¹ Siman Peter, orere nan utuma u Yeso unu kasa, a wame ano agemese ŋa ka oreze u yiya birwa uga nane se woro wa ka, u yiya birwa ã magaŋgaŋ mǝ ǝdǝshǝri nan Yeso unu kasa. ² Dã ogwene nan ishammo vǝrǝnu cebete ǝnyimi uruwǝ ǝdǝshǝri nan o Yeso Acowo do. ³ Zale tegogoro aza agata u mura ruma ã ridima ri wuma, ana nyado uru uwǝ ǝdǝshǝri baka ruma nan ridiya ri wuma, ono ogeme se mana tisa do ǝnyimi uruna uwa gatap me konzen u wuma. ⁴ Ənyimi igiya, mã nyado agaŋgaŋ ã gbau ageme se areze. Dã ŋi mura udaŋara umura ũ saru ogeme se ã ruza, uga nane se awa somporo ã suru ã ribiu ru biru ri ̵ masano baka ubarsa te tegogoro ti buru. ⁵ Baka nane,wuza ri ̵ wuza re derte da ŋo vati iwuma aza uyiya birwa be, konzen aza uru u huŋi u wuma. ⁶ Aza emegeme se ŋo ru,vati umanta ̵ rete ǝnu,konzen aza u mǝntǝ rete,vati u mutana ǝnu, aza umutana,vati ridiya ri ̵ wuma anu. ⁷ Aza ridiya ri ri ̵ wuma, vati ri wanome ǝnu, aza ri wanome,vati tibarsa anu. ⁸ Ngase tigogoro ti giya ti rǝ nyimi ǝhǝŋi konzen tina bǝku ǝnyimǝ hǝŋi, ŋi dǝmǝ cikǝ ujuya nē ū dira ubǝku ǝnyimu rū uwa Aco,Yeso, ono kasa. ⁹ Enze, ono ogeme se ma dere tegogoro ti giya, mara nǝrǝ emegeme se eze e vento base; Uru zi. Mǝnǝ wǝpi ozoro ogeme se a wuza me ǝ suru ā macara mame ma kozo. ¹⁰ Baka nane,ano wanon, dima ni derte da ŋi ŋuna u tisa nan uzaka u huŋi u cikǝ u gaŋgaŋ baka ate ǝ hǝŋi. Ngase ŋi wuza tegogoro ti giya, ŋi dama pikǝru ni. ¹¹ Aza igiya, uruna o pete ā tegomo ta cowo do Yeso ono u kasa ara nyu huŋi mi,gaŋka. ¹² Baka nane, kuyyu ca, nzen birwa be vento dan donze ŋi tegogoro ti giya, ŋiru teme, konzen, ŋi ru emegeme se eze i gaŋgaŋ wagiya. ¹³ Nā ni eze kima npiyǝ ŋi nan adodonzo aza tegogoro ti giya, ngase min da ū guru ja. ¹⁴ 14 Baka in ru se na ra voto in katare ugura ohoŋ, uga nane se Aco,Yeso, unu kasa nā bezon. ¹⁵ Ra wuza egeme se in ru kuyyu ca dā ŋi dunza tegogoro ti giya ā maro u ŋana o hoŋ. ¹⁶ Baka se woro wata tarse nlen mageme se ano wa ruza mame nan remo ne, uca ogeme se woro wa biyǝ iŋi aza agata nan oyoŋko uwa co; Yeso, unu kasa.Baka, woro wǝ nǝri mi. ¹⁷ Mā kai ǝ̄suru Adashari Aco ū yisiza nan isǝru uca ogome se,ā rame nan remelo ǝsuru ono u mǝntǝ ridirǝn wa buka me, ā gusa, "vana ohoŋ ze u giya, ogeme se in barse, nan me ze birwa boŋ be tete lib". ¹⁸ Woro wa kone remelo rigiya se ra ra ā suru Ədǝshǝri, se woro waze nan me owo u saŋsaŋ. ¹⁹ Woro, ezenan remelo ri rituma ri ja, ri gaŋgaŋ, gaŋka. Eze kima se ŋi na ŋuna birwa ǝnu. Eze uga ura ā kasa ā mari a ka deŋe ewewero iwu cunju nya ǝnyimi iruwa i hiŋi. ²⁰ A ŋi ru igiya yǝi, rituma ri wuma, ri gaŋka owe ta ruza ma buki ni. ²¹ Baka re ̵ rituma ri wuma,ri gaŋka ritā ra nan ubarsa ono ne. Nane, ǝzǝki ono tenteme nze uvunu u sansan bukǝnu ǝsuru Ədǝshǝri.