Udaraŋa u 1

1 Ano cebete na we uruno u biyǝ epe gemese i wa bija anyimado, 2 uga kando gemse a wa nyado, anugemse tuna ubura ŋyaze anu biyǝ mi arere a utuma. 3 To imi izikima - u guda ganka epe turuna tu tegogoro tiga in dinka - u darsa turuna te epe he, Ogomo Theophilus. 4 Igiyaze baka da ŋo ru magaŋgaŋ ma epe gemse awa bezé.. 5 Uca timuru ti Herod, ogomo Judea, awa we oyo nu mantǝ akurǝ Ədǝshǝri se awa gosenme Zakariah, daga ulu u Abijah. Uwayome ugalla Aaron ze, se awa gosenme Elizabeth. 6 Zallo ŋe anu i-gangan a Ədǝshǝri zi, ŋawa deke makiri, nan uwuza iwuma iwa Ədǝshǝri. 7 Amma ŋawa tazen vana ne, baka Elizabeth wataze ono yo ne, konzen uca ogemme ti-gŋuna tina meŋe. 8 Enze ayatinya Zakariah wa raji a Ədǝshǝri, u ca gomese ma ra itumeme iwu mantǝ akurǝ Ədǝshǝri uluhome, 9 u tarse kando gemese anin zake onogemse manin pete u gura Ədǝshǝri ma dishi inshamu ma taye, Anu cebete wa zakeme. 10 Udaŋarano warǝ taye teŋe akai uca u dishi inshamu mami. 11 Enze Malaika uwa Ədǝshǝri wa rawa me ulu bilai bi inshamu mami. 12 Se Zakariah wa nimi iwi wa me me. 13 Enze malaika me gonme "tago ma kuna iwi ni, Zakariah, baka Ədǝshǝri na kuna taye te. Uwaiyoye sa yo vana, a ŋo tisame John. 14 Nŋo birwa be bi sa runtu, ano sa cankozo atiyǝ oyome. 15 Baka massǝ cikǝ wuma aji Ədǝshǝri. Tago ma shi Obere ne, ne mashi iyiyabo i buru ne, asǝ binja me nan u vunu uwa Ədǝshǝri anyima pura ayinome. 16 Anu cebete a Isreal sa kura turuna tǝ Ədǝshǝri. Masǝ ŋana aji Ədǝshǝri anyimi uvunu, nan agata a Elijah. 17 Ma sa we nane da birwa ba Acowa awaŋa abiya, baka da anu nyamene ugara ŋa cikǝ anu rekese ra wuma - da mamare Ədǝshǝri anogemese ŋanin zi tǝndǝsi epe me." 18 Zachariah gon Malaika me "Ini zi igiya nen we? se waja ina ŋuna uwayo hon konzen mana waka u ŋuna." 19 Enze Malaika me garame mago "imizi Gabriel onu tore aji Ədǝshǝri. Awa tuman dan buki igiya. 20 Bakan nane usa cikǝ uturu, har a ka daŋe u ca ogemse igiya na faro. Baka nŋo dan garan nleŋa man magemse masă binja uca u wuma." 21 A waja ano wara pay Zakariah. ŋawara gusa yanna manti mi anyima a kurǝ Ədǝshǝri a ka waja. 22 Se ma'a suru, matǝ iya upǝnǝnu a ma bukanun ŋe. Enze ŋa gane se mme mana ni unǝrǝ anyima akura Ədǝshǝri. Mme yakama wȧŋara rebo a ŋe, mawa geme wete. 23 Enze uca ogemese ituma eheme na maso, mawa here ma wǝŋa tau. 24 Amaro a timuru tiga, Uwayohome wa yetǝ apuru har tubarma shibi mme mawa gorkono u gura. Mago 25 "igiya ze Ədǝshǝri na woŋ si ma ti narun na aji a ijaiy a ma zuzun a imme anyima ano." 26 U ca tubarma tase, Ədǝshǝri wa tume Malaika Gabriel a uyu gwiri anyimi Galili se agosse Nazareth, 27 a waŋa uyu galla se madawa ru onoromene ama mazen rimin reagya nan oyo norome se agonsenme Joseph. Una kurǝ David, ugalla me agosenme Mary. 28 Malika wa rai ma gonme "ko'o , nŋoze Ədǝshǝri nazake! Ədǝshǝri zenŋo." 29 Birwa bi Ugalla bewa tore, mawata ru iya'a isǝnǝ ko'o ingemene. 30 Malaika me ko magonme "tago u kuna iwi ni, Mary, baka Ədǝshǝri na zake. 31 Nari, usa wuna apuru, oyo'o vana. U ŋya vana me riji 'Yeso.' 32 masa ze unu hisiza, asa'a tisame vana u Ogomo zalle. Ogoma Ədǝshǝri sa'a ŋyame tegomo tǝ Ecoyeme David. 33 Masä woze tegoma teme akura Jacob, tegoma teme ti dawǝ massone." 34 Mary gon Malaika me "anin winni zi igiya we, se min dawa ru onoromene?" 35 Malaika me gara ma gonme, "Uvunu u i-sansan sǝ tuna ŋo, enze agatǝ ogoma Ədǝshǝri sǝ tunaŋo. Ono i-sansan se usǝyo asǝ gosenme vana Ədǝshǝri. 36 Nari, Uwanomo hoi Elizabeth ma mana yeta apuru a teŋona teme, mara tubarma tasen geme se awa gosenme unu diroyo. 