1 Amaro tegogoro tigiya, Yeso wame ulu udan dale Galili, se a kun tisiza udandale u Tiberians. 2 Riyǝgǝ rano ra ra tarseze ohome bakase ŋa nǝrǝ turuna tegemese mara wuza me ana ma pkene. 3 Yeso nya aza owo ma cikǝ a nyaŋa nan atuma ahame. 4 Wagiya passover, remeze ri tiyahudawa, wana deŋe voto. 5 Se Yeso wa yiza aji nze ma nǝrǝ riyǝgǝ rano a ra ame,magon Philip, "abaze woro ra kakpe borade da ŋa wushu?" 6 (Bate Yeso wa buki nane da ma nǝrǝ emegeme se philip nin wuna,baka mme nan rete rereme maru emegemese mara wuna me). 7 Philip tara me me, "Borode u ti de narii sinu se repo dama bare da koivi mura bate ne." 8 Ono vento a nyimmi atuma, Andrew uwanome Simon Bitrus, gon Yeso; 9 Vana ra arigiya se mazen tiborode shibi ti barley nan iginu erepo, iyammozer imigiya a nyimmi ano a cebete agiya?" 10 Yeso go, "wuna anomne aŋa cikǝ a nyaŋa, (Wagiya, omo waze cebete arame) Anarome cikǝ a nyaŋa, ano tigu shibi. 11 Nze Yeso yita agoro borode me, ma nya ka taye, ma nya ano agemese ŋara a cikǝ. Ma kun wuna evento nan eginu mi, garere nan emegemese koavi wara barsa me. 12 Uca ogemese ŋa seke, magon atuma ahame "woroni ibǝzǝ mi egemese ina rujku unuguna tago a kunku iyabi ne" 13 Enze ŋa woro zale ŋa binja tepozo rikuri nan ibǝzǝ iwa goro barley me amaro masa uwushu mi. 14 Nze uca ogemese ano wa nǝrǝ riruma regemese ma wuna, ŋago, "manze gangaŋ utuma u uwǝ ǝdǝshǝri se mara ra masano." 15 Uca ogemese Yeso wa ru se ŋa nara voto ŋa raŋa meme nan agata daŋa nyame tegomo, ma yira ma ŋya a zawo nan reta reme. 16 Nauca u waru, atuma a hame wame udandale. 17 ŋa pete a nyimmi okongo manyi a wame a Caperanaum. Uca ugiya ara wuna beje, konzen Yeso wadan na ra ma mura ŋene. 18 Rikimu ra gata ra ra awaka, udandale me u caro. 19 Uca ogemese ŋa wunku ome ti mile akuru arepo a wame akuru tare, ŋa nǝrǝ Yeso a tano u dandale ara voto nan Okongo manyi, nze ŋa kuna iwi. 20 Bate ma gonŋe, "Mmizi! Tago ŋi kuna iwi ni." 21 Nze ŋa gara da mara ma pete a nyimmi okongo me, nze ata da kanene okongo me ka deŋe a ran nyaŋa are gemese ŋara wame. 22 Omwe u tarse me, riyǝyǝ rimi a tore ulu udandale nari se oyo kongo dama nuni se ogeme, konzen Yeso wadannan pete nan atuma ahame ne, bate atuma ahame wanna ŋana tenteŋe. 23 Take nan nane, tei tekongo tara asuru a Tiberias a laker nan aregeme se ŋa wushu agoro borode me amaro agemese Aco wa guna kukpan. 24 Uca ogemese riyǝgǝ rano, rimi rǝ narǝ se Yeso ne atuma ahame wata ra a rame ne, ŋe nan ate ahaŋe ŋa pete a tekongo ŋa wame a Capernaum a ginara Yeso. 25 Amaro agemese ŋa mura me ulu dandale, ŋa gomme "ono bezeze ŋo tura ari giya nan uca uyu?" 26 Yeso tara ŋeme,agusa, "gangaŋ, ganganŋ, ŋina ginarun,dan bakasenŋina nii riruna ne, se baka ŋi tu wushu agoro borode ni seke. 27 Tago ŋi wuza ituma baka umuwushu egemese inin cro ne, wuza ni ituma baka imuwushu egemese ini mutana aka ruma ri sun, regemese vana ono nin yaŋi, baka ǝdǝshǝri Aco na wuna me seal." 28 Enze ŋa gomme, "Iyaze woro nin wuna, da woro wuza ituma iwa ǝdǝshǝri" 29 Yeso tara enze ma gonŋe, "Ituma iwa ǝdǝshǝri enze igiya: aŋi gara nsn ono ogemese ma tuma me." 30 Enze ŋa gomme,"Iya riruna renze ŋura wuna me, enze wuro ŋari da woro gara nan ŋo? Iyaze ŋura wuna me? 31 Ana co wado wa wushi manna ǝ nyimmi uja, se awa darse, m qãã nyaŋe borode asuru ǝdǝshǝri da ŋa wushi."' 32 Enze Yeso tara ŋeme, Gangaŋ, gangaŋ, dan Musa ze wa nyaŋi, borode asuru ǝd3ǝshǝri ni, Aco ohong ze a nyiza uhuŋi borode u gangaŋ asuru ǝdǝshǝri. 