¹ Aza nane nŋo, vana o hon, mura agata anyima ugbene ogeme se u ra a Yeso unu kassa. ² Aji ano cebete tegogoro te gemese u wa kuna i mi, garan aye u nyaŋe da ŋa mura ŋa beze aye konzen. ³ Mutǝnǝ makwai nan mi uga usuja Yeso unu kassa u wuma. ⁴ Oyu suja rere tin kun ma damo nan epe ruma rigiya ne, aza da ma runtu acowa me birwa. ⁵ Konzen nga owe ra nyimi ijaji, ma tin wushi ijaji mi ni ngase ma dan tarse turuna ti ijaji mi ni. ⁶ Eze nane ingase unu mutǝnǝ a vara bura mura tekoke ti wuma. ⁷ We adodonzo aza emegemese in ra biyǝmi, baka Acowado nyai uru kuyyiya. ⁸ Donze Yeso unu kassa, a surǝ isǝnǝ i David, Ono gemese awa yisiza asurǝ nkeze. Igiya ze aza nleŋa man, ⁹ se in ra shiyǝ makwai a ka deŋe u tǝsǝ ago unu macara. Ama a dan tǝsi nlen mǝ Ədǝshǝri ni. ¹⁰ Bakan nane, ira mutǝnǝ aza tegogoro tigiya baka ana gemse awa zake, da ŋa mura tu-kassa te gemse ti ra Yeso unu kassa, nan uyisiza u suŋ. ¹¹ Nlen magiya ma tu-gara ten ze: "ingase i wi nan me, isa cikǝ nan me. ¹² Inga i mutǝnǝ, i sa ko i cikǝ a tegoma teme. Inga i nyamene me, ma sa ko ma nyamene do. ¹³ Inga i cikǝ anu dira uyiya birwa, mme mazin uyiya birwa, baka ma tin nyamene retǝ reme ne." ¹⁴ Manti tegogoro tigiya o donze ŋe. Bukaŋe nan remelo ri saru, tago ŋa meshe magita aza nlen ne. Baka igiya iyabo dame i wuma ne, baka igiya zen turuna tu wǝnǝ anu kuna me. ¹⁵ Wuza rewuza re da Ədǝshǝri nari unu kai, oni ituma nan udira nme, ono gemese ma beze nlen ma gangaŋ kima. ¹⁶ Tago i biyǝ nlen ma burkalan ni, se ma nin waŋ nan ŋi bate bate a macara. ¹⁷ Nleŋa maŋe ma nin sarmo a ka wishu ripuŋ. Anageme ze Hymenaeus, nan Philytus. ¹⁸ Ana giya ze anu dira magangaŋ. Ŋa go awa massa uyisiza. Ŋa waŋara uyiya birwa ba aye. ¹⁹ Bakan nane, agata imu bura Ədǝshǝri na mura aro tore. E zen udarsa ugiya, "Aco ru anagemese ŋaze a hame." konzen nan, "zale ono gemese ma tisiza riji ra Aco ma nin deke u nyamene magangaŋ." ²⁰ Anyimi Akura ageme se azen u mura a tin ni imu yiya Gold nan Silver base ne. Ara mura imu yiya titi nan tiguru take. E me baka uca u beze nan uyiza rete, e konzen baka uca u pate nan udutu rete. ²¹ Inga owe kwiji reta reme nan imu pate nan udutu rete, manze imu yisiza. A nin iya me a rekero, onu wuma Acakura, konzen umamaro u ituma i wuma. ²² Suma, a rimiŋina ma ŋi tubarsa ti massano. Ginǝri ni uyiyabirwa, ishammo, nan tubarsa, kusum nan anagemese ŋa tisa riji ra Aco nan birwa bi sansan. ²³ Ama nyamene usaŋara rilakere. U ru si ri rasen magita. ²⁴ Orere uwa Aco nen deke magita. Aza nane ma nin cikǝ onu luta birwa kwavi, onu iya bezezze nan birwa bi shammo. ²⁵ A manyi ma shammo ma beze anu nyameno me. Ədǝshǝri nin nyaŋe uwǝri u mura ijaiye me u ru magangaŋ ma maŋe. ²⁶ Ŋa nin cikǝ ana dodonza a wuma konzen da ŋa sura a turuna te unu mǝri, amaru suro ŋe anyimi inyaŋ e heme se ma me ŋe uca ubarso me.