Udaraŋa u 4

1 Mmi, Aza nane, sen inze uni iyaŋ iwa Aco, ra barsa ŋi ŋana tano tegeme se teze kima se tenze teze garere nan u tisa uhuŋi. 2 Ra barsa ŋi cikǝ nan udutu rete nan ridima ri shawo nan riwuza a cikǝ nan kuwavi anyimi tibarsa. 3 Mutǝnǝ ni di gura bi vento uvunu se onze una gura ucikǝ u shammo. 4 Azen ripun revento nan uvunu ovento, ugs nane se ǝ tisa ŋi anyimi uyiya birwa bivento. 5 Konzen Aco ovento ze, uyiya birwa vento ze, Ozoro vento ze, 6 nan Ədǝshǝri avento nan Aco a kweren, se manze a kweren uruna o kweren nan kweren. 7 Kuwavo hodo awa nyame ogwene uga nane se o gose imu nyaka asur ukase. 8 Eze kando geme se imudarsa wa go: "uca ogeme se mawa nya a kayaza, Ma wa tarse nan aninyaŋ anyimi inyaŋ, enze Ma nya imu nyaka ano." 9 Iyaze agusanno, "Ma na nya aza," she ingase Ma wa tu konzen a nyaŋa? 10 Onogeme se Ma tu manze onovento ogeme se Ma wa nya a kayaza awu kira zale tidǝshǝri, da Ma binja zale tegogoro. 11 Ukasa wa nya awe a ŋa cikǝ anu tarso me, awe Atuma, awe yisu nlen, konzen awe uga tipasto, nan anu bezezze. 12 Ma wa nya ka tirako tigiya da Ma gore ana sansaŋ baka ituma e rere, baka upiyǝ ripun ru unu kasa. 13 Ma wuhaji nan u piyǝ ripuŋa reme da woro zale i kadeŋye ugura u yiya birwa nan u ru avizi vana Ədǝshǝri, konzen da woro cikǝ anu kisi, da konzen i binja ogose u binju kase. 14 Ukasa wa piyi do enze wuna woro ta da abiya ageme se ekon nin waŋara ŋe a maro ne aji, se kuyyu uvunu u bezezze nin zasi u nyana nan no, konzen aza rikita rano anyimi uyiya npora maŋe. 15 Bata, ubiyǝ magangaŋ anyimi tubarsa, da woro bare anyimi kuyyu runa a waŋa me ono geme se manze rete, manze ukase. 16 Ukase wa piyǝ zale ripun, enze re zen u gurna arevento baka upa turara, konzen inga turara teme ti wuza ituma arevento, enze wuna ripun ri bare baka da ri piyǝ retǝ reme anyimi tubarsa. 17 Bakan nane, na buku konzen na vati ubuku mi anyimi Aco, da tago i ko i cikǝ kando geme se ana pǝŋ cinzani ni, anyimi madini mi iruwa nŋe. 18 Mǝri mana pate u ru wo ŋe, asuru u ru uwa Ədǝshǝri baka udira u ru asura aŋe, baka iriwa e heŋe zi gwau. 19 Nŋa damen mme ne, enze ŋa nyaka ata haŋe anyimi tibarsa ti ripun, konzen ŋara wushaji nan u wuza koyammo anyimi madini. 20 Bata dan nane ze iwa masa a ukase ne. 21 Mi na deke aza iwa kuna iyabo aza hame, konzen awa beze ŋi anyimmame, se magangaŋ mara Yeso. 22 Nŋi wa masa ukunku emegeme se i waze i ribiyu wa ri ŋi ra maron, di kunku ono kozo. Ono kozo me manze nan bishare baka rikita ru barsa birwa. 23 Awa beze ŋi di cikǝ anu sau u vunu u iruwa i hiŋi, 24 konzen da i soke onu sau ogeme se awa ruze a tiyinkǝnǝ tǝ Ədǝshǝri—anyimi magangaŋ ma ribiu ri wuma nan isansaŋ. 25 Bakan nane, diki ni mpore konzen kuwavi u huŋi biyi magangaŋ aza ono lako me, baka woro bi vento benze. 26 I nin cara birwa, ama tago i we macara ne. Tago i deke onŋwe tu aza u cara apuru a haŋi ni. 27 Tago i nya Shetan uwari ni. 28 Onogeme se ma wuzaza rikari, a ma deke rikari. Ma wuza ototome, a wuza ituma na tǝra teme, da ma mura iyabo ma ware nan ana geme se ŋa dame nan no ne. 29 Tago nlen ma caron ma suri a ŋa nu ni. Wuza ni ituma nan nlen mageme se ma nin piyǝ adaŋara, aza imu barase heŋe, da nleŋa mai ma male anageme se ŋa ra kuno ye. 30 Konzen tago i cara birwa aza uvunu uwa Ədǝshǝri ni, baka a me ze ŋi na mura upate baka atiyyǝ a rikasa. 31 Kunku ni zale i kwai birwa, ukara, u cara puru, magita makwai, nan tinziza ara, taken kuyya turuna ti macara. 32 Wuza ni ribiu ri wuma a kuwavi, urusu iruwa, u kunku macara. Sakamo geme se Ədǝshǝri anyimi ukase wa kunki ŋi mi.