¹ Woro ru se nga se akura a masano ara wirtu, ezen akura a Ədǝshǝri. Atau ze dan u piyǝ nan tare ta no ne, akura a suŋ ədǝshǝri. ² Bakase anyimi kagura kagiya ira gogomozo, Ubarsa ze ita mura tommo tu chikǝ wa tedo a Ədǝshǝri. ³ Bakase nga imura o seke teme, atin do Eshepe ne. ⁴ Baka nan nane se woro da anyimi uguru giya, egogomozo, a shiye makwai, Idama barsa I chikǝ Eshepe ne. Tagose I chikǝ nan tommo, se da emegense eze iyu wǝnǝ ruma ri kǝtu. ⁵ Ono gense ma mamare do baka nane, manze Ədǝshǝei, manze ma ŋya do uvunu ukwa emegense ir ra. ⁶ Baka nane chikǝ ni nan uyiya birwa, chikǝ nin uru mi si nga woro ra Atau anyimmi ripun, woro yo nan Acho. ⁷ Bakase woro ŋyana a anyimu yiya birwa ze, dan baka nǝrǝ uwa ji ne. ⁸ Nan nane ezen uyiya bira, U barso hodo ita yo nan ripuŋ I chikǝ nan Achowohodo. ⁹ Bakase ubarso ohodo ze, ne ita ra atau ne kǝn, se di runtu mi birwa ze. ¹⁰ Bakase zalo hodo ra yonko a ridiren ru biyen nlen ma ukase, da kuwovi ka emegense ma woza a ripuŋ, ne ereze ne icharon. ¹¹ Baka nane, I ru Iwi Iya Acho, ira biuye mi ano. Ugase woro ze u nǝro mi u Ədǝshǝri. Nna yiya birwa se ina yonko saŋsaŋ i ŋyi adodonzo. ¹² Woro damatere egesen ata hado daŋyi ni du ano magangan ze ne, da woro ŋyanyi imu ubaku nan woro, do nyi mura imu gara a-nagense nyara bijiji nan oyonko u ripun den egense ira nyimi birwa ne. ¹³ Nga woro suri a nyimi adodonzo ahado, baka Ədǝshǝri ze se nga woro ra nyimi adedonzo a hado, baka ŋzi ze. ¹⁴ Nane tibarsa te ukase zen woro, ina nǝrǝ nane meze, se ono vento wa wǝnǝ baka zale, se nan nane zale ana wǝnẹ. ¹⁵ Mana wǝnǝ baka zale, se da anagense ŋyara chikǝ nan ruma dago ŋya akuru a yirsiza me. ¹⁶ ZBaka nane ze,a sur - awagina akǝ-ji woro ten biye neln nan owe aza uziya uripun ne, anane ze woro wa yete ukase se maze, bate anagiya woro ten biye nlen nan owe uruno - geme konzen ne. ¹⁷ Bakanane, ŋga nogense mara nyimi ukase, maze uruza u sayi . Tu wuza te kozo tina waka, see, Nǝrǝ, tina chiko ti sau. ¹⁸ Zale imigiya isuru a Ədǝshǝri ze, ma gura do nan rete reme baka ukase. Ma nyado ituma 1 kangursa etyelo. ¹⁹ Se enze anyimi okase Ədǝshǝri ra gursa masano a me reta reme, mata bara macara aza haŋye ne, mana wuna do ituma iyu biye kangursa etelo. ²⁰ wagiya mana dunka do rebo a binu bu ukase, se Ədǝshǝri ra biyio hodo ti ruka, baka ukase: "Da gura don Ədǝshǝri." ²¹ Mme se mata ru mai macara ne, ma wanyara me ma chikǝ unu macara bako - hodo: Da woro chikǝ nan Ədǝshǝri sansan.