Udaraŋa u 7

1 Melchizedek ze, Ogomo u Salem, u priest uwa Ədǝshǝri onogeme se mawa mura Abraham akurah asurah aru tuzu uwagomo nze ma nyame taye. 2 Manze onogeme se Abraham wa nyaka kuyyammo. Rijareme, "Melchizedek" manze "Ogomo u magangaŋ." Re rija reme renze, "Ogomo u Salem," Re agusa, "Ogomo telo." 3 Ma damen Dada ne, Ma damen Ayinu ni, Ma damen eco, neh titiya tu bura neh tu massa ruma ne. Bata ma yinkǝnǝ vana uwah Ədǝshǝri, bakase manze upriest u suŋ. 4 Nǝrǝ nane se isasaru iwu onu giya waze. Ecowe hedo Abraham wa nyaka ikuri e tegogoro tegeme se ŋawa yita uca ukara. 5 A uware ovento, abiya Levi se ŋawa yete ucikǝ ti priest ŋazen remelo ri makiri ru kai ikuri asura ano, wa to, asura reno reŋe, ko se nŋe, konzen, anu surah eco Abraham ze. 6 Bata A uyu ware me, Melchizedek, onogeme se usuru me damǝ anyima ŋe, a kai ituru asura Abraham, nyaka taye a onogeme se, manze onu nyaka eme geme se ma wa go ma nin nyaka. 7 Magita madamanu ni se onu saru nin tarah tare azah ono bateke. 8 Azigya, anu wǝnǝ nin kaiye ituru, bata azah egeme awa buki se Ma nin cikǝ awame. 9 Konzen, anyimi turuna tu bǝnu, Levi, si mawa kai ituru, imme ma mawa nyaka ituru a Abraham, 10 Baka Levi wara anyimi ripuŋ re Ecoweme se Melchizedek wa gurna nan Abraham. 11 Wagiya igase ucika kima zin umura anyimi tipriest tu sura kura Levi(baka uca o hoŋe ze ano wa mura makiri), iyaze arepe se oyu priest nin ko rai nan rewuza ri Melchezedek, se ani tin ko a ni mi nan rewuza ri Aaron ne? 12 Baka ingase a cuwala tupriest, makiri ma nin ko ma cuwalo. 13 Baka onogeme se awa buki tegogoro tigiya azah hame mazen eboze, se owe dawa cikǝ oreroŋe ne aru gurwana. 14 Wagiya eze waŋ, se asura Judah ze awa yo Acowado, eboze egeme se Moses dawa buki epe heŋe aza tupriest ne. 15 Emegeme se ina buki ikira iwaŋ se ingase oyu priest suru nan tuyinkǝnǝ ti Melchizedek. 16 I wata ze aza makiri ma ripuŋ renze mawa cikǝ priest ne, Ama aza agata ucikǝ ruma ru dira macara. 17 Baka imu darsa wa buki aza hame: "Nŋo ze priest u suŋ aza riwuza ri Melcizedek." 18 Baka awa sarke mauku mawa maro bakase mawa tǝ zen agata ne, konzen mawa tǝ zen imu wuna nanone. 19 Baka makiri mawa tǝ wuna iyabo kima ne. Aza nane, a nin rai nan itǝndǝsi i wuma baka timuru tu ra se ira ka tore aja Ədǝshǝri. 20 Igiya ten wu na ne ingase uyita otono dama nu ni. Uware ovento, anageme wa cikǝ priest dan nan u yita otono ne. 21 Ama a uyu ware me, unugiya, Yeso, wa cikǝ priest nan u yita otono a onogeme se ma wa gonme, "Aco wa tono konzen ma tin cuwala adodonza me ne: 'Nŋoze priest u suŋ."' 22 Aza igiya Yeso wa nyaka uruna u imu gara nano kima. 23 Uware ovento, ano cebete se ŋawa cikǝ priest baka uwǝnǝ ze wa wu na ŋe a wushaji. 24 A uyu wareme, baka se Yeso ze ucikǝ suŋ, ma zen tupriest ti suŋ. 25 Bakan nane manze konzen Ma nin massa ukassa anageme se ŋa na tarse Ədǝshǝri uruna ohome, bakase ucikǝ ohome da ma kaiŋe ze. 26 Baka Priest usǝru ogeme lo a woro. Ma damen macara ne, Ma damen aru tinziza ne, Ma sansaŋ, Maze ken nan anu macara, konzen maze pew nan tidǝshǝri. 27 Ngo dan unu sǝru priest ni, dan se Ma na yiza eme taye kuyyu uca ne, iwubura baka macara mame, e wo repo baka macara ma ano. Ma wa we igiya kavento baka zale, uca ogeme se Ma wa nyaka retareme. 28 Baka a makiri ma zake unu sǝru Priest uwa anu dira agata. Bata nlen ma otono, se mawa rai azamaro makiri, Mawa zake vana, onogeme se ma nin cikǝ kima suŋ.