¹ Woro re tuma taker nan me, ira ruku huŋyi nago ŋyi ka ogwene uwa Ədǝshǝri i falau ne. ² Bakase mara gusa, A nyimi ucha u wuma na wuna uyiya birwa iŋyi, Enze atiye a rikase in male ŋyi. Nere ni, wigiye ze ucha u wuma, nere ni, wagiya ze atiye a rikase. ³ Woro dan yiya rezuwa ru pikanu aji owe ne, bakase woro da ma nara da tinziza itume hedo ne. ⁴ Aza nane, woro yonke ata hado nan tiwuza tetedo, se woro arere a Ədǝshǝri ze, woro arere a hame a nyimi urusu birwa gankaa nyimi ikwai, nan unara, nan udira. ⁵ Utǝrǝ, a nyimi iŋyan, anyimi uzu ukara, a nyimi ituma iyagata, a nyimi udiuran - ŋro, anyimi ekomo. ⁶ Anyimi uchikǝ sansan, uru iuyabo, urusu birwa, uwuza ikima, anyimi urunu u sansan, anyimi tibara te magangan, tu - diran mpore. ⁷ Woro arere a hame ze a nlen magangan, Anyimi agata a Ədǝshǝri. Woro zenan tommo tu - kara te ribiu ri wuma uware bilai nan uware biguli. ⁸ Woro ra ituma azu - Bare nan udiru - bare, A biye du maburbonu ma woro nan ma wuma, woro zo oga - nu chara ano ze, woro ano magangan manze. ⁹ Woro ra ituma uga ata rudu ne, ogema ruwo - hodo, woro ra ituma uga ita wǝnǝ bate p nǝrǝni - woro ra itruma uga ana wuna do du kuna kwai aza ti wuza - tetedo adan wuza do ne. ¹⁰ Woro woza ituma ugan uchara puru, woru ze nan uruntu birwa. Woro ri ituma oga ano tiyan, woro ra wuna a wunu umura woro ri - ituma oga idama mura iyabo ne, ¹¹ Woro na biye ŋyi magangan zale, ano Korintiya. Irwe hedo zen upǝnu. ¹² Woro dan tuna ŋyi upǝni iriwa ihiyi a woro ne, nyi nan atǝ -hǝnyi ze nyi na ŋyamene ugara nan woro baka iriwi hiŋyi. ¹³ Se di - ichikeǝ garere, - nin bǝnu nan ŋyi se abiya- pǝnu ni iriwi hi ŋyi pandan. ¹⁴ Ta ga nyi tarse atahanyi nan anu nyameno uka ogwene ne, Igaze gura ano ribiu ri wuma nan ano macara? Iya ti dima ti gura isansan nan mari? ¹⁵ Iya ze gura Ukase nan unawuri? Ne yaze anin wara azate unu garan ogwene nan unu nyamene ogwene? ¹⁶ Iya ze gura azater a Akura Ədǝshri nan ijiji? Bakase woro Tegura te ogoma Desheri ze, se Ədǝshǝri wa buki: "Mme nin ziya a zata hanye in woze tano azata hanye. Nin chikǝ Ədǝshǝri a hanye, ŋya nin chikǝ ano ahan". ¹⁷ Baka nane, "suru ni a zata hanye. I ware ata ahaŋyi" In kuna Acho "Ta ga nyi dupa emegense ita ze sansan ne. Mmin na kawu huŋyi. ¹⁸ Mmi nin chikǝ Aco iŋyi , ŋyi nin chikǝ abiya rome nan agalla awai ahaŋ." Nkuna Acowohodo zale.