Udaraŋa u 3

1 Igiya se abiyi gangaŋ u gara ze: Ingase owe repe ucikǝ unyaŋana, ma na barsa ituma i wuma. 2 Bakan nane unyaŋana tǝ cikǝ nan udira tewoo. A ma cikǝ acakura uwai vento. Ma nin ze unu wuza kuyya kima, ma nin cikǝ nan rekese, ma cikǝ unu wuza iyabo uruna, nan unu kaiye kuwavi. Ma nin ze unu date bezezze. 3 Ma tin cikǝ ono geme se ubere na shiyǝ mi ni, ma tin cikǝ onu nǝrǝ ukara né magita ne, ama ma nin cikǝ, onu shauwo, nan ono telo. Ma tin cikǝ onu barsa iru ni. 4 A Ma mǝnti akura hame kima, abiya me nyame zale ubare o home kima. 5 Baka ingase ma tǝ ru umǝntǝ akura me kima ne, a nin win ni zi ma mǝti akura a Ədǝshǝri? 6 Tago ma cikǝ unu sau a nlen ma Ədǝshǝri. Baka da tago ma biji nan u yiza rete ne se ma nin rizi nkeze uga shetan ne. 7 A ma kon mura riji ri wuma anageme se ŋa dame voton me ne, da tago ma rizi anyimi u shi inme nan ogero u shetan. 8 Deacons, uga nane, konzen ŋa nin cikǝ anu mǝnti rete, dan anu biyǝ nlen mu dira ugape ne. Tago ŋa shi wine cebete ne né ŋa barsa atǝ haŋe ne. 9 A ŋa mǝnti nlen ma gangaŋ mageme se awa parsi aza uyiya birwa nan iriwa isansan. 10 Da a bura u gara nanŋe yǝi, nze ŋa wuza ituma me baka se ŋa damen macara ne. 11 Awai uruna ovento ogeme a ŋa mǝnti atǝ haŋe. Tago a mura ŋe nan nlen ma bɔ ne. Da ŋa cikǝ anu wuza kuyyamo kima nan riwuza ri wuma a zale tegogoro. 12 Deacons cikǝ akura awu Uwai vento. Da ŋa mǝnti abiya nan akura haŋe kima. 13 Baka anageme se ŋa na wuza ituma kima ŋa na mura ucikǝ u wuma nan ubunku anyimi uyiya birwa a ukase Yeso. 14 Ra darsa tegogoro tigiya a wan i ŋi, konzen ina ra voto a rawiŋi. 15 Bata ingase in dǝkǝno, In ra darsa me da ŋi ru kando geme se i nin cikǝ akura Ədǝshǝri, se anze akuru patǝji a Ədǝshǝri a ruma, se manze bikai konzen upikǝ u magangaŋ. 16 Ita ze i magita ne se magangaŋ magemese awa parsi aza riwuza riwuma se rezen agata: "Ma wa suru a ripuŋ, Uvunu wa gara nanme, Tumalika tǝ nimi, Awa biyǝ epe me a te peypey, Awa yiya birwano a massano, Konzen awa yiza me nan uyisiza."