¹ Amaro tegogoro tigiya Yeso ŋana tano a nyimmi Galili, bakase matara barsa ma wame Judeea ne bakase tiyahudawa tara ginarǝ home daŋa wome. ² Wagiya remeze ri tipǝki ri tiyahudawa nara ra vote. ³ Baka nan naneze ano waname gomme "Deke arigiya du wame a Judea, anu guna atuma ahai nin nǝrǝ ituma egemese ŋura wuza me. ⁴ Oye ta wuza iyabo nan upate a puru ni ingase mme mara barsa da arumi, ingase ŋuwuza tegogoro tigiya, wonke ritarei a masano". ⁵ Ano waname wata gara nan mene. Baka nan naneze Yeso gonŋe, ⁶ "uca ohong dawa deŋene, uca uhuŋi zen umamaro koiyu ca. ⁷ Masano matan nyame nei ne, immizi manya me non bakase min wa buku emegemese minru azame, ituma iburu zi ara wuza me. ⁸ Wame ni are remeze reme, min dama wame ara remeze remene bakase uca ohon dawa binjane" ⁹ Amaro agemese matu buku tegogoro tigiya aŋe, macikǝ a Galili. ¹⁰ Amaro agemese ano waname tu wame ara remeze reme, nze makun nya, dan nan ano a narǝ ohome ne, se anyimu pate apuru. ¹¹ Tiyahudawa titi ginara me ara remeze reme ŋago, "Mǝyu?" ¹² Riyǝgǝ rano ribi nlen cebete azahame. Aye go, "mme ono uwumaze." Udaŋora me go, "Dan naneze ne, mara 'wursu anomeze". ¹³ Teken nane, oye ta buku anu da ano kuna ne baka iwi i tiyahudawa. ¹⁴ a ogemese remeze re tideŋe a zate Yeso pete a nyimmi akura ̂̂ǝdǝshǝri nze mame obezeze. ¹⁵ Nze tiyahudawa ti kuna iwi agusa "Naizi ono ugiya run temmo cebete? auta bizizame ne" ¹⁶ Yeso tara ŋeme nze mago, "obezeze se min rǝnu dan ohong zene, owo ono ogemese ma tumanze. ¹⁷ Ingase oye barsa uwuza emegemese ma barsa, manin ru obezeze ugiya, ne asuru ǝdǝshǝri ne minra biya eme reta ronze. ¹⁸ Ko avizi bi nlen maretareme maginari iyiza ohome ze, ono ogemese ma ginari uyiza owo ono ogemese mana tumame, ono ogemese gangaŋ ze, konzen mat dira ribiyu ri wuma ne. ¹⁹ Musa wata nyaŋi makiri ni? Oye ohuŋi ta manta makiri mame ne. Baka iyaze ŋira nara uwuma ohong?" ²⁰ Riyǝgǝ reme rigara, "ŋozen uvunu oobo. Avizi a nara uwuna ohoi?" ²¹ Yeso tara magonne, "min wa wuza ituma evento, nze zale uhuŋi kuna iwi baka eme. ²² Musa wa wuna ŋi a tusu teshoro (dan baka isuru a Musa zene se asuru ana co wahaŋi), atiyǝ awo vonke asaban nŋi tuzu tshoro. ²³ Inga se a tuzu teshoro atiya awo vonke anu guna tago acara makiri ma Musa ne, baka iyaze iruwa caro nan ŋi bakase mina wuna ono wamo atiya awo vonke?. ²⁴ Tago ŋi bi nlen baka uziya ne biyǝni nlen nan ribiu ri wuma" ²⁵ Aye ahaŋe asuru a Jerusalem wago, "dan manze ŋara ginari ohome da ŋa wo ne? ²⁶ Nǝrǝ ma banu dan nan upate apuru ni, konzen ŋata buku mi iyabo ne. Itan cikǝ se anaji, ruse manze ukase, inin cikǝ nane? Zale nan nane woro ru aregeme se maka suru anu. ²⁷ Ingase ukase me raa. aye tan ru aregemese makasuru anu ni." ²⁸ Enze Yeso sǝkǝnǝ a nyimmi akura ǝdǝshǝri, a bezeze a gusa, "ŋi ruwun konzen ŋiru aregemese inka suru anu. Mindan ra baka reta ron ne, se ono ogemese ma tuman gangaŋ ze, konzen ŋi tǝrumini. ²⁹ Min rumi bakasa na ra asuru ameze konzen ma tuman." ³⁰ ŋara barsa omeyo ohome, bate oye wata tara uware amene bakase uca ohome dawa ra ne. ³¹ Bate aye cebete anyimmiriyǝgǝ gara nan me, nze ŋago, "uca ogemese ukase ra, manin wuza riruma makira emegemse ono ugiya na wuza.?" ³² Tiyahudawa tikuna riyǝgǝ reme a bira aza tegogoro tigiya aza Yeso, nze ti Priests ti sǝsǝru nan tifarisawa tuma ani tuma da a meme. ³³ Nze Yeso go, "minda nan ŋi uca ubate, konzen nze nŋana awame ono ogemese ma tumang, ³⁴ nŋinin ginarun ita muranne aregemese ra wama ŋi tan date ŋi wame ne" ³⁵ Baka nan naneze tiyahudawa abimi a zata a haŋe, Onougiya ra kabaze se woro dama nǝrǝ ohome ne? mara wame a ti Greeks tegemese tina saramo nze ma bezeze ti Greeks teme. ³⁶ Iyammo ze remelo rigiya se ma buku, "ŋi nin ginarun ita nǝrun ni, aregemese ra wame ŋi tan date ŋi wame ne?" ³⁷ Wagiya atiǝ a sǝru awu masa remeze reme, Yeso tore ma sǝkǝnǝ agusa, "Ingase oye ra kuna riwu ri manyi, amara imi da ma shi. ³⁸ Ono ogemese magara nan mi, se nlen mǝdǝri mabuku, sii si manyi ma ruma mara suma asuru ame ǝpuru." ³⁹ Nze mabuku igiya aza uvunu, ogemese ano agemese na gara nan me raka me; a dawa nyaka uvuru mini bakase adawa yiza Yeso ne. ⁴⁰ Aye ǝ nyimmi riyǝgǝ rimi,uca ogemese ŋa tukuna nlen magiya, ŋago, "manze dondon utuma uwa ǝdǝshǝri." ⁴¹ Ayekon go, "manzeukase" konzen aye guna, "Ukase ra ra asuru aGalili?. ⁴² Dan nlen ma ǝdǝshǝri ma buku se ukase ra ra asuru a rikura ri Daudane konzen asuru a Bethlami, kagbiri ka gemese Dauda wa cik ǝ ni?. ⁴³ Nze riyǝgǝ reme ri warna baka mme. ⁴⁴ Aye a nyimi ahaye ta meme, oye wata tara uware ame ne. ⁴⁵ Nze anituma me kuru a ti Priests ti sǝsǝru nan tifarisawaŋa gonŋe, "Baka iyaze ŋi dan ra mme ne? ⁴⁶ Anituma me tara, "Oye dawa buku ǝnu nna ne. ⁴⁷ Nze tifarisawa ti gara ŋe me, "ana wuna ŋi remo konzen? ⁴⁸ Oye a nyimmi anajimi nagara na mme me oye u tifarisawa? ⁴⁹ Riyǝgǝ rimise ŋatarumakiri ni, ana wuna ŋe anu" ⁵⁰ Nikodimus (Oye utifarisawase maãnã re ame) gon ŋe ⁵¹ "Makiri mado bi ono nlen bate a kuna ame konzen nan uru emegemese ma wuza?" ⁵² ŋagara konzen ŋagomme, "ŋo unǝri, tagoutuma uwa ǝdǝshǝri ra asuru a Galili ni". ⁵³ Nze kwavi wame ame atau