1 Baka nane mmi Paul, mmi ono iyang e yeso ukase u hunyi wǝnǝpǝn. 2 Adodonzo a hanyi ze nyina kuna riwuza regemese ra wuza ru ogwene ǝdǝshǝri, regemese a nyan baku nyi. 3 Inra darsa kando gemese awa bezon a tero. Igiya ze inwa darsa huŋi bateke aza magangaŋ mageme se away pate. 4 Uca ogeme se i ra bara igiya, I nin date I ru emegeme se in wa ru aza upate magangaŋ ma ukassa. 5 A se simiza magangaŋ magiya awa ta beze ano uca ogeme ne. Ama wagiya ana beze asuru uvunu a ka Atuma Ədǝshǝri zale anageme se awa you ŋe aza ituma igiya. 6 Magangaŋ mu pate magiya manze mu guna se anapaŋ ma abiya eco se, nan ulu ripun renze, konsen ŋa nin mura imu nyaka anyimi ukassa Yeso a inlen ma wuma. 7 Baka immi in wa cikǝ orere u nlen ma imu nyaka ogwene a sura a ka imi uruna u ituma I agata. 8 Ədǝshǝri wa nyan igiya, ko se nze unu bateke anyimi ana Ədǝsbǝri a sansan. Imu nyaka igiya ze ago da in biyi anapaŋ epe nlen mu nara umura u kassa. 9 Unyaka Ədǝshǝri enze a ka beze ano kusun emegeme se Ədǝshǝri na we. Imigiya meze Ədǝshǝri wa pate a simiza cebete se Sina wake, ime se ma wa ruza sale tegogoro. 10 Imigiya ze awa beze tekura tu pǝtǝji a anageme se ŋanze aji konzen ana gata a turara tǝ ədǝshǝri nin ru tulu te rekese ra Ədǝshǝri. 11 Igiya we aza resuza time suŋ se Mawa Massa anyimi ukassa Yeso Acowa hado. 12 Baka anyimi ukasa woro zen ubunku nan itandǝsi iwu mura bakase uyiya birwa bedo a me. 13 Aza nane In ra naru tago I cope ŋi iruwa aza emegeme se I na niyun a shi mi ni, see enze uyisiza u huŋi. 14 Baka epe igiya Ina gurwǝnǝ a tiluŋa ton a Aco, 15 asuro onogeme se mawa nyaka riji ri kuyya kura anyimǝ ǝdǝshǝri nan massano. 16 Taya ton tenze da ma nya ŋi, sakama ogeme se uyisiza umura of home ze, se anin witu nan agata uruna uvunu me, se onze anyimǝ haŋi. 17 Taya ton tenze da ukasa nin cikǝ anyimi iruwa ihiŋi uruna u yiya birwa, da ŋi nin cikǝ dase konzen tase anyimi tubarsa teme. 18 Taya konzen tenze di mura agata aza da ŋi ru, nan zale udaŋara anu yiya birwa, emegeme se enze ipǝndan, epeou, esolonpete, nan eyoo, 19 konzen da ŋi ru tubarsa tukasa, se ti kirka u ru, nze da ŋi binja nan ubinja Ədǝshǝri. 20 Wagiya ame se manze onu datu wuza imu Kira zale emegeme se ŋi saŋara né ira adodonza a nu, nan agata awi ituma anyimǝ hado, 21 a meze uyisiza uwa akura awu patǝji nan anyimi ukasa Yeso a ka zale simiza sura suŋ. Amen.