1 Iti bursa aya tiyǝ Sabath, se mawa pete a yimi atitau a unaji ti-Pharisis, da ma wushi ufankau (borode), ŋawa ze votonme a nǝrǝ o home. 2 Nze oyono ono tejeje nan makwene ma Edema, atore aji hame. 3 Yeso saŋara ti-Pharisis timi nan Anu ru makiri,"makiri mana gara da we oye wamo atiya Sabath, né sommi?" 4 Bata ŋa cikǝ wete. Nze Yeso mantǝ mi a tipake, ma we ma wamo, 5 ma gonme a ma dura. Ma gonŋe,"avizi anyimǝ haŋi, ingase vanome, né bitan ŋa beme bi gara ruba matin conno ma zuzi ni?" 6 Ŋa ti tă date ugara eboze tegogoro tigiya. 7 Se wa ru anagemese awa buka ŋe, ŋa ra gatu zaka ti-kujira tenze, nze ma buki ŋi uyu gǝmǝrǝ, magonŋe, 8 "uca ogemese owe bukii bukị uwa anya, tago u cikǝ aru cikǝ ana-mumuru ni, baka iranu ana buki oye ogemese ma kirai. 9 Uca ogemese onu tisa uhuŋi ra, ma nin gonŋo yira nya onugiya aru-cikǝ mi, nze mmme ma nin meye a hira a ka cikǝ u kujira u bate. 10 Ingase a tisai a buki waŋ ka cikǝ u kujira u bate, baka onogemese mana tisai a buki ma ra ma nin gonŋo,'orene, waŋ ara a zagate.' Eze inin cikǝ nan uyiza nŋi nan anagemese ira cikǝ nan ŋe. 11 Ono gemese ma yiza retă reme ara duto me, konzen onogemese ma dutu retă reme ara yizo me." 12 Yeso ko gon onu bukome buki mi,"Ingase u ra tisa uwushi imunshu, tago u tisa arenaye, né anu-wanomaye, né anu-lake ani-iru, baka ŋa nin kon tisai, ŋa biyai. 13 Ama ingase u ra tisa buku uwushu imunshu, tisa ano-tiyaŋ, agun, arũ, nan akoto, 14 nze u nin mura taye, baka ŋa tin biyai ne. Anin biyai atiyǝ uyisiza ruma ra anu-wǝnǝ a kwarere. 15 Se ono gemese marǝ cikǝ aru cikǝ Yeso ma kuna tegogro tegeme, nze ma gonme,"ono taye tenze onogemese ma nin wushi borode akura Adǝshǝri a suŋ!" 16 Bata Yeso ko gonme,"Oyono wa tisa ano cebete a buku wushu imunshu, 17 se imunshu mi wa yina, nze ma tome orere a ma ka gon anagemese a ti tisa, 'rani imunshu mi na wuna.' 18 Kweren o ŋe ŋa me ubiyǝ adodonzaŋe. Onu bura go,'min damin uwari ni. Ina kwa uru izikima in ka ni ome waja.' 19 Owe go, 'min damin uwari. Ina kwa itan shibi, inrepe ugudoŋe akai.' 20 Oyono me ko go,'in tin mura uwari ni. Baka ina sura yita uwai.' 21 Orere me wa kuru ma buka Acowa me tegogoro tiya. Nze birwa biwa caro Acowa atau mi, ma gon orere home,' suru sassa, waŋa akai uruna nan tilu ti-ugwiri mi, u ka tisa ano-tiyaŋ, Arũ, Aguŋ, nan Akoto.' 22 Nze orere me go,'Aco zale emegemese una guna a we ana we, taken nane ugura dǝnu.' 23 Acakura me gon orere me,'suru wame a tiruna ti-sassaru nan tilu tǝ akai ugwiri, wunaŋe a ŋa ra, da akura han binja. 24 Baka owe anyimi anagemese ina bura u tisaŋe tin mura iyabo ŋa wushi ni.' 25 Uca me riyǝgǝ rano cebete wara tarso me, nze waŋaro magonŋe, 26 "Ingase owe go ma nin tarson eze ma tin nyamene, Acome, Ayinome, Abiya hame, nan Anuwanomame, har ruma reme ma, ma tin date ma cikǝ Utumo hon ne. 27 Zale ono gemese ma tin zaki utiti tiyaŋa teme ne, ma tin date ma cikǝ utumo hon ne. 28 Avizi anyima haŋi, onu barsa upiyǝ ugura oyö a adaishari, ma tin cikǝ ma bara emegemese manin wursu a ma ni ingase ma nin date ma massa ome ne? 29 Bakase ingase ma me upiyǝ mi eze ma tore anya base, zale onu nǝrǝ mi nin gǝllǝ mi, 30 a gusa, 'onu giya wa me piyǝ ugura magiya mana gamene u massa me.' 31 Né iya ogomo ze, ingase mara ka ukara nan oyo ogomo me, ma tin cikǝ ma woze adodonzo ma ni ne tisuja teme (ten thousand) ti nin date ti wuza ukara nan te ogomo uwa ǝnnǝ mi ni se mazin tisuja (twenty thousand)? 32 Inga ma tin date ne, sassa tun tisuja te dǝ talle, ma tuma nan retuma ri unara ucikǝ shammo. 33 Baka nan nane, ono gemese ma tin deke zale emegemse ma zenno ne ma tin date ma cikǝ Utuma o hon ne. 34 Rekon re lo, ama ingase elome masso a nin winni zi a we me ma lo konze? 35 Ri nin cikǝ ri damen imu wunan no ne. A nin kunki. Ono tetoŋe tu kuna, ma kuna."