Udaraŋa u 15

1 Wagiya kusum anu ka iru inyaŋa nan udaŋara ano macara wa rasa voto nan Yeso da ŋa roso otonye ă me. 2 Ti-farisis nan anu ru makiri konzen ŋa wara vari nlen a ŋe apuŋ, a gusa,"onu giya ra kai anu macara, har ma wushu imunshu nan ŋė." 3 Nze Yeso buki ŋi ugǝmǝrǝ, mago, 4 "avizi anyima ŋi, ingase mazen itan tigu rinu, nze bevento bi wuri, ma ten deke akuru toroi nan toroi anyimi uja, ma wam ma ka giŋari bevento beme ne? 5 Ingase ma mura beme, ma zakka beme nan birwa bi run. 6 Uca ogemse ma deŋa tau ma tisa arere nan anu lake, ma gonŋe, 'ǝ gǝri izalla aza u mura bitang begemese bi na wuru.' 7 Ŋa buki ŋi se nane ze izalla ira cikǝ anyimi adaishari iga ono macara ovento mana giŋarǝ ogwene, aza ano tigu rinu se ŋa tă dǝn uginǝrǝ ogwene ne. 8 Ne iya uwai se mazen iru tisule teme rikuri, eze ovento na wuri nan me, ma ten wuna ura ǝ rebono, ma sakka atitauwa me, ma ginǝrǝ ne? 9 Ingase mana mura, ma tisa arene a hame a revento nan anu lake, eze ma gonŋe, 'ǝ gǝri izalla nan mi, se ina mura usulai ogemese una wuri.' 10 Nane se na buki ŋi, ti-malika tă Adǝshǝri zale ra wuza izalla aza ono macara ovento se mana ginarǝ ogwene. 11 Nze Yeso go," Oye wazen abiya a repo, 12 nze vana dimu mi magon Acome, 'Dada, nyan u mura o hoi se eze e hon.' Nze Aco home ware umura o home tipuri te-repo ma nya me upuri ovento. 13 Nan tumuru bate, vana dimu mi here u zaki kusun se ana nyame, ma waŋ a maiy inyaŋa a yayau, ma ka wursu zale emegemse ana nyame. 14 Nze Uca ogemese mawa wursu kuyiya e heme, ekomo wa petǝ inyaŋa ma gem mame, nze ma me u nara imunshu wushu. 15 Ma wa wame ma giŋǝrǝ itumu wuza a oyono se mazin tilade, a ma ŋiza tilade teme umunshu. 16 Ma wushuji umunshu nan tilade eso evento, baka owe dawa nyome umunshu né iyabo ne. 17 Nze vana me woze adodonzo u guna, "akura awa Acowa me, arere a yanoze eseke, enze ma rai ma rǝ shiyǝ wuya nan uwushi imunshu tilade agiya! 18 Nin deke arigiya in kurǝ a Acowa han, in ka gon me, 'Aco, inna we macara a Adǝshǝri a hado, nan nŋo gangaŋ. 19 U tin ku tisan vana o hoi ne; ama dekan cikǝ orere o hoi akura me."' 20 Nze Vana me here mawa a Acowo me. Si ma wa da ayayau, Acowa me wa nǝri mi, nze birwa beme bi runtu, ma here nan toson ma ka gara vana me in birwa bi run. 21 Vana me gon Acowa me, 'Aco, inna we macara a nŋo nan adahsari, in tǝ da ono ogeme se unin tisan vana o hoi ne.' 22 Aco me gon arera me, 'wanni sasa i ka raiyon nan tommo tisau, e soke me, konzen i we me regwene ri wuna, nan tiŋaforo ti wuma. 23 Nze i ko i ka me bi vare bi mumuru e wey beme. E woze remeze ri u rai vava o hon 24 se i wa ra gusa mana wǝnǝ ashe ma giya nan ruma. Ma ti wuri, nze i na tenke me.' Nze ŋa me remeze reme. 25 Vana o ŋono me wa da anyimi uca. Se mawa deŋe voto nan ayitau, nze ma kuna remeze ri irina nan anu gari mi. 26 Nze ma tisa oyo rere me ma saŋara me iyaze ara nu. 27 Nze orere me gonme, 'uwanomo hoi inna kuru, nze Acowa honi na tuzi bi vare bi mumuru, baka u rawo me.' 28 Vana o ŋono me wa cara birwa suŋ, ma nyamene opetǝ ayitau mi, Acowa haŋe wa ka mura me ma tilala me a ma pete. 29 Nze vana ŋono me gon aco me, ' nǝri zale tumura ton inna wuza ituma cebete, in dan taba u nyamene nleŋa mai ne, nze u dan taba guna u nyan in tuzu ko kubiya ku bate dan tisa arena han di wose remeze ne, 30 ama onugiya se ma ti ŋana madeke ma kai umura ogemese u ti nyame ma ka wursi a agalla, nze manze nŋo na tuzi mi bivare bi muru.' 31 Acome gare mago, 'vana nŋo zimmi kuyya tinyǝ zale emegeme se in zenno ehe ze. 32 Ama izikima e woze remeze ri uruntu birwa bewu onugiya se i wara gusa mana wǝnǝ eze magiya nan ruma; mawa nǝ wuru konze eze wagiya i na tinka me.'"