Udaraŋa u 5

1 Kuyya Priest usǝru, awa zakame anyimi ano a nyame nane se ma nin tarse nan ano aza emegeme se ezeh iwa Ədǝshǝri, da ma nyaka imu nyaka i wu sarka macara. 2 Ma nin wuza shauwo nan anageme se ŋa ta ru iyabo ne nan anaa balanbalan bakase imme nan ritare me anu dira agata ra liŋaru me. 3 Baka nane ze, ma ra barsa ma tah sarka macara ma ŋe, kando geme se ma na wuza nan macara ma ano. 4 Dan u niyome ze a owe nya retǝreme ubare ne. Baka nane, ingase Ədǝshǝri ze na tisa me, ugah kando geme se Aaron waze. 5 Uruna ogemme ono rikase wa ta nya ritareme ubare ne da ma cikǝ Upriest usǝru ne, aza nane ze onu bǝnu namme mago, "Nŋo ze vano hon; Kaneh na cikǝ Dado hoi." 6 Kando geme se ma wa buku a surah aya riya, "Nŋo Upriest zi u suŋ aza riwuza ri Melchizedek." 7 A timuru tu ziya ripunŋa reme, Unu kassa wa remmo nan u saŋara anyimi izama i majaji ganka a Ədǝshǝri, unu date u kasso me anyimi nkeze. Awa kuname baka riwuza reme. 8 Ko se ma wa ze vana, ma wa massa tu-garra a surah makpai ma geme se ma wa shi. 9 A wa we me onu binja, baka kweren unu garra nan me, ma nin cikǝ a ŋe uruna u mura tukassa ti suŋ. 10 Ədǝshǝri wa wu na me ugah Priest usǝru azamaro riwuza ri Melchizek. 11 Woro zen immu buku cebete azah Yeso, ama i tin date i we ŋi kuna ne tun si ŋi na cikǝ aturi i tä kuna ne. 12 Baka a deŋe waja ŋi ta na cikǝ ano bezezze ze, nŋi dä ginǝrǝ onu ra da ma bezezze ŋi turuna te rituma ra Ədǝshǝri. Nŋi repe maane, dan imunshu igbau ne! 13 Baka zale onu shiyǝ maane manze base, ma damen nan ubare uru rituma ri magangaŋ ne, baka se ma da da vana u bate. 14 Imunshu igbau konzen iwanu kissi zi. Anageme ŋanze baka ukissi o hoŋe ŋazen uru ogeme se ŋawa massa baka u warase i wuma aza i macara.