¹ Epe ituma i ano u yiya birwa, idan cikǝ take se mina darsa ŋe me ne. ² Mi ru eme geme se ŋi ra giŋǝrǝ mi, enze egeme se min na biiji aza me a waŋa ano a Macedonia. In wa buku a ŋe se Achaia wa me o goro a riwai regeme se ra wake. Uŋuna birwa na gəlgələ ano cebete da ŋa me ituma. ³ Wagiya na tuma ayeno baka u biiji o hodo aza əhəŋi u tan cikǝ mpore ne, konzen daa iŋi i cikǝ nan ogoro, uga nane se in wa buki iŋi da ŋi ŋuna. ⁴ Irənu, ngase owe ənyimi Macedonia ma tarson enze a mura ŋi i dan goro ne, woro nin kuna mme—In dan buki iyabo aza əhəŋi ni—baka itəndəsi ənyimi əhəŋi. ⁵ Nane se in wa wuza adodonzo eze kima in buki a yeno da ŋa ra iŋi konzen da ŋa me u kashe ituma bata a ka deŋe ətiyə u gursa tommo tu nyaka tegeme se ŋi wa buki se ŋi ra nyaka me. Igiya eze nane se i rənu ŋi na gura o goro uga taye, konzen dan uga eme geme se a ŋunai kake ne. ⁶ I mamme enze: ono ogeme se ma bira nan u barsa birwa mara koke me konzen u barsa birwa beme, konzen ono ogeme se ma bira baka epe taye konzen mara koke taye. ⁷ Ə kǝvi nyaka nane se mana yiya ame a birwa. Tago owe nyaka nan birwa beboo né uga kake ne. Baka Ədəshəri barse ono u nyaka me nan o sope uware. ⁸ Konzen Ədəshəri ma date ma ŋuna taye ti kǝvi ti cikə cebete baka ŋŋi, baka kuyyuca, ǝnyimi tegogoro, kusun u nin mura kweren eme geme se ŋo ra giŋərə mi. igiya ara ŋuna me nane se né ŋo nin waŋara riwuza are ri wuma ri cikǝ tipuru cebete. ⁹ Eze nane se a darse. "Ma ware umura o home enze ma nya ano tiyan ome. Magaŋgaŋ ŋa mame ma ta maso ne a ka deŋe ǝ suŋ." ¹⁰ Ono ogeme se ma she ono a vara isana enze ma bere konzen imu wushu daa ma wushi, konzen mara nyaka me enze ma waŋare isana me ti puri cebete. Tekoke ti magaŋgaŋ ŋǝ mǝŋi maraa vǝti mə ǝnu. ¹¹ Anarkoŋ ǝhǝŋi ŋi ra mura me a kuyyu ulu baka da ŋi ŋiza. Igiya enze nin ra nan ti kukwan Ədəshəri baka woro. ¹² Ituma izama igiya dan baka ano ageme se ŋa ra giŋǝrǝ ənyimi ano u yiya birwa base ne. Ri wuza ri u gunan Ədəshəri kukwan ri rə vərənu konzen ti puru cebete. ¹³ Bakase ana kunuza ŋi enze a mura ŋi nan ri wuza ri ituma igiya, ŋŋi konzen ŋi raa yiza Ədəshəri nan u tarse uburkǝlun nlen ma Ukase. konzen ŋi ra yiza Ədəshəri baka u kuna malo mu nya o hoŋe nan ku əvi nan birwa be vento. ¹⁴ Ŋaa dakano baka ŋŋi, a be remmo bakan ŋi. Ŋa wuza nane baka isǝru ogwene Ədəshəri se urǝ ənyimi ǝhǝŋi. ¹⁵ Daa ti kuŋkwan ti wame Ədəshəri baka u ŋiza ogome se a taa date a nii ni!