1 Wagiya uvunu mi na buki wǝŋ ago uca u sa ra ayano nin deke uyiya birwa nze ŋa rusotonŋe uvunu mpore konzen obezezze u vunu ɔbɔ 2 anyimi turuna tompore. Adodonza ŋe nin cuwalo. 3 Ŋa nin go anya makiri zi, nan uka imunshu se Ədǝshǝri wa ruze se a nin warsa nan kukwan anageme se ŋana gara konzen ŋa ru igangaŋ. 4 Baka emegeme se Ədǝshǝri wa ruze izi kima. Iyabo damanu ni se woro nin ka nan kukwan se a nin nyamene ne. 5 Baka ezen usarka sansan nan nlen ma Ədǝshǝri nan Taye. 6 Ingase i yiya tegogoro tigiya aji a ayeno, ŋi nin cikǝ arere a wuma a Yeso ukase. Baka a ra piyǝ u huŋi nan nlen mu yiya birwa konzen nan obezezze u wuma se ŋi na tarse. 7 Ama nyamene night tejo ti massano se tiwǝre ti barse. Aza nane, Massa ni riwuza ra Ədǝshǝri. 8 Baka umassa u ripun zen umale bateke, ama umassa riwuza ra Ədǝshǝri re zen tumale baka zale tegogoro. 9 Retuma rigiya ru gara renze da gare nan no ganka. 10 Baka azi giya ze woro ra wuza otoŋe a wuza ituma ganka. Baka i zin ubunku anyima Ədǝshǝri a ruma, se manze ukase u zale ano, bata massamman anu gara nan me. 11 Biyǝ ni nan obezezze tegogoro tigiya. 12 Tago ugara oye yizuyi rimanŋina mai ne, cikǝ imu massa anageme se ŋa na gara, anyimu bǝnu, riwuza, tibarsa, uyiya birwa nan isansan. 13 She ina ra, rusa ni ubara me, a bǝnu apun nan obezezze. 14 Tago i deke emegeme se ana nya ŋi ni, se awa nya ŋi uruna retuma ra Ədǝshǝri, nan utare tǝre te tenoŋono. 15 Mǝntǝ ni tegogoro tigiya. Cikǝ ni nan ŋe, baka da uwushaji o huŋi nen zen u ru ano zale. 16 Ruka tetoŋe a ŋoa rete nan obezezze konzen. Wushaji a tegogoro tigiya. Baka anyimi egeme, u nin ka ritare nan anageme se ŋara kunazo hoi.