¹ Baka nan nane, bakase woro sen ituma i saru, nan nane se woro na ka ogwene, woro ta ze nan uzuzu birwa ne. ² Baka nane, woro na Yisi turuna tǝn mme nan tegense teze a gurkuza. Woro dan cikǝ se anu ruza iyabo ne, konzen woro dan mǝnti nlen ma Ədǝshǝri leke leke ne. Anyimi ugiye magangan, woro na yonke atahado a uru u kwǝri akera Ədǝshǝri. ³ Se ingase ubiyen nlen ma Ədǝshǝri amado zen upate. Ezen upate ano egense ŋyara pete ura. ⁴ Ama maŋye, Ədǝshǝri a masano magiya, ma wuna oye ri ru aŋye iruwa. Baka nan nane ze, ŋyata kahu nere isaŋsabŋ e nlen ma Ədǝshǝri nan uyiza uwa acowodo, se manze uwomo uwa Ədǝshǝri. ⁵ Bakase woro wata yisi atahodo zene, woro wa yisi ukase Yeso a binu ba Aco, nan woro atahado aza arere ahai a Yeso. ⁶ Bakase Ədǝshǝri base ma go, "Isansan ra yonko a suru a mari." mana yonko anyimi iriwa ehodo, da ma ŋyaka Isdansan iyu rau iya iyuza uwa Ədǝsĥǝri a uyiza o Yeso ukase. ⁷ Bakase woro zen aru Yisa iru an ndaka ma ujakana, baka nane ina pǝnu se dondon agata ǝǝ Ədǝshǝri ze dan a woro ne. ⁸ Ana waka usako hodo a kuiya malu. Idan kuna maŋya ne, ina kunu ucaro me, idan zuzu birwa ne. ⁹ Ana gwangale do adan vatido ne. Ana gundalido a ŋyaŋya adan wuzado ne. ¹⁰ Ina yita ata hado uwǝnǝ u Yeso, da ruma re Yeso re yonko a ripuŋ re redo. ¹¹ Woro se izin ruma, i kunan u zoko uwǝnǝ u Yeso, da ruma re Yeso re yonko a ripuŋ rono reredo. ¹² Baka nane uwǝnǝ rituma a nyima hado, konzen ruma ri ra ituma a nyima haŋyi. ¹³ Konzen woro zen uvunu uyiya birwa garere aze - megense awa darse. "Nna gra, enzen n biuye. "Woro na kuri-gara, enze woro n biye. ¹⁴ Woro ru si me onogense ma yirsiza Aco Yeso manin ku ma yirsiza do nan Yeso. Woro ru si manin ra nan woro nan ŋyi ame bida. Kuiya ¹⁵ ze baka ŋyi ze da, se ogwene se ana yisi ano cebete, U ŋyaka koo unin bare a a uyiza u Ədǝshǝri. ¹⁶ Baka nane woro tinze nan oporo birwa ne. Ogase akaiyahado ina ciko imu kunku, anyimmi ira gaŋyanu mamaro hado kuiya tiyyǝ. ¹⁷ Ucha se wagiya, masaŋsaŋ mara mamaro hodo a ka a ruma ri sun re denden re uyiza, se u wake ogose. ¹⁸ Bakadse woro dama nǝrǝ teme tu ni in aji re, she tegense atiun nǝrǝ ne, tegense woro nǝrǝ tita dakano ne. Tegense ata nǝrǝ ni ti sun tenze.