Udaraŋa u 5

1 Tago u jarma onoŋono ne. She, u bǝnu nan me uga Acoo. Bǝnu nan anomiŋina uga ayeno. 2 Bǝnu nan tiwǝre uga ano yɔ, konzen agalla uga anuwanoma hai anyimi zale isansan. 3 Di nya Ashi, ubare o hoŋe, dondon Ashi. 4 Bata Ingase ushi zin abiyǝ nan aré, deke ŋe a ŋa bursa umassu yiza apun a haŋe akura ŋe. Deke ŋe a ŋa ko ŋa nusi anacowaŋe, bakase igiya ze Ədǝshǝri barse. 5 Ama dondon ushi ana deke me tenteme ze. Ma mursa ubunko me a Ədǝshǝri zi. Uciko me usǝŋǝrǝ avale anyimi taye atitiyyǝ nan atetenŋwe. 6 Aza nane, Uwai ogeme se uciko me a ma kuna malo ma na wǝnǝ, ko se ma dan ruma. 7 Yisu tegogoro tigiya da tago ŋa cikǝ nan macara ne. 8 Bata Ingase owe ta ginǝrǝ baka anuwanoma me ne, massamman akura hame, ma na nyamene magangaŋ konzen maze unu buru aza anu diru yiya birwa. 9 Deke u wai deŋe ushi a suwai segemese se tin yi akuru tase ne, uwai o norome ovento. 10 A ru mi nan riwuza ri wuma, ko se ma na mǝntǝ abiya hame, né ma zen ukawa gen, né ma kwiji tuva ta atau anu gara, né ma rusu Anu cara birwa, né ma nyaka rete ituma i wuma. 11 Bata Ashi si ŋa da abiya, tago I we sija seŋe anyimi ni. Baka uca ogeme se ŋa yiza ubarsa ripun aza Ukase, ŋa nin zen epe anya. 12 Uruna ugiya ŋa na we macara bakase ŋa na cope uyiya birwa beŋe bu bura. 13 Ŋa nin ko ŋa mina nan ucikǝ udira ituma. Ŋa tangaro asuru atauwa giya a ka ageme. Dan uciku dira ituma base ne, Bata ŋa nin cikǝ anu gulma nan Anu zassa nlen. Ŋa biyi tegogoro tegeme se ŋa ti tin nin buku ni. 14 Mmi aza nane in repe agalla a nyeze wuza Anya, da ŋa mura abiya, da ŋa mǝnti akura, da tago ŋa nya Shetan uwari u wuna do a wuza macara ne. 15 Baka awe na Masa ukurun tamaro a Shetan. 16 Ingase uyu wai uyiya birwa zen Ashi, deke a ma male ŋe, baka tago akuru pate rete massone, da a male dondon Ashi. 17 Deke anaŋono ageme se a na mǝntǝ ano kima mura uyiza ka repo, massamman anageme se ŋa na wuza ituma ubiyǝnlen nan obezezze. 18 Baka nlen ma Ədǝshǝri ma go,"tago I we orenge Anu a birankome uca ogeme se bi da tuwi imunshu," konzen "uni tuma zen unusi." 19 Tago i kaiye emegeme se ara tinziza onoŋono nan no ne she una mura Anu biyǝ mi an ka repo né an ka taro. 20 Bǝnǝ anu macara aji a zale da udaŋara me kuni iwi. 21 Ina tuŋara ŋi aja Ədǝshǝri konzen aji a ukase Yeso Nan timalika teme tu zake, da ŋi mǝnti mǝruku magiya da nan ubarsa ate ne konzen tago I we iyabo iwu barsa ate ne. 22 Tara ni tǝre sassa a puŋa haŋi. Tago I ware a puŋa haŋi anyimi macara. Cikǝ ŋi sansaŋ. 23 Ŋi tin ko i shi manyi ni. Ama shiyǝ ni Wine baka upuwu apuru nan ucikǝ makwai ma ripun. 24 Macara ma awe maze bǝǝri da ru, konzen ŋa nin tarse ŋe atiyu biyǝnlen. Bata Mai macara ma tarsen tamaro. 25 Nane meze, iyi tuma I wuma zi bǝǝri da ru, bata ko udaŋara me damen upate ne.