¹ Taa go se ŋi ta soke nan me re rilakere re me. Konzen nane me ze ŋi ra soke me nan mi! Baka min ra reero aza əhəŋi. ² Min ze nan reero aza əhəŋi, baka min wa təsə nan ŋi ənyimi anya onorome ovento. In wa təsi ra nyaka u huŋi uga dondon bishuwa a Ukase. ³ Konzen na kuna iwi se eze nane, uga nane se buwa bə gəllə Eve nan remo a reme, irənu adodonzo əhəŋi anin tarse uyu runa a suri a magaŋgaŋ nan dondoŋ u nyaka rete Ukase. ⁴ Né ita ze se owe ra enze ma yisu nlen ma oi Yeso ken nan ogeme se woro wa yisu nleŋa ma me. Né ita ze se ŋi ta ka uyu vunu ken nan ogome se ŋi wa kai. Né ita ze se ŋi kai mai nlen ken nan ma geme se ŋi wa kai. Ŋi na soke tegogoro ti giya kima dase! ⁵ Baka na dunza se min dame ənyimi siji sa ano ageme se a gosen ŋe atuma əsəru. ⁶ Konzen ngase immi aa ta masan ubənu ni, i dan cikə aa ta masan u ru iyabo ne. A kuyyu uruna nan a zale tegogoro woro wa ŋuna igiya a ŋi ru. ⁷ Min wa worko ngeme se in duti rete a roŋ da a yiza ŋi? Se min wa yisu ŋi nlen mǝ Ədəshəri təndəsi. ⁸ In wa suu u daŋara ti churches da ŋa nyaka ti mala a suri a ŋe baka da min wuza ŋi ituma. ⁹ Uca ogeme se in waze nan ŋi konzen mmi ə ginərə mi, in wata cikǝ owe u tira ne. Baka emegeme se in wara giŋərə mi ayeno wa ŋizaŋ ano a geme se ŋa ra a suru a Macedonia. A tigogoro kweren in wa zuzi rete a ron baka tago in cikǝ ŋi utira ne, konzen min ra dutana a wuza nane. ¹⁰ Nane se magaŋgaŋ ma Ukase ma rimi, izalla u kisi birwa begeme itan cike wete ulu u Achaia ne. ¹¹ Baka iya? Bakase in ta barsa ŋi ni? Ədəshəri ru. ¹² Konzen eme geme se in wozezze ra dutana a wuza me, baka da min katare tewo aza haŋ konzen nan emegeme se ŋa ra nara u kisi ənu—nane se a mura ŋe a wuza ituma evento nan egeme se woro ra wuza me. ¹³ Baka isana ano ageme ŋanze atuman mpore nan ano u burkǝlə ano ituma. Ŋa waŋare ate ahaŋe uga atuma a Ukase. ¹⁴ Konzen igiya dan imi wi zi ni, baka Shetan nan rete areme ma wursi rete areme uga umaleka u saŋsaŋ. ¹⁵ Ita ze imi iwi cebete ne ngase ano ituma eheme konzen ŋa wursi ate ahaŋe uga dondon ano ituma. Uyiya birwa beŋe bira cikǝ emegeme se riwuza a reŋe ri ra barsa me. ¹⁶ Na guna konzen: tago owe go mmi ulakere ne. konzen ngase o go nane, kawon ni uga ulakere da min mura in kisi bate. ¹⁷ Emegeme se min ra biyə mi aza u kisi təndəsi u giya Aco ta barsa ne, bata min rə bənu mi uga ulakere. ¹⁸ Bakase awe cebete ŋaa kisi aza iripuŋ, mmi konzen ra kisi. ¹⁹ Uga ŋŋi nan uruntu birwa ŋi wa ka alakere. Ŋi ze nan rekese! ²⁰ Ŋi cikǝ nan ono ogeme se né manin ŋuna ŋi i cikǝ arere, nga ma wursi ŋi, nga ma ita ŋi u dira uru, nga ma ita rete a reme ma kira ŋi, né nga ma ŋunai uware an mwinyu. ²¹ Mi nin go nan u dira emme amado i wa ŋuna shammo cebete se i wa wuza nane. Konzen wagiya nga owe kisi—min ra bənu uga ulakere—mmi konzen ra kisi. ²² Ŋŋi ti Hebrews tenze? Nane ze mmi. Ŋŋi ti Israelites tenze? Nane ze mmi. Ŋŋi bi sana bi Abraham benze? Nane ze mmi. ²³ Ŋŋe ano ituma Ukase ze? (Na bənu uga ono ogeme se ma damen rete ne.) In kira nane. Na wuza ituma egeme se i kira ikpai, geten a tira ti nyan, ənyimi u tərə ogeme se a taa date a bare ne, ənyimi u gurna nan iburu uga uwənə. ²⁴ A ti Jews in wa kai ti puru ka shibi "ituru naze u dira ba vento." ²⁵ Ka taro a wuzan utərə nan risaro ri biru. Aa gisun nan azuwa ka vento. Okoŋgo u səru wa toso nan mi ka taro. In wa muru konzen in yere a zate u dandale manyi. ²⁶ Na wuzuza tano cebete, iburu əsuru a sii, iburu əsuru ə kǝri, iburu əsuru ano ahaŋ, iburu əsuru ano əpəŋ, iburu ənyimi ape, iburu ənyimi uja, iburu a manyi mu dandale, iburu əsuru a ayeno ampore. ²⁷ Na wuzuzza ntuma ma gbau nan u ŋiza makpai, udiran ro ənyimi timuru cebete, ənyimi ekomo nan bewɔɔ bi manyi, kuyyuca nan upətə ənu, ənyimi tuyi nan eshepe. ²⁸ Ken əsuru a kusun tegogoro konzen, rikunuŋa kuyyuca aza a haŋ baka u ŋuna birwa abon aza zale ti churches. ²⁹ Ono ogeme se mana yii, nan ono ogeme se ma dan yii ni? Ono ogeme se ana ŋuna me mə pikəru, konzen min dan pusu ni? ³⁰ Ngase kake nin kisi, min ra kisi aza eme gene se inin bizan u dira u ruu o hoŋ. ³¹ Ədəshəri nan Dada uwa Acoo Yeso, ono ogeme se a tuŋara suŋ, ruu se in dame ampore ne! ³² A Damascus, u gumina ono amaro ogomo Aretas manze maze a ri nyaŋana ra ape a Damascus da ŋa meyon. ³³ Konzen a dutun ənyimi opozo əsuru u wundu ənyimi u piŋəri, enze bata in wuri a tare a teme.