Udaraŋa u 16

1 Yeso konzen ma go ätuma me, "awa zen oyo unu mura se maze unu sǝru u unǝrǝ tommo, nze awa tase me nlen mu unu unǝrǝ tommo teme se mara cara ome tommo teme. 2 Nze unu mura me tisa me ma gonme, 'iyaze imigiya se mira kunuzame aza hai? Nyaka tommo tigeme se ura nǝrǝ mi bakase u tin ku cikǝ unu nǝrǝ mi ni.' 3 To unu sǝru u nǝrǝ tommo ti unu mura me gon ritǝreme, 'inizi inin wu na, tunsi Acakura han na go ma nin kai ituma uwu nǝrǝ mi imi? Konzen min damin agata awa vara ne, min giya a kuna emme ma vale. 4 In ru emegeme se in nin wu na, deke an wu na ina ingase a zuzun ituma me, ano nin kayyon a tititauwa teŋe.' 5 Eze unu sǝru u nǝrǝ tommo teme tisa zale anageme se ŋa zen tiduru ti Acakura a hame, enze ma sǝngǝrǝ ono vento, 'inizi acakura a hado tarse?' 6 Ma go, 'tigarwa rinu ti manenge.' Magonme,'yita imu darsa e he, cikǝ sassa, du darsa akuri shibi.' 7 Enze unu sǝru mi gon adangara me, inizi ara tarsu u huŋi? Oye go, 'uguru ɔ tepozo ti Wheat,' ma tare, 'yita u darsa akuru uru.' 8 Nze Acakura me tungara unu nǝrǝ tommo se ma dira magangaŋ baka mana wuza nane nan rekesa reme azu guna se abiya massano magiya ŋa zen remo ru tarse nan ana haŋe nan abiya a masansan. 9 Dikan buki inŋi, wuza ni rerene ate ahanŋi ko uruna iru macara, baka ingo ita dǝnu ni ŋa nin kai ŋi aru cikǝ a suŋ. 10 Ono geme se mazen riwuza ri wuma iyabo i bate mara wuza kima iyabo i sǝru, konzen onogeme se ma dama wuza ri wuza ri wuma a iyabo ibate ne, mada mǝ wuza me kima iyabo isǝru ni. 11 Ingase i tazen riwuza ri wuma aza iru iwu dira magangaŋ ne, avizi nin nyaŋi umura u gangaŋ? 12 Ingase i tin wuza magangaŋ aza iru iwano ne, avizi nin nyaŋi iru egeme se eze i hiŋi? 13 Oyo rere tin date ma wuza ituma a ticakura terepo ne, né ko ma nin nyamene ovento ma barsa ovento, né ma nin nyaka agata hame a avento ma deke avento. Nŋi tin barsa Adǝshǝri nan umura massano ne." 14 Wagiya tipharisis, anageme se ŋaze anu barsa iru, kone zale tegogoro tigiya, enze ŋa kerkezo me. 15 Ma gon ŋe, "nŋi yonko ate haŋi aji awano ana wuma, bata Adǝshǝri ru iruwa i hiŋi. Emegeme se eze i wuma iŋi ganka imi caron ze aji awa Adǝshǝri. 16 Makiri nan atuma a Adǝshǝri wa rituma bata uca ogeme se Johne wa rai. A suru uca ogeme ze awa yisu inlen ma tegomo tǝ Adǝshǝri, inze kuwavi na biza rita reme nan agata anyimi. 17 Bata izi sauwu ǝ Adǝshǝri massano nan adaishari waka a ka masso aza udarsa ovento a makiri ma cikǝ ma da me ma wuma ne. 18 Kuwavi si ma cope uwaiyome ma yita uyu wai me mara rijama, konzen onogeme se ma wuza anya a uwai ogeme se ana cope mara a rijama ze. 19 Wajiya oye se mazi umura se ma soi tommo ti vu nan ti run se tira kasa, mara kura malo a kuyya tiyya aza ecebete umura o home. 20 Nze uyu una vale se agusan me Liyazarus a teteze arakai awunu mura, onogemme kusum ripuŋa reme terekwene tenze, 21 konzen magiya kuna ekomo a barsa ko egeme se i nin gati a nyanga a ma wushi. Nze iwashe a rasa a lǝmi zi terekwene teme. 22 I waze uca ogeme se ono avale me wa wi inze umalika ra ma yete me ma wame nen me a rekero ri Abraham. Unu mura konzen ma wa wi awa ka wasa me, 23 konzen anyimi Hades, imme a shia kpai, inze ma yiza aji ma nǝri Abraham a yayau nan Lazarus a rekera reme. 24 Inze ma tisan izama ma go, 'Aco Abraham, kuna ijai e hon u tuma Lazarus, da ma soke rebo a maŋi da ma tenkon me anleŋa man, baka makpai manze inra shiyǝ mi anyimi ura. 25 Inze Abraham gonme, 'vana dunza uca u cikǝ o hoi nŋo wa kuna malo, Lazarus mawa kuna kpai. Bata wajiya mara kuna malo, nŋo ra shiyǝ makpai. 26 Nan nane kusum, rewo ri sororo ri ra azata hado nan nŋi se oye a woro ajiya tin date u nyangara a wan iŋi a geme ne. Nŋi konzen i dama iya unyangara a rawa aworo ne.' 27 Unu mura go, 'mara riwi izama a Aco Abraham - tuma me a wan a titau tǝ Acowahan - 28 Baka in zen anowanome shibi - a ka buka ŋe, tago oyeyoŋe ra anyimi ara makpai agiya ne!' 29 Bata Abraham go, ŋazen Moses nan atuma Adǝshǝri; a ŋa kuna ŋe.' 30 Unu mura me gara, 'a'a Aco Abraham, ingase owe anyimi insau ma wan aŋe, ŋa nin giŋarǝ ogwene.' 31 Bata Abraham ma go a me, 'ingase ŋe dan kuna Moses nan atuma Adǝshǝri ni, ko se owe yere anyimi insau ŋa dama kuna mene.'"