Udaraŋa u 4

1 Aza nane, baka se Ukase was Kuna kwai a ripun, goro ni atǝ haŋi sakama ogemme. Baka ono geme se ma shi kwai a ripun Mana deke macaran geme. 2 Aza me, Ono gemme, baka udaŋara uca ohome a ripun, ma tin da cikǝ nan ubarsa birwa uwa ano ne, ama baka imu barsa uwa Ədǝshǝri. 3 Baka uca cebete na waka a wuza eme geme se aworme barsa uwuzame—ubarsa rete, uwuna birwa, ubugu, ucikǝ ashiyǝ obere cebete, aru gari Irina I buru, konzen riwuza ri mǝŋǝ mǝ ao rebere. 4 Ŋa ni adodonza ago eme iwi zi se ŋi dan tarse ŋe anyimi udandale manyi ma macara ma geme ne, nze ŋa biyi iburu aza haŋi ni. 5 Ŋa nin biyǝ nleŋa ma ŋe a Ono geme se Ma ra pa ubiyǝ nlen ma Ano ruma nan Anu wiju. 6 Azi giya ze awa biyǝ nlen ma Ədǝshǝri Anu wiju konzen, da, ko se awa biyǝ nleŋa maŋe anyimi ripun uga ano, irǝnu ŋa nin cikǝ uga Ədǝshǝri anyimu vunu. 7 Umassa kuyyiya na ra voto. Bakan nane, cikǝ ni ano rekese, konzen mamara adodonza haŋi baka unyaka taye. 8 Aza zale tegogoro, mura ni tubarsa ta apun, baka tubarsa ti pateze macara cebete. 9 Cikǝ ni Anu Kai apuŋa haŋi da nan mǝburbǝnu ni. 10 Sakama ogeme se kuwavi u huŋi na kaiye etenten(imu nyaka), wuza ni ituma nanno do male apun. Wuza ni igiya uga ano ituma a Ədǝshǝri a wuma ageme se ŋa nin kai etenten i kawai. 11 Ingase owe nin bukǝnu a ma bukǝnu uga ma ra biyi nlen ma Ədǝshǝri. Ingase oye nin wuza rere, deke I cikǝ asuru Agata ageme se Ədǝshǝri yiza. Wuza tegogoro tigiya da anyimi zale turuna ta Ədǝshǝri ti nin mura uyiza uruna u Yeso Ukase. Taya ton tenze da I cikǝ Yeso Ukase uyiza Nan Agata a suŋ konzen suŋ. Amen. 12 Anuwanan, tago I yete uga imi sau ugǝnlǝ anyimi ura ogeme se uwa we I ŋi, uga iyiyabo I said wa ra wuna I ŋi. 13 Bata, aza nane se iwa Kuna makwai mu Ukase, wuza ni izalla, da ŋi nin ko i wuza izalla konzen I cikǝn iruwa I run uca o ra uyisizo me. 14 Ingase a nin tinziza ŋi baka riji ru Ukase, ŋi ano taye tenze, bakase uvunu u yisiza Nan uvunu uwa Ədǝshǝri una tu i ŋi. 15 Bata tago oyeyu ŋi shi makwai uga urnu wuna ano, Ukari, Ono macara, né Ono beto. 16 Ama ingase oye shi makwai aza utarsu Ukase, deke me tago ma kuna imme ne; She, deke me a ma yisiza Ədǝshǝri nan riji regeme. 17 Baka uca me ze se ubiyǝ nlen nin bura aza akura Ədǝshǝri. Ingase I bura Nan woro, Iyaze e nenze imu wu na ana geme se ŋa dan gara nan nlen ma Ədǝshǝri ni? 18 Konzen ingase "ono maganga dan mura rikase sauwu ni, Anu dira magangan nin suru in ni zi?" 19 Bakan nane, deke ana geme se ŋa na shǝ makwai baka imu barsa a Ədǝshǝri nyaka bewo was beŋe a Onu ruza Magangan ma riwuza ri wuma.