¹ Wagiya, se Yeso mara waka, mǝrǝri ono se ama yome uru, ² Atuma a hame saŋara me, "ono bezeze, avizi nan macara, ono ugiya ne ano yowo ohome, se ama yome uru." ³ Yeso tara, "ono ugiya ne ano yowo ohome oye dame nan macara ne, se da apǝni ituma iwa ǝdǝshǝri aza ahame. ⁴ Woro nin wuza ntuma mame ono ogemese ma tuman nan omwe. Atitiyǝ rara se oye tan date ma wuza ituma ne. ⁵ Uca ogemese minra masano immizi isansaŋ masano." ⁶ Aza amaro me se Yeso wa masa ubi tegogoro tigiya,ma cate taye anyanŋa, ma luwa tiguru nan taye teme, ma shukuma tiguru timi aji ahame. Ma ⁷ gomme, "ŋara,kpiji owo manyi a Siloam. Enze ono me wame, makpiji, enze makuru aŋi ara. ⁸ Enze ano lake awo onome nan ano agemese ŋa nerǝ mi, oga onuwuza ana vale nŋe agusa, "Dan ono ugiya se ma cinzaŋa a wuza avale zene? ⁹ Aye guna manze" Aye go "oo ma yǝn kǝnǝ namme". Enze mago "mmizi." ¹⁰ ŋa gomme, "atu ŋǝni aji ahaime nnizi?" ¹¹ "magara, "Onu ogemese atisiza me Yeso tu wǝrweǝ tiguru, ma shukuma imi aji nze magunmi, wame Siloam du kpiji! enze wame inka kpiji, enze aji ahang pǝnu." ¹² ŋa gomme, " mǝ yu?" matara "mintǝruni." ¹³ ŋa wame nan ono ogemese maze uru mi a ti Farisawa. ¹⁴ Wagiya omwe o vonke ze waze se Yeso wa wǝrwǝ tiguru mǝ pǝni aji ahame nan no. ¹⁵ Enze konzen ti farisawa ti saŋara me nane se ma nǝrǝ ara. Ma gonŋe, " Ma shukuma tiguru imǝ aji, min kpiji, konzen in nǝrǝ ara." ¹⁶ Aye anyimmi ti farisawa go, "Ono ugiya dan ono suru ǝdǝshǝri zini bakase mata mǝntǝ o vonke ne" Aye guna "innizi ono macara nin wuza riruna rigiyq?" ¹⁷ enze nlen mŋa maŋe ma wama Enze ŋo saɲara uru mi konzen, "iyaze ŋunin buku aza ahame, se mati pǝni aji ahai? Urumi go "mme utuma uwǝ ǝdǝshǝri ze. ¹⁸ Wagiya ti Yahudawas teme ti wata gara msm mene, konzen ma mura uni ara se ŋa tisa ano yoo ahame se mamura unǝrǝ ara. ¹⁹ ŋa saŋara ano yoo ohome, "vano uhuŋize ugiya se ŋi go ama yome uru? inizi wagiya mara nǝrǝ ara? ²⁰ Enze ano yowo home gara ŋeme. "Woro ru se vana ohodo ze ugiya konzen ama yome uru. ²¹ Se mana mura uni ara, woro taru ni, nan ono pǝni ohome aji mi, woro tǝruni. Saŋara me mana bare, "manin bǝnu nan reta reme. ²² Ano yowo ohome wa buku tegogoro tigiya bakase ŋawara kuna iwi i tiyahudawa. Tiyahudawa tana gara tinu ŋagara se inga oye buku se manze ukasa, anin zuzumi anyimmi akura awa ǝdǝshǝri ²³ Baka imigiya, ano yowo home wa gua, "mana bare, saŋara me." ²⁴ ŋakuru ŋa tisa utisa orepo, ono ogemese maze uru ŋagomme, "nya ǝdǝshǝri uyuza. Woro ru se ono ugiya ono macara ze" ²⁵ Enze onome tara, "mintǝeu nwe, mme ono macara zene. iyabo evento min ru: min waze uru wage min ra ni ara." ²⁶ Enzeŋa gomme, "iyaze matu wunai? innizi matu pǝni aji ahai? ²⁷ Ma tara, "Na masa ubukumi iŋi, bate ŋi dan ruka totoŋe ne! Baka iyazer ŋira barsa ukuna knzen? ŋi dama barsa ŋi cikǝ atuma ahamene, ŋi barsa? ²⁸ ŋa tinza me ŋago, "nŋobutuma ohome ze, bate woro atuma a Musa ze. ²⁹ Woro ru se ǝdǝshǝri wa banu nan Musa woro taru aregemese onu ugiya suru anu ni." ³⁰ Ono me tara magonŋe, "Imigiya eme iwi ze se ŋi tǝru aregemese mzaka suru anuni. konzen matu panun aji. ³¹ Woro ru se ǝdǝshǝri ta kunuza ano macara ne, ingase ono ra tarse ǝdǝshǝri, makun wuza emegemese mara barsa me, ruka totoŋe ame. ³² Asuru ubura masano adawa kuna se ana pǝni oye aji senama yo me uru ni. ³³ Ingase ono ugiya dana suru ǝdǝshǝri zini, matitin date ma wuna iyabo ne." ³⁴ ŋa tara ŋa gomme, "A ina yoye anyimmi macara ma ganka, konzen ŋura bezeze ohodo? Enze nŋa zuzu akai. ³⁵ Yeso wa kuna se ŋa kura me aka kai anyimmi akura ǝdǝshǝri. Ma mura me enze magomme." nŋu na gara nan vana ono? ³⁶ Matara enze mago, "manze ǝvi, Aco?" se minin gara nan me?" ³⁷ Yeso gomme, "ŋuna nǝrǝmi, manze mara bǝnu nan ŋo." ³⁸ Ono me go, "Aco nagara" enze ma gurwǝname. ³⁹ Yeso go, "Baka ubiyǝn nlen min wara a masano magiya baka ano agemese ŋa ta nǝrǝ ara ŋa cikǝ aru." ⁴⁰ Aye anyimmi ti farisawa se ŋaze namme kuna tegogoro tigiya enze ŋa saŋara me, "Woro aru mizi konzen?" ⁴¹ Yeso gonŋe, "Ingase ŋi aru ze waze, ŋi titinze nan macara ne, se ŋigo, "woro ŋi ara; macara mamaŋi mana cikǝ.