Udaraŋa u 2

1 Enze a timuru tegeme, ogomo Cessear augustus wa tisa arera me a buka kwavi se a nin bareŋe zalle anu cikǝ angyaŋa mame. 2 Ugiya ze abarano a dinka u ca ogemse Quiricius waze ogomo ape Syria. 3 Enze kwavi ka apahame da a darse rija reme uca abaro me. 4 Joseph wa kura asura Galilea, anyimi Nazareth, akă atauwa me a Judea ape a David se agusanno Bethlehem, baka mme unakura a David zi. 5 Mawa here ma waŋ nan uwaiyome se mawa yete apuru a bareŋe. 6 Uca ogemse ŋawa deŋe a geme, uwaiyome warepo oyɔɔ. ŋawatǝ zen ugura ape mene, enze ŋa sanǝrǝ aru tete enze a ŋyaŋe uguri itaŋ 7 enze uwaime yɔɔ vana, vaname ubura ze, ma pateme nan udidi, ma lutǝme a emǝngǝ. 8 Anu manti itan nan ivare wǝrǝ anyimuja in atitinyǝ agade, 9 enze Malaika uwa Ədǝshǝri tu aŋe enze i-sansan i wa Ədǝshǝri wǝŋǝrǝ aragemse ŋa wa rǝ nu ogo oŋwe, enze iwi wa méŋé. 10 Enze Mǝlaika me gonŋe, "tago i kuna iwi ni, baka inna ra ŋi nan epe i wuma se ira ran uruntu birwa ano zalle. 11 Kǝne ana yɔɔ ŋi unu kassa anyimi ape a David! manze Ədǝshǝri unu kassa! 12 igiya enze inin bizaŋi, ingase e deŋe inin nari vana me ana tasi mi nan tididi a yiya imanga. 13 Aregemme Malaika me nan udaɲaro me a adaishari yisiza remelo nan agata a yisiza riji ra Ədǝshəri konzen a gusǝ, 14 "Ədəshəri ze unu yisiza suŋ, ira taye ano agemse makone malowa maŋe a massano cikǝ lome." 15 Uca ogemese Malaika me wa wuri ma dekeŋe, enze ŋagon apuŋa ŋe, "here ni i wǝŋǝ Bethlehem i ka nǝrǝ imigiya se Ədəshǝri na buka woro." 16 Enze ŋawa chuŋo ŋaka deŋe agemme in odeŋe ŋa mura Mary nan Joseph enze ŋaku ŋa nǝri vana me a tetǝ imanga me. 17 A maru nǝri nane me, enze ŋa me ubiyǝ epegemse ŋakuna aza vava me, 18 zalle anu kune igiya se anitan nan ani vare wa buki ararme ŋawa meyǝnu. 19 Amma Mari a birwa beŋe warǝ biyǝ epe gemse mawa kone intuni. 20 Enze anitan nan ativare me wa ŋana, a gatu uyisiza riji ra Ədǝshǝri epe gemse ŋawa kuna ŋaku ŋa nǝri zalle emegemese awa bukă ŋe. 21 A maro timuru uru, se awa tuzu vana me oshorome, awa gŋame riji Yeso, riji regemse Malaika wa buki a ŋyame tunuca ogemse awa da wuna apurame me. 22 Uca ogemese toŋwe ti remeze ri-sansan ra kurǝ Ədǝshǝri riwa deŋe, kando gemse awa darse a makiri ma Moses, Yusuf nan Mary wa wannan vana o hoŋe akurǝ Ədǝshǝri anyimi Jerusalem a ŋa ŋyaka me aji a Ədǝshǝri. 23 Kando gemse awa darse a makiri ma Ədǝshǝri, "kuyiya vanorome u bura upani apuroyo asa gŋaka akura Ədǝshǝri." 24 Enze ŋa nyaka imi-taye kandogemse awa darse a makiri ma Ədǝshǝri, "itidi iwakura erepo ne Pegeon erepo." 