1 Deke kusun anageme se ŋa ze anyimi rerere ra acakura a haŋe mura kuyyu yisiza. A ŋa wuza nane da tago riji ra Ədǝshǝri Nan obezezze tin mura aru tinziza ne. 2 Arere ageme se ŋa zen ticakura tu gara nan ŋe tago ŋa duti ubare o ŋe bakase ŋa ze ayeno ne. Bata, a ŋa wuza ŋe ituma kima. Baka ticakura tegeme se to male itume ŋe ano magangaŋ manze ŋa repe tubarsa. Bezezze konzen di biyi tegogoro tigiya. 3 Ingase oye bezezze ken konzen ma wa ta ta mǝruku ma gangan maja ne, se manze, nlen ma Acowa do Yeso ukase. Ingase ma wa ta ta obezezze ogeme se owe do nan rewuza ra Ədǝshǝri. 4 Ono geme on yiza rete renze konzen ma ru iyabo ne. Bata ma nin tejejen magita nan ucuwala nlen. Nlen mageme ma nen yoso, unyamene ara, ukara, man tinziza, unǝrǝ macara, konzen nan 5 uciku Kara anyima ano nan birwa be bɔ. Anageme na nyamene magangaŋ. Ŋa ni uga re weza ra Ədǝshǝri renze uruna u mura. 6 Wagiya riwuza ra Ədǝshǝri taken umutǝnǝ zen umura. 7 Baka woro was ta ran iyabo anyimi massano ne. Né I nin ko I ŋa nan iyabo ne. 8 Ama deke I seme nan imunshu nan tomorrow to soke. 9 Wagiya anageme se ŋa ra barsa ŋa ta cikǝ anu umura rizizi a bishare, ogero konzen. Ŋa rizizi a kuyya rilakere nan imu nara I buru, konzen a kusun emegeme se i wuza ano Pete a wishu nan u wiju. 10 Baka ubarsi iru enze ubursa zale kuyyi sana macara. Aye ageme se ŋa barsa eme na wuru asuru yiya birwa konzen ŋa na wija atǝ haŋe nan ucara birwa cebete. 11 Bata nŋo, ona Ədǝshǝri, Suma asura tegogoro tigiya. Ginǝrǝ uwuza magangan, riwuza ra Ədǝshǝri, uyiya birwa u gangan, tubarsa, agatu mutǝnǝ, nan riwuza ri shauwo. 12 Wuza ni ukara u wuma u yiya birwa. Mǝntǝ ruma ru diru masso se ana tisai a nu. Baka igiya ze una biyi aji and bi mi cebete aza emegeme se eze I wuma. 13 Ina nya ŋi mǝruku magiya aja Ədǝshǝri, on ruza tegogoro to cikǝ, Nan aja Ukase Yeso, onu biyǝ magangaŋ a Pontius Pilate: 14 Mǝnti mǝruku mami kima, dan nan maburbǝnu ni, she u ra of Acowa do Yeso Ukase. 15 Ədǝshǝri nin persi ucu rawo me—Ədǝshǝri, Ono taye, Agata a base, Ogomo of tegomo, Aco se mǝnti zale. 16 Manze base Ma tin wǝnǝ ni konzen Ma cinzǝnǝ anyimi isansan iwu diru masso. Ono damǝ nu si ma na taba unǝri mi ni né a nin date a ni mi ni. A me ze uyiza nan Agata awu diru masso. Amen. 17 Bukǝ anu mura anyimi massano magiya tago ŋa yiza atǝ haŋe ne, konzen tago ŋa we birwa umura of hoŋe ne, se i came emo tore ne. Ama, a ŋa we birwa a Ədǝshǝri. Ma yiza do zale umura u gangan di kuna malo. 18 Bukǝ ŋe a ŋa wuza imi wuma, da ŋa mura umura ituma i wuma, di cikǝ anu cope uware, konzen I barsa uwara me nan anu dira me. 19 Uruna ugiya, ŋa nin yiya atǝ haŋe ubursa upiyi u wuma baka emegeme se i nin ra, da ŋa mǝnti dondon ruma. 20 Timoti, wuza rinyaŋana re megeme se ana nyai. Deke rilakere ru bǝnu nan magita mageme se agusa u ru mpore. 21 Aya ano biyi tegogoro tigiya nze ŋa na dira uyiya birwa. Taya ton tenze o gwene cikǝn ŋi.