Udaraŋa u 2

1 Bakan nane in dinka o kweren, na ginǝrǝ avale, taye, ɔnɔ ti mala, nan uyiza kukwan we baka zale ano, 2 baka agomo nan zale anageme se ŋa ra tegomo, da i mura ucikǝ u shammo nan telo tu cikǝ anyimi riwuza ra Ədǝshǝri konzen umǝntǝ rete. 3 Igiya ze kima nan u kaiye aja Ədǝshǝri se manze Acowado. 4 Ma barsa zale ano da ŋa mura tukasa konzen da ŋa ra u ru magangaŋ. 5 Baka Ədǝshǝri a vento ze, konzen azen ono tore azata ono nan Ədǝshǝri ovento, ono meze Ukase Yeso. 6 Ma wa nyaka retǝ reme imu cuwala baka zale, imu biyǝ mi uca u wuma. 7 Baka igiya ze, Mmi, nan retǝ ron, awa wunan in cikǝ unu biyǝ nlen ma wuma konzen utuma. Inra biyǝ magangaŋ manze. In dama mpore ne. Mmi unu bezezze aworme ze u yiya birwa nan gangaŋ. 8 Baka nan nane, Inra barsa ano a kwaba yiza uwaro ŋe ǝdǝshǝri a nyaka taye dan nan ucara birwa né magita ne. 9 Sakama nane, In ra barsa Awai tǝsu ganka nan tommo ti wuma , tu rezu nǝrǝ, konzen a ŋa me atahaŋe. Tago ŋa soke se sete seme né Gold né Pearls ko né tommo ti iru. 10 In ra barsa a ŋe ŋa tǝsu nan emegeme se izi kima a Awai awu tarse Ədǝshǝri taken riwuza ri wuma. 11 Uwai cikǝ wete uca u ogeme se a nin bezezze me konzen zale anyimi ulutana remelo. 12 In dan nya Awai agata awu bezezze aza onorome ne, bata ǝ ma cikǝ anyime e wete. 13 Baka Adam ze awa rusa nan dinka, nze Eve tarse. 14 Adam wata gara ugǝnlǝ ni, bata Uwai meze ma wa rizi anyimi kweren u gǝnlo har nan macara. 15 Aza nane ze, uwai me nin mura ukase ingase Ma yoso abiya Ma tarsen ŋe ŋa wushaji nan uyiya birwa nan tubarsa konzen nan ucikǝ isansan a guran adodonza a wuma.