1 Bakan nane deke night zale imi caron, zale rikunuŋa rempore, ituma unǝrǝji, arapuru, nan zale ubǝnu mpore. 2 Uga abiya ageme see ana sura yoso, barsa mane ma uvunu u sansan, da aza mame ŋi nin bare anyimi ukasa, 3 ingase ŋi na kuna se Acoo lo. 4 Ra ame, onogeme se manze rizuwa ri ruma regeme se ano wa nyamene, bata renze awa Ədǝshǝri was zake aza imi wuma a Me. 5 Ŋi konzen eze uga rizuwa ri ruma se awa piyi a cikǝ akura a sansan, kando geme se I nin cikǝ Anituma a sansan se yiza Unyaka u sansan ogeme se Ədǝshǝri garan no asuru a Yeso Ukase. 6 Nlen ma Ədǝshǝri Mazen igiya: "Ni, Inra cikǝ anyimi Zion rizuwa re regoro, uzaka konzen imi wuma. kusun on garage nan me ma tin kuna time ne." 7 Uyiza me one u huŋi anu gara. Bata, "rizuwa regeme se and piyǝra wa nyamene, renze ri na cikǝ re regoro"— 8 konzen, "rizuwa ru kutarzu konzen nan bizuwa but kutarzu." Ŋa kutarzu, unyamene nlen ma geme se awa yiya ŋe ǝ nu. 9 Ama ŋi anageme se awa zake, Anituma tegomo, inyaŋa ma sansan, anageme se Ədǝshǝri barsa, se da ŋi nin buku ituma i wuma e onogeme se a tisa ŋi asura a mǝri a ka isansaŋe me. 10 Ubursa ŋi wa ze ano ne, Bata wagiya ŋi na cikǝ anu tarse Ədǝshǝri. A wa ta kuna ijai i hi ŋi ni, bata wagiya ŋi na mura ijai. 11 Tubarsa ton, Ina tisa ŋi uga agen konzen and wuru da I deke bishare bi ripun, se i rigaba nan ruma riŋi. 12 Ŋi nin cikǝ ano riwuza ri wuma anyima agen, da, ingase ŋa bukǝnu aza se ŋi na we iyabo I buru, ŋa nin ko ŋa nǝrǝ ituma i wuma i hiŋi nze ŋa gusa iri a tiyǝ u rawo me. 13 Tarse ni kuyya tegomo ta an baka Acoo, Kunaŋe kusun agomo uga ana sǝsǝru anyima haŋi, 14 konzen ti gumina, tegeme se ana tuma a ŋa nya makwai anu macara konzen a ŋa yisiza anu riwuza ri wuma. 15 Baka igiya ze Ədǝshǝri barse, da a wuza imi wuma u nin pate and biyi a rilakere ǝnu. 16 Uga ano sopo, tago I wuza ituma nan osopo u huŋi imu pate udangalo u huŋi, Ama cikǝ ni arere a Ədǝshǝri. 17 Nyaka ubare u kuwavi. Barsa Ayeno kusun. kuniwi iwa Ədǝshǝri. Nya ogomo ubare o home. 18 Arere, tarse ni emegeme se acakura hai barsa nya kuyyu bare o hoŋe. Wuza ni nane dan a ti cakura ti wuma base ne, a ko anu magunta zale. 19 Baka izin uyisiza ingase owe mutǝnǝ a makwai aza uduru nya magangan baka u ru uwa Ədǝshǝri i ŋi. 20 Baka imu mura i nyano ze ingase una wuza macara nze u mutǝnǝ makwai aza me? Bata ingase u wuza riwuza ri wuma nze u shi makwai aza me, igiya eze i wuma a Ədǝshǝri. 21 Baka azigiya ze awa tisa ŋi, Ukase konzen ma wa shi makwai aza haŋi. Ma na deke imu massa da i tarse uruno me. 22 Ma wa ta wuza macara ne, né a wa kuna uyu ugǝnlǝ asura ame ǝnu. 23 Se awa kunaza me, Ma wa ta kunuza owe ne. She ma wa teje, Ma wa ta kursu owe makwai, ama Ma wa nyaka retǝ reme Ono geme se Ma biyi nlen nan magangan. 24 Mme a nan retǝ reme Ma wa zaki macara mado aripuŋa reme u titi, da tago woro mura mail macara mame ne, konzen da woro nin cikǝ baka magangan. Aza terekwena teme ŋi nin mura uwǝmo. 25 Zaluŋi wa an wuru uga itan, bata wagiya a na kursu ŋi a unit itan me nan Ono rinyaŋana ri ruma.