37 Baka iyiyabo ta kirka Ədǝshǝri ni." 38 Enze Mary go, "Nari, immi kuwai orere Ədǝshǝri zi, teke kuyiya cikǝ kando gemse una buki." enze Malaika me Wuri. 39 Enze Mary a timuru teme ma here sassa ma waŋa ugwiri ogemse ura tewo, uwa pe Judea. 40 Ma petǝ atau Zachariah ma gon Elizabeth ko'o. 41 Uca ogemese Elizabeth wa kone ko'o Mary, Vana uwa yimǝ purame canko, konzen Uvunu i-sansan tu a Eliabeth. 42 Ma yiza remelo Mago, "Onu mura remura ze nŋo, onu mura remura ze vano gemese una mantǝ. 43 Iya ze a murohon, a winnizi Ayinu Ogoma Ədǝshǝri ohodo rawi mi? 44 Baka nari, uca ogèmese iwa kuna remelo re ko'o hoi, vana pura haŋ wa canko izalla. 45 Unu mura ti-mura ze uwaiyo gemse ma we birwa e wé emegemse awa buki si ira murome a surǝ Ədǝshǝri." 46 Mary go, "Ruma rina yisiza Ədǝshǝri, 47 konzen ririzalla a Ədǝshǝri unu kassahon. 48 Ijaiye me ze gada simiza aka simiza aza ani iwi we. 49 Mana biza agata me nan uwarome; Mana sazara anu hisiza rete iruweŋe. 50 Ijaiye me ze gada simiza aka simiza aza ani iwi we. 51 Mana biza agata me nan uwarome; Mana sazara anu hisiza rete iruweŋe. 52 Mana duti tegomo a tegoma teŋe, Mako ma yisiza anagemese ŋawara dizi. 53 Mana binja anekomo na tegogoro tiwuma, Amma anu mura ma koreŋe in tare ti w 54 Mana male anu Isreal arere me, indo gemse ma woze ijaiye heme 55 (kando gemese ma buka Acowa haŋe) a Abraham nan simiza sura." 56 Mary wa cikǝ nan Elizabeth har a kadeŋe tubarma tase bata ma waŋa atauwa me. 57 U ca wadeŋe se Elizabeth nin yo, ize ma yo vana. 58 Anu laken me wa kuna emegese Ədǝshǝri wa we me, enze ŋa maleme izalla. 59 A maro timuru uru uca ogemese anin ka tuzi reshoro ri vana me. ŋaware pu ŋya vana me riji "Zakariah", riji ra aco'ome. 60 Enze ayinume go, "babo, anin tisame John." 61 Anulake go,"a dawa taba utisa owe nan riji rija akura mene." 62 ŋa we inna nan uware da'a acome buki riji regense anin tisame. 63 Enze acome me saŋara a rame nan imu darsa, enze am darse, "rija reme John." Kwavi arame wa meyanu. 64 Dap arame enze anume nan nleŋa mame mawa panu. Enze mabukanu ma më uyisiza Ədǝshǝri. 65 Iwi wa me zalle anu lakenme. Nlen magiya mawa buzaru zalle tigwiri ti-Judea. 66 Zalle onu kuna epeme mawa yiyabirwa aza iyaze vaname nin cikǝ baka ŋa ni uwarǝ Ədǝshǝri anu. 67 Uvunu u i-sansan wa tu a Zakariah enze ma biyǝ, Mago, 68 "a yisiza ogoma Ədǝshǝri u Isreal, baka mana ra da ma male do, mana ko ma yado tu-male teme. 69 Mana yisiza rezo riwukassodo akura aworere me David, 70 se mawa buki anu awa atuma hame, se ŋawa ze asimiza si dinka. 71 Mara rawodo nan ukassa a ono mari, danan anu nyamenodo. 72 Mara wuna igiya da ma beze ijaime a acowa hado a ma mati emegemse mawago manenwe, 73 Oath o gemse mawa buka Abraham acowo hodo. 74 Ma wa tono nze ma we do da woro, tunsi awa kassedo a tare tǝ anu nyamenedo, ikamata i yisizame nan udira iwi, 75 anyimi i-sansan, nan uyiyabirwa aza hame zalle timura tedo. 76 To, nŋo, nan abiya a sa tisaŋi atuma igaŋgaŋ awa Ədǝshǝri, Baka nŋo sa ŋana aja Ədǝshǝri a mamara turuna teme, a mamarano a ŋa cikǝ kima a kadeŋe uca u rawome, 77 a ŋyano uru u makassa nan turuna tu kunki macara mado. 78 Igiya nen we baka ukuna ijai ewa Ədǝshǝri, baka oŋwe u yisiza onu sura a kayaza sära da ma maledo, 79 da ewe isana aza anagemse ŋarǝ cikǝ a mǝri, nan uwari u wǝnǝ. Manin we igiya da ma tarsen tǝnǝ tedo u runa u i-shammo. 80 Uca ugiya vaname wa baré, nan agata awuvunu u i-sansan, konzen ma wa ze anyimi uja, hara deŋe uca ogemse manin surǝ akai anyima ano-Isreal.