¹ Ina nya ŋi makiri ma gangaŋ ma giya, aji a Adǝshǝri nan unu kassa Yeso, se ma nin biyǝ nlen ma anu ruma nan anu wǝnǝ, konzen baka u rawo me nan tegoma teme: ² u biyǝ nlen. cikǝ ni kima, uca u wuma nan u caron. Bǝnǝ ano macara, nya ŋe nlen ma wuma da ŋa kunki macara maŋe, nan umutǝnǝ konzen obezezze. ³ Baka uca sǝ ra se ano tin mutǝnǝ nan obezezze u wuma ne. Aza nane, ŋa nin ginǝrǝ obezezze u tubarsa te ŋe. ⁴ Ŋa nin barsa u kunaza nlen ma sau. Ŋa deke u kuna magangaŋ, konzen ŋa nin waŋaro ulu Abere. ⁵ Ama nŋi, mutǝnǝ ni anyimi zale tegogoro. Shiyǝ ni makwai; wuza ni ituma Adǝshǝri; binja ni ituma i hiŋi. ⁶ Baka ana massa ugwaro hon akai. Uca u ŋyano hon na denye. ⁷ Ina wuza teson ti wuma; Ina massa teson teme; Ina mantǝ uyiya birwa. ⁸ Ana iyan Imu mura aza uyiya birwa u gangaŋ o hon, se Aco, unu biyǝ magangaŋ, sä nyaŋ atiyǝ geme, konzen dan imi base ne, ama nan anageme se ŋa na barsa urawo me. ⁹ Wuza ni riwuza ri wuma, i rayi imi sassa. ¹⁰ Baka Demas na dekon. Ma barsa massano magiya, konzen ma na waŋa Ano Thassaloni. Crescens na waŋa Ano Galanti. Titusu na waŋa Ano Dalmati. ¹¹ Yakamǝ Luka zen mi. Ginǝrǝ ni Markusu i ra ni nan me bakase a nin wuza ituma nan me. ¹² Ina tuma Tychicus a Ephesus. ¹³ Udi usǝru ogeme se ina deke a Carpus a Troas ra ni nan no ucu rawu huŋi, konzen nan imu darsa ere, masammaŋ i wuma me. b ¹⁴ Alexandra unu zumaru, ma wa we macara cebete aza han. Adǝshǝri nin nusi mi aza riwuza reme. ¹⁵ Ŋi konzen da i wuza rinyaŋana riŋi baka nmme, bakase ma wa nyamene nleŋa maŋ. ¹⁶ Ubura nlen, owe wa tǝ tore nan mi ni. Bata, kwavi wa dekon. Taya ton tenze tago a bare egeme aza ha ŋe ne. ¹⁷ Ama Adǝshǝri wa ze nan mi, ma wa nyan agata baka, ubura me nan mi, obezezze ano binja dase, konzen nan nlen ma geme se ana paŋ nen kuna. Awa zuzun anu Lion. ¹⁸ Aco sä kwa a zuzun anyimi zale ano macara, konzen a kwa kasson aza epe tegoma teme tǝ adaishari. Uyisiza a waŋa a me suŋ. In taya te. ¹⁹ Guna kö a Priscila, Aquilla, nan akura Onesiphorus. ²⁰ Erastus cikǝ a Corinth, bata Trophimus na deke Miletus nan makwen. ²¹ Wuza ni gando geme se o nen we du rayi bata rekoze. Inra gusan Eubulus kö, konzen nan Pudens, Linus, Claudia, nan zale udaŋara reno reme. ²² Taya ton tenze da nŋi cikǝ anyimi Aco. Da ugwene tarse nŋi.