya anarome se woro tezen ŋe same ansau mame, ŋa du ŋa mura kando geme se Awai wa buki. Ama ŋa ti tǝ ni mi ni." 25 Yeso wa gon ŋe, "Alakere awano nan birwa bi shonono a birwa bu gara emegeme se Atuma a Ədǝshǝri wa buki! 26 I wa taze kima see ukassa shi makpai ma tegogoro tigiya, da ma mura opete anyimi tegoma teme ne?" 27 Asura Moses Nan kusun zale Atuma Ədǝshǝri, Yeso wa beze ŋe epe heme anyimi zale udarsa nlen mǝ Ədǝshǝri. 28 Se ŋawa ra voton ugwiri ogeme se ŋara waŋ, Yeso we uga Mara durku bate. 29 Bata ŋa tura me, agusa, "cikǝ ogen o hodo, baka uwǝru na wuna konzen atitiyǝ na ra voto." Nze Yeso gara waŋ nan ŋe. 30 Ite we se, uca ogeme se Ma wa cikǝ a wushi imunshu nan ŋe, Mawa yet reborode, Ma nyaka taye a nu, Ma pose, Ma nya ŋe. 31 Inze aja haŋe pǝnu, nze ŋa ru mi, aregeme Ma wa dura aja ŋe ŋa tǝ ku ŋa ni mi ni. 32 Ŋa gon apuŋa ŋe, "dan onogeme se birwa bedo bira me ze unugiyan woro ne, see ma na bǝnun woro uruna, se ma na pǝnu do nlen mǝ Ədǝshǝri ni?" 33 Nze ŋa yere uca ogemme, konzen ŋa kuru a Jerusalem. Ŋa ka mura atuma rikuri nan ono vento me arevento, konzen nan anageme se ŋa te zen ŋe, 34 agusa, "gangaŋ Aco na yira, konzen Ma na yonko a Simon." 35 Nze ŋa biyi tegogoro tegeme se ŋa na ni uruna, konzen kando geme se Yeso na beze retǝ reme a ŋe uca u wushi imunshu. 36 Se ŋa ti da bi tegogoro tegeme, Yeso nan retǝ reme petǝnyima haŋe, nze Ma gon ŋe, "a telo ti mura ŋi." 37 Ama ŋawa kerkene iwi wa mey ŋe, konzen tago uvunu was ze na. 38 Yeso gonŋe, "Iyaze na wuna se in kerkene? Iyaze imu sangara na yira iruwi hiŋi? 39 Nǝrǝ ni uwaro hon nan tuva ta atawa han, immi zi. Dupan di ni. Baka uvunu dawen ripun nan awö ni, sakama ogeme se ŋi ni inzenno." 40 Se Ma Massa ubuki igiya, Ma beze ŋe tarra teme nan tuva ta atau. 41 Ŋa tita do ŋa garra ne baka izalla, konzen ŋa ni imiwi. Yeso gon ŋe, "nŋi zin iyiyabo egeme se a nin wushu?" 42 Ŋa nyame udaŋara iginu se ana shira, 43 nze Ma yete konzen Ma wushi aja haŋe. 44 Ma gonŋe, "uca ogeme se in wa zen ŋi, In wa buki ŋi zale emgeme se awa darsa utakarda Moses Nan uwa Atuma a Ədǝshǝri konzen nan ubinja Psalms." 45 Nze ŋa pǝni iruwe heŋe da ŋa ru nlen mǝ Ədǝshǝri. 46 Ma gon ŋe, "Awa darsa se, ukassa nin shiyǝ makpai, Ma nin yira konzen asura uwǝnǝ atiyyǝ awu taro. 47 Ukunku macara nan unara ogwene u macara ze imu beze an anyimi rija reme a ka zale tepepe, a bursame Nan Jerusalem. 48 Nŋi zi anageme se I nin buku tegogoro tigiya. 49 Nǝrǝ, In ra tuma u huŋi emegeme see Acowa han wa go ma nin nya ŋi. Ama cikǝ ni anyimi ape me a ka deŋe uca ogeme se a nin soke ŋi tomorrow tagata asura Ədǝshǝri." 50 Nze Yeso tarsen ŋe a ka kai she uca ogeme se ŋawa ra voton Bethany. Ma yisa uwaro home nze Ma nya ŋe taye. 51 Iti we uca ogeme se Ma wa ra nyo ŋe taye, Ma deke ŋe konzen awa yita me a ka ǝdǝshǝri. 52 Inze ŋa gurwǝnǝ mi, amaro ungano me ŋa kuru a Jerusalem izalla. 53 Ŋawa mey u wanze aru patǝji, a nyaka taye a Ədǝshǝri.