Udaraŋa u 3

1 Urunu giya, nŋi se ŋi ze Awai nin nyaka rete anaroma haŋi. Wuza ni igiya ko se Aya anarome me dan gara Nan nlen ma me ne, ŋa sǝ cikǝ anu gara nanno ko nan udira nlen ma me, a riwuza ra Awai me. 2 Baka ŋa nin ni dodon riwuza re bata ubare. 3 Deki we dan nan oreze akai ni: Reese su mamara, imu Tara I gold, né tommo to gaye. 4 Ama, deki we nan riwuza ra anyimi ruwa, konzen nan orezu dakano u ishauwo nan uvunu u wete, se eze I wuma a Ədǝshǝri. 5 Baka Awai a sansan bursa ogoro u runs ugiya. Ŋa zin ubunku uwa Ədǝshǝri konzen ŋa yiza anaroma haŋe ubare. 6 Uruna ugiya Sarah was nya Abraham ubare konzen ma tisiza me Acowa me. Ŋi waja abiya hame ze ingase I wuza emegeme se see wuma konzen ingase ŋi dawa iwi imi buru ni. 7 Uruna ogeme, ŋi anarome nin cikǝ nan Awaya haŋi uruna u gara nan apun, sakama nan I'm dira agata, Uwai. Ŋi nin nya uyisiza uga akura avento se ara pa unyaka ruma. Wuza igiya baka tago Taya te to tin gara nyaŋa ne. 8 Ima amaro me, zaluhuŋi, cikǝ riwuza revento, cikǝ anijaiy apun, cikǝ nan tubarsa ta ayeno, cikǝ ani ishauwu iruwa, cikǝ nan umǝntǝ rete. 9 Tago I kursu magunta nan magunta né mantinziza Nan mantinziza. Ucuwale geme, wushi ni aji nan taye, bakase azigiya ze awa tisa ŋi, da I nin mura taye. 10 "Onogeme se ma repe ubarsa ruma nan tumuru to wuma ni deke ubi macara konzen nlen mǝnu ubiyǝ mpore. 11 Deke ma ama waŋaro asuru a magunta mame a ma wuza eme geme se eze I wuma. Deke me ama giŋǝrǝ telo konzen ma nara eme. 12 Aji a Aco nǝrǝ ano magangan, konzen tetonŋa teme tira kunaza eme geme se ŋa na sǝŋara. Bata aji a Aco ara aza ana geme se ŋa ra wuza imi buru." 13 Avizi ongeme se ma nin tupa ŋi ingase i barsa eme geme se eze I wuma? 14 Bata Ingase I shi makwai baka riwuza ri wuma, ŋi nin mura taye. Tago I kuni iwi eme geme se ŋa ri iwi mi ni. Tago I damo ne. 15 Nane, wuna ni a uyulu Aco Ukase anyimi iruwa ŋi ana sansan. Goro ni kuyyu ca se zale unu sǝŋaru ŋi iyaze wuna see zen ubunku a Ədǝshǝri. 16 Cikǝ ni nan adodonzo a wuma da anageme se ŋa tinziza riwuza riŋi ri wuma anyimi ukase ŋa nin kuna imme bakase ŋa ra bǝnu aza haŋi uga ano macara. 17 I nin kira, ingase Ədǝshǝri nin barsa, da I shi makwai azu wuza imi wuma aza imi buru. 18 Ukase na shiyǝ makawi aza macara. Ime onu magangan wa shiyǝ makwai aza hado, anu dira magangan, da Ma nin ran woro a Ədǝshǝri. Awa wuna me ma wi a ripun, Bata Ma zen ruma uvunu. 19 Uvunu mi, Ma wa waŋ Ma ka biyi a tuvunu te geme se tiri inyaŋ. 20 Ŋa wata kunǝnu ni uca o geme se ishauwo iwa Ədǝshǝri wara pa anyimi tumutu ti Noah, anyimi tumuru tu piyǝ okongo manyi, konzen wa kase ana bateke—anu ruma uru—anyimi manyi. 21 Igiya ze karuna ko ozoro si u nin mura ukasa wagiya—dan uga ukwiji madini a ripun ni, bata eze unara ijai aji a Ədǝshǝri—uruna u yiza Yeso Ukase. 22 Ukase manze uware u bilai uwa Ədǝshǝri. Ma wa nyana a ǝdǝshǝri. Tumalika, Tegomo, nan Tigata nin nyaka rete ame.