¹ Azamaro meze, cemeze ri -Tiyahudawa nze Yeso wame a Urshalima, ² Wagiya a Urshalima a rǝkǝi awi itan owo manyi ranu, se a tisiza nan remelo ri tiyahudawa Bethesda, nan titidara shibi nan usura. ³ Ano makpere jebete aru, agun ne ano agemese rei rekero te apun ahaŋe wanǝ chinju wara tete arame, adinta Malaika da ma tere manyi. Da Malaika uwǝ ǝdǝshǝri tunu aka tere manyi. ⁴ zale ono ogemese ma bura opete manyi mami azu, wa wamo a koiya makpene se mazenno. ⁵ Aye wara rame siwai ituru taro nan uru. ⁶ Se Yeso wa nǝrǝ mi a tete arame se maruse mana dakano a rame, ma gomme, "ŋo ra barsa uwamo?" ⁷ Ono makpene mame tra, "Ono usǝru min dame nan ono ogemese manin bizan owo mene uca ogemese a saka manyi mami,uca ogemese inra, oye waron a pete." ⁸ Yeso gomme, "yira tore, yita opeŋe ohoi du ŋana tano." ⁹ Nan uwamo ono me, nze ma yita opeŋe ohome nze maŋana tano. Atiya ovenke ze waze. ¹⁰ Nze tiyahudawa tego ono ogemese mati wamo," Atiya awo vonke ze atin gara ŋo yita opeŋe ohoi ne." ¹¹ Ma tara, "ono ogemese mana wuna min wamo na gommi, yita opeŋe ohoi da uŋana." ¹² ŋa saŋra me, "avizi ono ogemese mana goŋŋo, yita ume du ŋana?" ¹³ Taken nane ono ogemese ati wuna ma wamo, matita ru ne avizinin bakase Yeso ti sulla repun ma ŋana, bakase riyǝgǝ ri tira arame. ¹⁴ Aza maro me, Yeso wa mura me akura a ǝdǝshǝri nze ma gomme," neǝrǝ, ŋona wamo. Tagoŋokun dangalo ne, anu guna tago iyabo icharo mu rai ne." ¹⁵ Ono me ŋana maka buku a tiyahudaw se Yeso ze tiwuna ma wamo. ¹⁶ Wagiya, baka tegogoro tigiya, tiyahudawa tin ya Yeso makpai, bakase mati wuza tegogoro tigiya atiyǝ awo vonke. ¹⁷ Yeso tara ma gonŋe, "Aco ohon ra rituma wagiya,konzen,immi minra ara ituma." ¹⁸ Baka imigiya, tiyahudawa ti vati ugǝnǝrǝ ohome da ŋa wome bakase dan ma chara omwe ovenke ze base ne, makun go ǝdǝshǝri aco meze, mayita rete re reme garere nan ǝdǝshǝri ¹⁹ Yeso tare ŋeme, "gangaŋan, gangaŋ, vana me ta wuza iyabo ereta reme ne, se emegemese mana aco awuza me, baka emegemse Aco ra wuma me, vana me wuza take. ²⁰ Baka Aco barsa vana me makon bezezeme koiya se ma wuza, konzen manin biza me tegogoro tegemme se tikira tigiya anuguma da ŋi kuma iwi. ²¹ Baka ingase Aco yirsiza inkeze manyaŋe ruma, taken nane vana me nyiza euma ono ogemese ma barsa. ²² Baka Aco tabi koiya nlen ne, se manya vana men ubi nle zale. Anu guma koavi nya vana me ubare uga nane se ŋanin nya Aco. ²³ Ono ogemese mata nya vana me ubare ne, mata nya Aco ogemese ma tuma me ubare ne. ²⁴ Gangaŋ, gangaŋ, ono ogemese ma koneze nlen mamang makun gara nan ono ogemese ma tumang maze nan rumari sun konzen atan bimi nlen ne. mana waka asuru uwǝnǝ a wama ruma. ²⁵ Gangaŋ gangaŋ na buku iŋi uca rara konzen wagiya ze, uca ogemese inkeze manin kuna remelo ri vana uwǝ ǝdǝshǝri konzen ono ogemese ŋa kuma ŋanin mura ruma ²⁶ Nanese Aco zen ruman anyimmi repun re reme, nane meze manya vana me anuguma mamura ruma anyimmi repun re reme. ²⁷ Konzen Aco wa nya vana me tegomo da ma bi nlen baka se manze vana owo no. ²⁸ Tago ŋi kuna iwi aza imgiya ne, bakase uca ra ra se ano agemese ŋara nyimmi insau ra kuna remelo re reme. ²⁹ Konzen marǝ suru: ano wuza tommoti wuma a yirsiza ŋe aka ruma,ano macara ayirsiza ŋe aka bi nlen. ³⁰ Minta bare inwuza iyabo nan rete reron ne. Se min kuna, in bi nlen, konzen nlen mamang maze ma wuma bakase min dama wuza men nan adodonzon ahang ze ne, ³¹ se adodonzo a ono egemese ma tuma, Inga se in bukun egemese min ru aza rete re ron, emegemese min buku damǝ cikǝ gangaŋ ne. ³² Oye ranu se mabi emegemese maru aza hang, konzen minru se emegeme se mabuku aza ahang gangaŋ ze. ³³ ŋo wa tuma aka Yuhana, konzen ma buku ma gangaŋ. ³⁴ Bate imubuku egemese min wa kai dan a sura oono zene. Na buku tegogoro tigiya da ŋi sopo. ³⁵ Yuhana waze pitila nan ura konzen ome sansaŋ konzen ŋi wa gara da iwuza izalla a nyimmi i sansaŋ eheme uca u bata. ³⁶ Baka imubuku egemese min zen no kirai Yuhana, baka ituma egemese Aco wa nyang dan mse,intuma magemese min wuza, eme bǝnu aza ahang se Aco ze wa tuma. ³⁷ Aco ogemese ma tuman ma bi imubuku aza ahaŋg. ŋi dawa kuna remelo re reme ne, ne i nǝrǝ uziya ohome ne a koiya uca. ³⁸ ŋi dame nan amelo a hame iruwa ihiŋi ni, bakase ŋi dama gara nan ono ogemese awa tuma ne. ³⁹ ŋi giŋǝrǝ nlen mǝ ǝdǝshǝri bakase ŋi nǝrǝ ogo ǝnyimmi ze ruma ri sun ri rǝnu, konzen nlen ma ǝdǝshǝri mavento mame ma bǝnu aza ahan. ⁴⁰ Konzen ŋi dama barsa ŋra imi ni anuguna ŋi mura ruma ⁴¹ Minta mura utuŋara ano ne. ⁴² Konzen min ru se ŋi dame nan ti barse ta ǝdǝshǝri īŋi apun ni. ⁴³ Nara a nyimmi riji ra Aco ohon, konzen ŋita kawon ne. Inga se oye ra a nyimmi riji re reme, ŋinin kame. ⁴⁴ Innizi ŋinin gara, ŋi se ŋi mura utuŋara iŋi apun ŋi dama ginarǝ utuŋara ogemese ura a suru ǝdǝshǝri base? ⁴⁵ Tago ŋi wuza adodonzo ogo immi nan rete reron nin wuna ŋi ano macara a Aco. Ono ogemese ma nyaŋi macara manze Musa, ameze ŋi na yiya iruwa. ⁴⁶ Ingase ŋi gara nan Musa, ŋinin gara nan mi, bakase ma darsa ere aza ahan. ⁴⁷ Inga se ŋita gara nan ere eheme ne, innizi ŋinin gara nan nlen ŋa man?"