¹ Min ra kisi, konzen iyabo dəmə nyimi uwuza nane me ne. Konzen ra wame u nərə geten nan Uga tero a suru Aco. ² In ruu ono ənyimi ukase ono ogeme se siwai bituru nan si naze se sa wake onon—né ənyimi ripuŋ rimi né a maro ripuŋ rimi, min ta ruu ni, Ədəshəri ruu—a mee me ənyimi ədəshəri a utaro. ⁴ aa mee me aza, ənyimi paradise enze ma kuna tegogoro konzen ti u visiku se kəvi nin buku. ⁵ Aza isana ono ogeme ra min ra kisi. Konzen aza rete a roŋ min dama kisi ni, she aza tira ti madoro a maŋ. ⁶ Ngase min ra barsa in ta kisi, in dama cikǝ ulakere ne, nane ze raa bii zi magaŋgaŋ. Konzen ra deke u biiji, baka tago owe vati u wuza adodonzo aza haŋ i kuri kira eme geme se a raa nərə mi imi né ana kuna imi. ⁷ Konzen ra deke u biiji baka isana tommo ti mumuru tegeme se ti kira te tero. Baka nane, in dama Yira nan u iza rete ne, bikana ənyimi ripuŋ tenze a nyan, utuma əsuru a shetan ma ra ma giŋərən nan betoi, baka tago min cikǝ nan u yiza rete cebete ne. ⁸ Ka taro ze mmi wa vale Aco aza igiya, baka da ma katare eeme aza a haŋ. ⁹ Enze ma go nan mi, "ogwene o hoŋ na bare, baka agata a cikə gbau ənyimi elororo." Baka nane inin kira in biiji aza elororo e hoŋ, baka da a gata a Ukase né ǝ cikǝ aza a haŋ. ¹⁰ Baka nane ina ŋunan baka ono ukasa ənyimi elororo, mantinza, ənyimi arezekon, ənyimi makpai nan maizakuŋ. Baka uca ogeme se ripuŋ ri ŋuna lororo, enze in ŋuna a gata. ¹¹ Na cikǝ ulakere! Ŋi na ŋunan igiya, baka ŋi tinin tuŋaraŋ ze. Bakase min wataa ze zale ono u bate a ano ageme se a tisa ŋe ago atuma əsəssəru, baka nane mmi dan iyabo ze ne. ¹² Ti runa ti gaŋgaŋ ti u tuma a wuza ənyimi əhəŋi nan zale shauwo, ti runa nan imi iwi nan te gogoro ti səssəru se a wuza ənyimi əhəŋi. ¹³ A wuza inni zi ŋo waze ono u bate nan udaŋara u ti churches, se min wata cikǝ ŋi u tira ne kwaŋ? Ŋunan ni ogwene baka o worko ogeme! ¹⁴ Nərə! Min ze nan o goro da in kuri in ra iŋi u taro ngeme. In da maa cikǝ u huŋi u tira ne, baka min dama barsa eme geme se eze i hiŋi ni. Na barsa ŋi. Baka abiya a tan kase ŋe baka ano yoo ohoŋe ne. Itaze nane, ano yoo tinin cikǝ a kase a abiya. ¹⁵ Nan uruntu birwa ra woo konzen in kurin woo baka ruma a riŋi. Ngase in kira a bara u huŋi, ti barsa a tiŋi imi tinin cikǝ bate? ¹⁶ Konzen nane se eze, in dan cikǝ ŋi u tira ne. Konzen, baka nze nan ituma i tare a ton, mmi zi ono ogeme se wa me ŋi nan ugəllə. ¹⁷ Min wa ka rərə riŋi baka owe ənyimi ano ageme se na tuma iŋi? ¹⁸ In wa goŋ Titus a ma wame iŋi, enze in tome oi oyeno nan me. Titus mi wa ra ma kate ŋi iyabo? Woro wa taa ŋana u runa ovento ne nga? Ti kape a tedo taa ta ze te vento ne? ¹⁹ Ŋi wa ra gusa zale uca u giya woro ra kasa ate a hado iŋi? Ulu u Ədəshəri, woro ze nanno ənyimi Ukase ə biyə te gogoro kweren da ma piyə ŋi. ²⁰ Baka raa kuna iwi se uca ogeme se in rai irənu in ta mura ŋi uga nane se ra barsa me ne. Ra kuna iwi se irənu ŋi tan muran uga nane se ŋi ra barsa me ne. Ra kuna iwi nane se irənu anin meshe magita, reero, ucərə əpuru, ubarsa rete, Ubiyən nlen ma ano, u iza rete, nan u dira rete. ²¹ Ra kuna iwi ngase in kuri, irənu Ədəshəri a haŋ nin nyan emme əji əhəŋi. Ra kuna iwi nane se irənu birwa abon bi nin caro nan ano cebete ageme se ŋa na dangalo bata wagiya, konzen ano ageme se ŋa dan deke u wuza macara nan akwaro rijama nan u tarse tommo ti udangalo te geme se ŋa wuzuza.