25 To, awawe oyono a Jerusalem se awa goseme Siman onogemse mazen uyiyabirwa bi tǝndǝsi. Mawarä jinŋara turuna tu male ano-Izerela, konzen uvuni-sansan wa tu ame. 26 Uvunu i-sansan wa bezeme se ma dawa wǝnǝ ni se mana nǝri unu kassa Yeso. 27 Siman se Uvuni-sansan zen me, uca ogemse mawa ra anyimi akura Ədǝshǝri nze Anoyo wa rai nan vana me a we me taye, kandogemse a woze, 28 enze mawa yete vana me u wǝrome nze ma yisiza Ədǝshǝri mago, 29 "waja deke orero hoi gŋanan birwa bi ruŋ, Ədǝshǝri kando gemse u buki. 30 Baka aji a han nani ukassoye, 31 se uwa mamara baka ano: 32 i-sansan ura baka uwǝŋǝra anapǝŋ, nan uyisiza ano-Izerel." 33 Aco nan Ayinome wa më anu aza emegemse ano ra biyǝmi aza hame. 34 Nze Siman gyaŋe taye, magon ayinu vana me Mary, "To, Vanugiya ana zakeme da ma ran uyisiza nan urizano cebete a Izerel, nan baka igiya se awa ŋyamene - 35 Uvira sa pete anyimi iruwini- baka da nŋi ru imubuku ano iruwa cebete." 36 Uyu tuma wara rame agosenme Anna. Ugalla Phanuel ze a surǝ Eco i waŋ Asher. Tigŋuna tiwa meme sosoi, mawa cikǝn onoromome siwai sunare, 37 mako ma cikǝ ucikǝ ushï u siwai Bituru-uru nan Naze. Ma dawa taba odeke akura Ədǝshǝri ni ituma taye nan ucikǝ nan ekomo, oŋwe nan atitinŋa. 38 Uca ogeme mawa hira ma waŋ voto nan nŋe, ma nyaka tayateme, ma ko ma yisiza riji ra Ədǝshǝri, konzen ma me ubiyǝ nlen mame a kwavi si mawara pa ukassa uwano Jerusalem. 39 Se ŋawa masse emegemse ŋawa waŋa u, kando gemse ira a makiri mawa Ədǝshǝri. ŋawa here ŋa waŋa atauwaŋe a Galilea, ugwiri ape a Nazareth. 40 Vana me wa bǝré in agata nan uvati rekese, konzen Ədǝshǝri wa weme ogwene. 41 Ana Cowame wa wanze a Jerusalem a kuyya remeze ri u ogurate. 42 Uca ogemese vana wa deŋe siwai rekuri, ŋawa ku ŋa waŋ kando geme a remeze reme. 43 Se ŋawa binja timuru te remeze reme ŋawa here a waŋa hetau. Enze vana tǝ tǝrseŋene, anacome watǝ̈ runi. 44 ŋawara gusa mazen udaŋara anomeze, tǝno to here waze. Enze ŋame u jinarome a anuwanoma ŋe nan arene. 45 Se ŋawatǝ mura mene ŋawa kura Jerusalem enze ŋa jinarimi. 46 ŋawa we timuru ti tǝro bata ŋa murame a akura Ədǝshǝri, a cikǝ azate anuru nan obezezano, a kunazoŋe nan osǝŋǝroŋe. 47 Zalle unu kunome abǝnu wa meyanu aza isǝna rekese nan uruwome aza tegogoro cebete. 48 Se nawa narimi ŋawa meyanu, enze ayinome gonme, "Vana yaze ura wuzodo inna? mmi nan acowoye ina shiya tǝnon u saka ara a jinaroŋe." 49 Nze ma gara mago, "iyan na wunaŋi a jinarohon? i tǝ ru si izikima intǝ cinzǝnǝ a kura Ədǝshǝri ni?" 50 Amma ŋawa tă ru emegemese mana buki ni. 51 Enze ma tarseŋe a ka'a yitau a Nazareth, a wuzoŋe emegemse ŋarepeme. Ayinome wa yiya tegogoro tiga a birwa beme. 52 Vaname wa bare nan rekese nan uru imuwuna, konzen nan uvati tibarsa tă Ədǝshǝri nan tăwano.