¹ Yeso wame owoo u olives, ² Pinpin nan ucinju ma wame akura awa ǝdǝshǝri konzen, nze anome zale ŋara, ma cikǝ anyaŋa ma bezeze ŋe. ³ Ano darsa ere nan tifarisawa ra nan uwise a meme a rijamA. ŋa wuna me azate. ⁴ Nze ŋa gomme, "Ono bezeze ana me uwai ugiya ana meme a nyimmi rijama. ⁵ Wagiya a nyimmi makiri, Musa wago nan woro ono ogemeagisimi nan azuwa; ŋo gunnizi aza ahame?" ⁶ ŋa buku imigiya da ŋa meme da ŋa mura egemese kŋanin meme nan no nze Yeso tuy ǝnǝ ma darsa ere a nyaŋa nan rebo rereme. ⁷ Uca ogemese ŋa wushu aji a saŋara ahome, mayira ma tore ma gonŋe, "Ono ogemese madamenan macara ne, a ma bura uyita rizuwa magimi nan no." ⁸ Konzen ma tunŋani, nze ma darsa ere a nyaŋa nan rebo re reme. ⁹ Se ŋa kuna, ŋa deke arame anka vevento, abura me nan ono aŋoŋo me, Yeso ka masa za tenteme, nan uwai me se mara azate. ¹⁰ Yeso yira ma tore nze ma gomme, "uwai, ano ginǝrǝ ohoi nan macara mame ŋayu?. Oye dan woye ne?" ¹¹ Mago "koono vento Aco" Yeso go, " mindan woye ne, ŋana taga uwuza macara ne. ¹² Konzen Yeso kun buku anu nan ŋe, agusa "imizi ura u sansaŋ u masano; ono ogemese ma tarson madama wuza tano a mǝri ni se manin mura isansaŋ i ruma. ¹³ Tifarisawa te gomme, "ŋo bi emegese ŋuru aza reta rei, emegemese ŋura bimi aza reta rei in pore manze." ¹⁴ Yeso tara magonŋe, "Taken nane, tago min buku emegemese minru aza reta ron,emegese min buku gangaŋ ze. Min ru aregemese min waka suru anu nan aregemese min rǝ suru anu ŋi ne aregemese min rǝ kanu ¹⁵ ŋibi nlen a tarse repun, minta bi oye nlen ne. ¹⁶ Taken nane, tago minbi nlen, nlen nŋa mang gangaŋ ze bakase dan imizi tenton ne, nze nan Aco se ma tuman. ¹⁷ Aa, konzen a nyimmi makiri mamaŋi awa darse ere se emegemese an karepo buku se ŋaru gangaŋ ze ¹⁸ Immizi ono ogemese se in buku emegemse min ru aza retaron, konzen Aco se ma tuman ma buku emegemese maru aza ahang." ¹⁹ ŋa gomme, "Acoye ra ba?" Yeso gara "ŋi ta ruwun ni ne Aco ohong, tago ŋi ruwun kŋi ta ru Aco ohong konzen" ²⁰ Mabi amelo agiya aru yisa ima mate mme a bezeze a nyimmi akura ǝdǝshǝri konzen oye ta memene bakase uca ohome wadanna deŋe ne. ²¹ Enze konzen ma gonŋe, "min ra ŋana ŋi nin ginǝrun konzen ŋi wǝnǝ a nyimmi macara mamaŋi. Ara agemese minra kǝnu ŋi tan date ŋi ra ne?" ²² Tiyahudawa tego, "manin woo reta reme? enze wuna se mago, "aregemese minra wameanu ŋi tan date ŋi rane?" ²³ Yesdo gonŋe, "ŋi ka suru a dizi, min ka suru aza ze, nŋi ano masano magiya manze, mmi dan ono masanoi magiya manze ne. ²⁴ Baka nane ze minwa gunan ŋi ŋinin wǝnǝ a nyimmi macara mamaŋI. Se ŋina gara immizi, ni nin wǝneǝ a nyimmi macara mamaŋi"' ²⁵ Baka naneze ŋa gomme,"nŋoze avi?" Yeso gonŋe, "Emegemese na buku iŋi ubura me. ²⁶ Minzen tegogoro cebete da buku konzen da bi nlen aza ahaŋi. Taken nan nane, ono ogemese m tumang gangaŋ ze...., nan tegogoro tigiya min bukua masano" ²⁷ ŋata ru se mara banu aza Aco zene. ²⁸ Se Aco wa bezezan, min bi tegogoro teme, ²⁹ Ono ogemese ma tuman ze nan immi konzen mata dekon tentonne bakase min wuza emewgemse ma kuna malo. ³⁰ Se Yeso wara bi tegogoro tigiya, ano cebete gara nan me. ³¹ Yeso gu nan tiyahudawa tegemese ŋa gara namme, "tago ŋi