¹ Atuma ampore wa rawa no. Ano obezezze ampore konzen ŋara kuru ra iŋi. ŋa ra rā sollo ŋa bezezze ŋi nlen ma u burkǝlu ŋi, mageme se manin wannan ŋi a kura ura,ŋa meshe magita mā uru Aco, ogeme se ma ra nan ŋe. ŋara ra nan uruna u wuza ate ā haŋe, sassa. ² Ano cebete ŋara tarse remo a reŋe, konzen ā suru ā ŋe u runa u gaŋgaŋ ŋara cara me. ³ Nan ubarsa iruwa e heŋe ŋara ŋuna umura nanŋi baka agaŋgaŋ awu suru a ŋe ǝnu. Okerkene ohoŋe dama yo ne: uwǝnǝ ohoŋe dama tete ne. ⁴ Ədəshəri ta neke ti maleka tegeme se tina wuza macara ne. Baka nane mā nyaka ŋe ā waŋa nyimi ara ā biti-biti dā ǝtəsi ŋi nan i nyan voto nan ara ā biti se ətiyə awu biyǝn nlen. ⁵ Konzen madan neke ano ageme se ŋa ware ū rawa masano ne. Baka nane, mā deke Noah, ono ogeme se ma yisun nlen ma sansan, mme nan udaŋara an ka sunare, se mā rai ma sope manyi ā masano mā macara. ⁶ Ədǝshǝri konzen mā kashe ti pē-pe ti Sodom nan Gomorah nto, konzen mā wirti teme ti cikə ti pin, i ra cikǝ uga nane se i wa mura ano macara. ⁷ Konzen egeme se iwa mura ono u sansan, Lot, ono ogome se ā noke nan isana ribiu rano udira utarse makiri, Ədəshəri wa zuzi mi. ⁸ Aza ono u sansan ogeme, ono ogome se marā cikə ā nyimi a haŋe, kane nan nyǝru, ā dupa me nan betoi i sansan birwa beme baka emege se mā ni konzen mā kone. ⁹ Ədǝshəri ru nane se manin zuzi ono ū kuna iwiye me ā nyimi rikunuŋa, konzen nane se manin mǝntǝ ono ū dira u kunǝnu dā ma nyaŋe kpai ǝ timuru tu biyan nlen. ¹⁰ Igiya enze derte gaŋgaŋ, aza ano agegme se ŋara cikǝ ǝnyimi riwuza reŋe, egeme se ripun rira barsa me konzen ŋana yizu agata makiri mu mǝntǝn nyaŋa. ŋazen u yiza rete konzen nan u wuza emegeme se birwa bira barsa me. ŋa tā kuna iwi iwu yizi ano ageme se ana iza nan agata ne. ¹¹ Ti maleka ti kira nan agata nan igbau, konzen, ŋa dan ra nan nlen mu cara ate ā haŋe Aco ne. ¹² Konzen inama uja īja ā ruza ŋe baka dā ameshe ŋe ā tusi. ŋā tā ru emegeme se ŋana worko ǝnu ni. Ara wuzoŋe. ¹³ ŋa rā mura umura u riwuza reŋe ri buru. ŋarā dodonzo u wuza iburi nan oŋmwe ā gusa ŋarā kuna malo. ŋana cara ate ā haŋe ā gura tewo. ŋa rā kuna malo mā riwuza reŋe ru dira remo uca ogeme se ŋa rā ti wushu nan ŋi. ¹⁴ Ŋazen əji āmaŋina nan rijama; ŋa tā seke nan ridima ri macara ne. ŋā wuŋki ano u dira remo ā ka wuza emegeme se i tā reze ne, konzen ŋana ŋuna birwa ā wuza te gogoro ti buru. Nŋe abiya ageme se ana ŋuna ŋe ǝnu zi. ¹⁵ Mana kini uruna u wuma. ŋana wuru, konzen ŋana tarse uruna ū Balaam Vana Boso, ono ogeme se ma barse ukā egeme se itā rezene. ¹⁶ Bata ma kai u bǝnu ū macarā mame, bi kanaka se bitā bǝnu ni, bǝ bǝnu nan remelo ró no, bi gwǝri mi ri washe baka bi canze bu tuma. ¹⁷ Ano agiya ŋanze uga uruna ogeme se mǝnyi ma tā wasa ǝnu ni. ŋanze uga tewero te geme se uvunu rā kurā me. Mǝri mā gaŋka marā pawo ŋe. ¹⁸ ŋa bǝnu bū. Ā ŋana u burkalano baka bishare be tegogoro ti ripun. Ŋa wunki ano ageme se ŋana ka kini ano u cikǝ ǝnyimi o worko o hoŋe. ¹⁹ Ŋa bī ŋi nlen mu pǝni o hoŋe, bata nŋe nan ate ā haŋe arere ā macara ze. Baka ono orere uwi megeme se mme ma kira me ze. ²⁰ Ono ogeme se ma deke macara ma masano magiya baka uruwa Aco nan Yeso unu kasa, enze ma ku ma kuri ā macarā mame konzen, iwa maro rǝ cikǝ iburu i kira iwu bura me. ²¹ I wanin kira ā ŋe, ŋa ta rū uruna ū wuma se da ŋa rū ome ŋa kuri ŋa suri ū runa makiri mā sansan mame. ²² Ugǝmǝrǝ uja ū gaŋgaŋ ze ā ŋe; "Bashe bi kuri ā tija teme. Bi raŋa ba kura begeme se ana zoro bi ku bi kuri ū jakana".