¹ Ira kuru s yiza atahado ze konzen? woro dama nara uyu ayiza Ruyi ne asuru ikuyi se awe ne, ewoze nane? ² Nkuyi atahǝkayi atuma a bi tunara bini, se ana bare iriwe hedo. Uru nan udarsa uwa ano. ³ Ina biza se kuyi zi atuma a sura ukase, asuru a woro, awa bare dan nan magwandare ne, shidei nan urunu sansan. Ogense ura Ədǝshǝri. A wata bare a zuwa ne, shidoi iriwa iya ano. ⁴ Baka itendesi egense woro zenno asura ukase nan Ədǝshǝri. ⁵ Woro damin uyiya birwa atahado se inin mura iyabo a sura woro ne, aza nane uyiya birwa bedo a suru a Ədeǝshǝri ze. ⁶ Ədǝshǝri ze wa nya do itandesi u cikǝ arere. a makiri ma sauo. Enze makiri dan ma rituma ne shidei ma urunu usansan, bakase ŋtuma re woze, uvunu u sansan nyaka ruma. ⁷ Wagiya ituma egense e yoo uwaŋǝ, udarsa ze uwa ta azuwa seiwea ra a za uyiza uwa ano a Israila sekyata bare kya nan imminvu ma Musa don don ne. Baka uyiza umminya mame, uyiza u maso (dolli). ⁸ Yaze nin ciko uyiza u ituma uvunu se una wuza? ⁹ Engase ituma iwu wuna zen uyiza, yaze wake ituma iribiu riwuma cikǝ aza uyiza! ¹⁰ Baka nan nane, emegense awa wuna nan uyiza ta da nan uyiza a yimiu nane ne, Baka uyiza ogense u waka eme. ¹¹ Ngo emegense izu waka zen uyiza. Yaze wake emwegense enen ze i sun! ¹² Ngo woro zen uyizȧ̵̵̵̵ birwa, woro zen tǝndǝsi. ¹³ Woro taze se Musa , Se ma kate imminyu ma mame tago ano Israila bare nya nere buka maso buyiza bu waka ne. ¹⁴ Iriwe hǝkyǝ wa pato, A dǝkyǝ a kne imu kate me da ubara umakiri ma kozo a dawa pǝni ne, bakase ayimi ukase za base a katare. ¹⁵ Akane, ngase a bare riji ri Musa, imu kate kate iriwa hǝyǝ. ¹⁶ Ngase ono wanyaro a ukase, imu kate kataro. ¹⁷ Wagiya uksase manze uvunu, aregense uvunuu ukase rǝnu, a mura osope. ¹⁸ Wagiya zalo hodfo, ze nan imminyu mu diru kater, ira nǝrǝ uyizqa, Ukasohodo. ana chuwalado uyiza uti barsa, asuru a ubare u uyiza a ka oi, se a suru unu kaso hodo, se nabze uvunu.