¹ To ru igiya: a titiyǝ tu massa a nin ni uca o tejeje. ² Baka ano sa cikǝ anu barsa retǝ re ŋe, anu barsa iru, anu yiza rete, awormo, anu nyamene imu buku acowa ŋe, ani ruwa i kwai, anu dira kö, konzen anu dira isansan. ³ Ŋa nin zen udira ijai, ano magunta, ano npore, anu dira nme, ano birwa bi tũn, anu nyamene imi wuma. ⁴ Na nin cikǝ anu nyamene ano, ano igbau rege, anu gǝllǝ ano, anu barsa massano aza u barsa Ədǝshǝri. ⁵ Ŋa nin zin ti yinkǝnǝ tǝ anu tarsa Ədǝshǝri, bata ŋa nyamene agatǝ hame. Deke ucikǝ nan ana giya. ⁶ Baka udaŋara o hoŋe ze anu wanze a tititau ŋa ka meshe alakere agalla. Agalla agiya ze macara mana pate ŋe, ŋara tǝno anyimi tubarsa ti massano. ⁷ Awai agiya ra kuna obezezze ama ŋa dawa ra wa uru u magangaŋ ne. ⁸ Uruna ogeme ze abere a Egypt wa tore aza Moses. Uruna ugiya konzen ano bezezze npore wa tore aza magangaŋ. Ŋanze ana dodonzo a burkalan, anu dira uzaka aza epe iwu yiya birwa. ⁹ Bata ŋa tin wushaji ayayau ne. Baka zale anin ru relakera re ŋe, kando geme se awa ru iwa ana geme. ¹⁰ To aza haŋi, nŋi na tarse obezezze ohon, riwuza ron, epe hon, uyiya birwa bon, u mutǝnǝ ohon, tubarsa ton, ulutu birwa bon, ¹¹ utinziza nan maguntǝ imi, makwaiya man, konzen nan emegeme se iti muran a Antioch, nan a Ayconium, nan a Lystra. In wa mutǝnǝ utinziza nan magunta cebete. Anyimi zale Aco wa kasso ma zuzun. ¹² Zale ana gemese ŋa repe ucikǝ uwa Ədǝshǝri anyimi Yeso unu kassa se ŋana mutǝno magunta nan mantinziza. ¹³ Ano macara nan ano npore nen woze i buru. Ŋa nin wursu aye. Kando gemse awa wursu ŋi. ¹⁴ To nŋi, da i cikǝ anyimi tegogoro te gemse ŋi na kuna, konzen da i yiya birw biŋi dase. Ŋi ru a surǝ avizi i wa massa. ¹⁵ Ŋi tuna abiya ze awa beze ŋi imu darsa. Igiya ze nin we nŋi mura rekese ri tukassa anyinmi uyiya birwa aza Yeso unu kassa. ¹⁶ Zale nlen mu darsa ma giya mu sura Ədǝshǝri zi. Izikima baka makiri, baka unara uru, baka umamare iyabo, baka u massa magangaŋ. ¹⁷ Igiya ze baka da onu tarse Ədǝshǝri cikǝ anu rekese, utǝsu baka kuyyi ituma i wuma.