cikǝ a nyimmi nlen ŋa man nze jŋi nin cikǝ atuma ahang a gangaŋ. Konzen ŋi nin ru magangaŋ, ³² konzen magangaŋ mame manin wuna ŋi cikǝ ano dira macara" ³³ ŋa tara me nlen "woro reno ri Abraham renze, woro wata cikǝ arere a oye ne, innizi ŋogo woro nin cikeǝ ano dira macara?". ³⁴ Yeso tara ŋeme gangaŋ gangaŋ, mina gusanŋi, ono ogemese mazen macara orere ze u macara. ³⁵ Orere tǝ cikǝ a nyimmi atau sun ni, Vana cikǝ sun. ³⁶ Baka naneze, inga se vana kpijik gangaŋ ŋuna cikǝ sansaŋ. ³⁷ Min ruu se nŋi reno ri Abraham renze; ŋira nara uwu na ohong baka amalo ahang dame nan ara a nyimmi ǝhǝni ni. ³⁸ Nǝ buku emegemese min nǝ nǝrǝ nan Aco ohong jnŋi konzen ŋi wuza emegemese ŋina nǝrǝ a aco uhuŋi." ³⁹ ŋa tara ŋa gomme, "Aco ohodo ze Abraham" Yeso gonŋe, "Inga nŋi abiya a Abraham ze ŋita wuza isana ituma u Abraham. ⁴⁰ Wagiya ŋira nara uwuna ohong, ono ogemese mana bukuŋi magangaŋ se min wa kuna ǝdǝshǝri. Abraham wata wuna nane ne. ⁴¹ ŋira wuza rituma ma aco uhuŋi.." ŋa gomme "A ma ta Yeso do arijamane Aco ohodo ovento ze ǝdǝshǝri" ⁴² Yeso gonŋe, "Inga ǝdǝshǝri ze Aco uhuŋi, ŋita barson, bakase min wara asuru ǝdǝsheǝri konzen mingiya arigiya; baka ura ohong dan u reta ron zene, manze ma tumang. ⁴³ Iyaze ŋi ta ru nlen ŋa man ne?, eze bakase ŋitan date ŋi kuna nlen ŋa mang ne. ⁴⁴ nŋi ano awa aco uhuŋi ze, Shetan, konzen ŋira barsa ŋi wuza emegemese aco uhuŋi barsa. Maze ono wuza anoze ubura me, konzen mata tore a magangaŋ ne, bakase magangaŋ madama a nyimmi ahame ne. Uca ogemese ma bukun mpore, m bǝnu a nyimmi uziya ohome ze bakase onon mpore manze konzen aco mpore. ⁴⁵ Bakase min bi magan gaŋ, ŋi dan gara nan mi ni. ⁴⁶ Anyimmi ǝhǝŋi, avizi na muran nan macara? Ingase min bi magangaŋ, naka iyaze ŋita gara nan mini? ⁴⁷ Ono uwa ǝdǝshǝri kunuza nlen ma ǝdǝshǝri, ŋita kuna ŋene bakase ŋi dan ano awa ǝdǝshǝri zini." ⁴⁸ Tiyahudawa tigara ŋa gomme, "Woro dan buku magangaŋ se nŋo u samaritan ze nan tilijanno ne? ⁴⁹ Yeso tara, :"min taze nan tilijanno ne, se minnya Aco ohong ubare, konzen ŋita nyang ubare ne. ⁵⁰ Minta ginǝrǝ uyiza u reta ron ne; ono vento se ma ginǝrǝ konzen mabi nlen. ⁵¹ Gangaŋ, gangaŋ, mingon ŋi, inga se ono mǝntǝ nlen ŋa man, madama nǝrǝ uwǝnǝ ni" ⁵² Tiyahudawa te gomme, " wagiya woro ruu seŋozen tilijanno. Abraham nan atuma awa ǝdǝshǝri wa wiju, bate ŋo gusa, ono ogemese ma mǝntǝ nlen ŋa man madama wǝnǝ ni. ⁵³ ŋo ta kira aco ohodo Abraham ne se ma wǝnsǝ ŋo kira me? Atuma awa ǝdǝsheǝri wa yiju konzen . Nŋoze avi? ⁵⁴ Yeso tara, Inga se min yiza reta ron,uyiza ohon dan ityabo zene, Aco ohong zeyizan ohon dan iyabo zene, Aco ohong ze yizan aza ono ogemese ŋi go manze ǝdǝshǝri ahaŋi. ⁵⁵ ŋi ta ruu mini, min ru mi, Ingase minin guna minta rumini, minin cikǝ uga nŋi, onon mpore. Take nan nane min ru mi, min kuru mǝntǝ amelo ahame. ⁵⁶ Aco, uhuŋi Abraham, birwa ba runtu nan unere omwe ohong, ma nǝrǝ konze birwa ba runtu nan me" ⁵⁷ Tiyahudawa tegomme, ŋo dawa deŋe siwai ituru shibini, konzen ŋo wa nǝreǝ Abraham?" ⁵⁸ Yeso wa gonŋe Gangaŋ, gangaŋ, mina gunan ŋi, min wa ware Abraham, Immizi" ⁵⁹ Nze ŋa yita azuwa da ŋa gisi mi, nze Yeso gorkono ma suru nyimmi akura ǝdeǝshǝri.