33 Bakase Borode uwa ǝdǝshǝri anze ogemese urase a nyaŋa asuru ǝdǝshǝri u kuru u nyaka ruma a masano" 34 Enze ŋa gomme, "usǝru, nyizado borode ugiya koiya uca." 35 Yeso gonŋe, "immizi borode uruma; ono ogemese marasa imi madama kuna ekomo ne, 36 konzen ono ogemese magara nan mi madama kuna riwu ri manyi ni. 37 Inwa buku iŋi ŋin egemese ina nǝrun, konzen ŋi dan gara ne. 38 Nara asuru ǝdǝshǝri , dan bala inwuza eme iwu barsa ehon ne, se imu barsa ewo ono ogemese ma tumang 39 Imi giya enze ono ogemese ma tuman barsa, ono vento anyimmi ano agemese ma nyang dama wuru ni, se in yirsiza ŋe omwe u maso masano. 40 Baka imi giya ze Aco ohon barsa, se kwavi se mana ru vana me, konzen magara nan me amni mura ruma ri sun konzen manin yirsiza me atiya maso masano. 41 Inze tiyahudawa teme kukumu aza a hame bakase mana guna, "Immizi borode ogemese uwa ra asuru ǝdǝshǝri." 42 ŋago, "Dan Yeso ze ono ugiya vana Yusufu, se woro run acome nan ayim ni?. Inni zi mara gusa, nara asuru ǝdǝshǝri?". 43 Yeso tara ma gonŋe, "dekeni kukumuzu azate ahaŋi. 44 Oye tara imi ni se Aco ogemese ma tumang wunku mi, enzwe minin yirsiza me omwe uwu maso masano. 45 Ama darsa ere a nyimmi atuma awa ǝdǝshǝri, ǝdǝshǝri nin bezeze kwavi! kwavi se mana kuna makun masa Aco ra imi. 46 Daŋago oye wa nǝrǝ Aco ne, se ono ogemese mara suru ǝdǝshǝri ma nǝrǝ Aco. 47 Gangaŋ, gangaŋ, ono ogemese magara, mazen ruma ri sun. 48 Immize borode u ruma. 49 Ana cowa baŋi wa wushu manna a nyimmi uja, ŋa wiju. 50 Borode ogemese usuru ǝdǝshǝri onze ugiya, ano guma ono wushu konzen mata wǝnǝni. 51 Immi zi borode u ruma se uwara asuru ǝdǝshǝri, igase oye nara ma wushu borode ugiya, mara cikǝ sun, Borode ogemese minra nyaka me repun reron renze baka ruma ri masano. 52 Tiyahudawa ti kuna mara nan apun a haŋe, konzen ŋame magita, a gusa, "Innizi ono ugiya nin nyado repun ŋa reme woro wushu?" 53 Enze Yeso gon ŋe, "Gngŋ, gangaŋ, se ŋina wushu binama bi repun ri vana owo no konzen ŋishi manyi ma mame, ŋitan mura ruma anyimmi ahaŋi ni. 54 Ono ogemese ma wushu repun re ron makun shi manyi mamang zen ma zen ruma ri sun, konzen minin yirsizame owme maso masano. 55 Baka binama be repun reron, imu wushu ze i gangaŋ. 56 Ono ogemese ma wushu binama bi repun ereron maKun shi manyi maman manin cikǝ anyimmi ahang immi anyimmi ahame. 57 Aco se mazen ruma wa tuman, konzen se mizen ruma baka Aco, naneze ono ogemese ma wushun, mnin kun mura ruma bakA immi. 58 Borode ogemese uwa tunu asuru ǝdǝshǝri ze ugiya, dan baka anaco wa wushu ŋa wǝnǝ, ono ogemese ma wushu borode ugiya ra cikǝ nan rumsa ri sun." 59 Bate Yeso wa buki tegogoro tigiya a nyimmi akura awa ǝdǝshǝri ri uca ogemese mara te bezeze a Capernahum. 60 Atuma ahame cebete ze ŋa kuna imigiya ŋago, "abezeze ugiya waka geteni, avizi ŋin gara imigiya?" 61 Yeso bakase maru a nyimmi birwa be beme se atuma ahame mara a kukumuzu aza imigiya, ma gonŋe, imigiya na caraŋi iruwa? 62 Inin cikǝ innizi tago ŋi nǝrǝ vana owo no a ŋana aregemese masuru anu? 63 Uvunu ze nyaka ruma; repun rina mura iyabo ne. Amelo agemese na buku iŋi uvunu ze, konzen ame ruma renze. 64 Zale nan nane aye anyimmi ahaŋi dan gara ne. "Baka Yeso waru asuru bibura beme ano agemese ŋa tan gara ne nan ne avizi nin nyaka me. 65 Maguna, "Baka imigiya ze inwa gunan ŋi oye dama ra imini se Aco ohon na nyame uwari." 66 Baka imigiya ze, cebete anyimmi atuma a hame wa ŋana,ŋa nyamene tano nan me. 67 Yeso gon aka rikuri mi, "ŋi dama ŋana ogo udaŋara mene, inin ŋana?" 68 Simon Bitrus gara, Aco, woro nin wame avizi? ŋozen amelo a ruma ri sun. 69 Konzen woro wa gara nze iru se ŋoze on u sansaŋ uwa ǝdǝshǝri" 70 Yeso gonŋe, "dan imizi wa zakaŋi anka rikuri konzen oye a nyimmi a haŋi shetan ze?" 71 Wagiya ma bǝnu nan Judas vana u Simon Iscariot, bakase manze ono vento anyimmi ano rikuri, se manin nyaka Yeso