1 Baka nane ze, e deke da iwuza shauwo tago oyeyo ho do rizi se ma tin ka deŋe aregeme se ä tǝmaro u mura opete aro vonke uwa Ədǝshǝri. 2 Baka woro awa buki do nlen mame kando geme se awa buka ŋe, baka se rituma reme ri wa tǝ gura anu nyamene nan anu gara nan no ne. 3 Baka Woro anageme se ina gara, woro ze nin pete arovonke a me, kando geme se ma wa buki, "Se inwa tono nan ucara birwa bon, Ŋa dawa pete aro vonke o hon ne." Taken nan nane, upiyǝ tegogora teme ma wa ruza a massa uciti massano. 4 Baka se ma wa buku a aya riya aza atiyǝ sunare, Ədǝshǝri wa vonke atiyǝ sunare a tegogoro tegemese ma wa ruza." 5 Konzen mago, "ŋa tin pete aro vonke o home." 6 Aza nane ze, baka eze se awa neke ara da udaŋara mura opete aro vonke, aza se ti-Isreala cebete tu kuna nleŋa mame ŋawa tǝ pete ne baka maizukunŋa maŋe, 7 Ədǝshǝri konzen ma wa we aya atiyǝ se aguzan no, "kane." Amaro timuru cebete, Ma wa buku anu David, kando geme se a wa na buki, "Kan inga i kuna remeloa reme, tago i tǝsǝ birwa bi ŋi ni." 8 Wato tago Joshua wa nya ŋe ovonke, Ədǝshǝri wa tin buku epe ayya tiyyǝ ne. 9 Aza nane, a zen atiyǝ Sabath se awa neke baka ovonke u anu tǝrse Ədǝshǝri. 10 Onu pete aro vonke awa Ədǝshǝri nin vonke riwuza reme, kando geme se Ədǝshǝri wa vonke re reme. 11 Bakan nane ze deke e we birwa da i ka pate aro vonke ogemme, baka tago owe rizi nan isano udangalo uga kando geme se ŋa wa wuza ne. 12 Baka nlen ma Ədǝshǝri se ma rituma kuyyuca nan upǝntǝ u kira uvira mawö u tilu te repo. U pete a azate bewö nan uruza ono, konzen tura tu gursano asura maburga ma riwu. I nin date i ru adondonzo nan ogose birwa. 13 Iyabo dama nu ni se awa ruza ira aru gurza a bida biwa Ədǝshǝri. Abata kuyyamo ze wǝŋ nan upanu aji ono gemese a nin gurwa a nyaka emegeme se ana wuza. 14 Aza nane ze, kando geme se woro zen Priest usǝru ogeme se uwa wakka a tu daishari, Yeso vana Ədǝshǝri, deke a woro mantǝ gwau uyiya birwa bedo. 15 Baka Woro damen uPriest usǝru se ma tah kuna ijai udira agata a hado ne. Baka nane, woro zen ono geme se kweren kuyyu runa se awa gudame kando geme se woro ze, ban nan ono geme se ma damen macara ne. 16 Dekah woro wan nan itǝndǝsi a ridirǝn ru unijai, da woro kai ugbene nan u ginari ijai nan timala uca u narame.