1 Waja epe geme se woro ra biyǝ mi enzi igiya: Woro na mura upriest usǝru ogemese ozen ucikǝ uware bilai be redirǝn ru Unu ruza a ǝdǝshǝri. 2 Manze orere anyima ara a sansan, magangaŋ mǝruku se Aco, dan onon, na yiya ne. 3 Baka kuyyu priest u sǝru a nyame ituma iwu nyaka imu nyaka nan imu tuzu. Bakan nane eze kima a mura iyiyabo da a nyaka. 4 Wagiya tago Yeso da a massano, Ma ti tin nin cikǝ priest ni ko bate, tuni si aye ra nu se ŋa ŋiza imu nyaka kando geme se mǝkiri ma wa buki. 5 Ŋa wuzuza ituma akura Ədǝshǝri anze yinkǝnǝ nan uwarni u tegogoro tǝ ǝdǝshǝri. Eze uga se Ədǝshǝri wa wunki Moses tetonŋe uca ogeme se ma wa re epu piyǝ akura Ədǝshǝri mi: Ədǝshǝri go, "Nǝri sakama ogemse u nin wuza kuyyammo uruna ogemse awa bezey azo owö." 6 Bata waja Ukase na kaiy imu Kira obezezze. Eze sakama ogemse Maze unu mamara mǝruku ma wuma, se ma ze aza imu nyaka I wuma. 7 Baka ingase mǝruku ma dinka mazen udankalo, a ti tin nin ko a ginǝrǝ mǝruku mo repo konzen ne. 8 Baka se Ədǝshǝri wa mura udangalo ano, Ma go, "Ni ni, titiyyǝ ti ra ra—ubuku Aco— Se In nin we mǝruku ma sau nan ano Isreal konzen Nan Ano Judea. 9 I tin kon ze uga mǝruku magemse in wa we nan Ecowe ŋe atiyyǝ agemse In wa mey ŋe uware In zuzi ŋe anyimi inyaŋa ma Egypt. Baka ŋa ti ta wushaji nan mǝruku mame ne inze Ina we ogo In ta ru ŋe ne— ubuku uwa Aco. 10 Baka igiya ze mǝruku mageme se In nin we nan Ano Isreal amaro titiyyǝ te geme— ubuku uwa Aco. In nin biza makiri adodonza haŋe, konzen In nin kon darsa ŋe me iruwe ŋe. In nin cikǝ Ədǝshǝri a haŋe, konzen ŋa nin cikǝ Ano hame. 11 Ŋa tin kon bezezze anulake nan ayeno apuŋa haŋe, agusa, 'ru nan Aco.' Baka zale nin ru wun, asura unu bate a ka unu sǝru o hoŋe. 12 Baka In nin zin ijaiy aza riwuza ru udira magangaŋ, konzen In tin dunza nan macara maŋe ne konzen." 13 Aza ugusa "i saw," Ma wa we mǝruku mu bura ma cikǝ ma ŋono, konzen emegeme se Ina cikǝ i tuni e ŋono na ra voton u wuri.