1 A suwai Bituru n shibi u tegomo te Teberius Ceaser - uca ogemse Pontius pilate wase Ugumina o Judea, Herod wase Beco bi Galilea, uwanomome Philip wase Beco bi tepepe tu Eturaea nan Trachonitis, konzen Lysania wase Beco bi Abilene, 2 uca ogemese Annas nan Caiaphas wase ana-mumuru anyima kura Ədǝshǝri - John vana Zachariah wa kuna remelo ra Ədǝshǝri o tö. 3 Kweren tu gwiri tu Jordan mawa ŋana u biyǝ epe Baptism o nare ri-kassa nan ukunku macara. 4 Kando gemse awa darse u tarkada u nlen ma Isaiah Utuma Ədǝshǝri, " Remelo ru sura otö agusa, 'mamaraŋi uruna uwa Ədǝshǝri, wunani uruname wake peow. 5 Zalle sewö sisa binja, nan tewö tisă tunanyaŋa, nan turuna ti-burkalan tisa waka peow, nan tura tu-dira uruna asa piyǝ turuna arame, 6 konzen ano zalle sa ni urunu mura ruma ra Ədǝshǝri.'" 7 Nze John gon riyaga regemese riwa raiyame ama weŋe Baptisma, "Inŋi abiya magunta, avin na bezeŋi u suma ikwai egemse isa ra? 8 Bakan nane ze, aŋi yoso isǝnǝ egemse inin nara turuna ti-rikassa, konzen tago nŋi gosen retǝriŋi ago, 'woro Acowa hado ze Abraham,' baka Ədǝshǝri ze nan agatu wuna azuwa agiya yoso Abraham abiya. 9 Ko a kane, ana wuna etemo a pä riji riwutiti. Baka kuyyu titi si uta yoso abiya a wuma ne asa gware ome a kunku urǝ. 10 Enze Riyaga reme sǝŋǝrǝ me ŋago, "iyaze woro nin wuna waja?" 11 Nze ma gara mago, "Ingase oyeyohuŋi zen tommo te-repo a ma ŋya unu-dirame, nane ze nan imunshu ma." 12 Unu kassa haraje warai a weŋe Batisma, ŋa sǝŋǝrǝme ŋago "umallaŋ, iyaze woro nin wuna?" 13 magonŋe, "tago i kai iwu kira egemse awagonŋi ikaine." 14 Te tisuja tiwarai ŋa sǝŋǝrǝ ŋago, "worona? iyaze woronin wun?" magonŋe, "tago ŋi kai iriwano nan agata ne, ne iwe oye npore aza egemse madan wene, i tore aza albasha haŋi." 15 Waja se kwavi wara paiye atiyurayu unu-kassame, kwavi a birwa beme a gusa avisi unugiyame ne John meze unu-kassa me. 16 John wa gare ma gon zalloŋe, "Mmi inra wuzohuŋi Baptisma nan maŋi zi amma owe si ma kirkan sosoi, sara, rimin ri tigŋafura teme base intǝ baranu in buzu ni. Manze sa wunaŋi Baptisman anyimi uvunu-i-sansan nan ura. 17 Okwenkwerome ru waro home dama kanlli kuyiya ama ware töpo anyimi isǝnǝ i wuma, masa iya isǝnǝ me a ribiŋa, ma kunku töpo teme ura uwushu suŋ ogemse a tă iya a bishi ni." 18 Aza emegemese ano wara paime, John wa biyǝŋi nlen ma wuma. 19 Aza uŋyamene u beco Herod se mawa yita uwaiyu wanomome Herudias, nan udaŋara macara ma Herod, 20 John wa ko magonŋe, 'har mawa weme anyimi Iyaŋ.' 21 Mawa maso ubuyǝ egeme, enze ma zorroŋe zale, Yeso wa rai da zoro me, se awa tă ru mini, Mme a remmo enze adaishari panu, 22 uvunu i-sansan tu uyinkanǝ nan kutidi ku run a retǝ reme. Enze ŋa kuna remelo a surǝ adaishari rego,"unu ja vano hon ze, ogemese ira barsa me in kun kuna malowa mame." 23 Yeso wa deŋe siwai ti-bituru ti-taro, bata mame ubizizano. Ma waze vana (Ano wa gosenme) o Joseph, unu suru eco Eli, nan 24 eco Matthat, nan eco Levi, nan eco Melchi, nan eco Jannai, nan eco Joseph konzen. 25 Joseph uwa maro waze vana Mattathias, vana Amos, van Nahum, vana Elsi, vana Naggai, 26 vana Maath, vana Mattathias, vana Semein, vana Josech, vana Joda. 27 Joda waze vana Joanan, vana Rheza, vana Zerubabel, vana Salathiel, vana Neri, 28 vana Melchi, vana Addi, vana Cosam, vana Elmadam, vana Er, 29 vana Joshua, vana Eliezer, vana Jorim, vana Matthat, vana Levi. 30 Levi waze vana Simeon, vana Jodah, vana Joseph, vana Jonam, vana Eliakim, 31 vana Melea, vana Menna, vana Mattatha, vana Nathan, vana David, 32 vana Jesse, vana Obed, vana Boaz, vana Salmon, vana Nahshon. 33 Nahshon waze vana Aminabad, vana Admin, vana Arni, vana Hesron, vana Perez, vana Jodah, 34 vana Jacob, vana Isaac, vana Abraham, vana Terra, vana Nahor, 35 vana Serug, vana Reu, vana Peleg, vana Eber, vana Sheleh. 36 Shelah waze vana Cainan, vana Arphaxad, vana Shem, vana Noah, vana Lamech, 37 vana Methuselah, vana Enoch, vana Jared, vana Mahalaleel, vana Cainan, 38 vana Enos, vana Seth, vana Adam, vana Adǝshǝri.