1 Ano tibarsa, kada i garaŋ kuyyu vunu ni, guda o me a i ni ne i wu sura Ədǝshǝri zi, baka ano rituma re npore bare a massano. 2 Baka igiya, ŋi nin ru uvunu u wa Ədǝshǝri o gemse o na gara se Yeso onu kasa ze, ma wa ra anyimi ri-puŋ ro ono daga suru a Ədǝshǝri. 3 Konzen uvunu ogemse u dan gara nan nane ne ogeme dan a surǝ Ədǝshǝri zi ni. 4 Nŋi anu sura Ədǝshǝri zi, Abiya ti-barsa, nŋi na wakaŋe, baka ono gemse mazen woro ma kira ono mari a massano. 5 Nŋe anu massano manze; enze na wuna se imu buko hoŋe i massano manze, konnzen massano ma kuna ŋe. 6 Woro anu surǝ Ədǝshǝri zi. Zalle anu ru wa Ədǝshǝri Mme ma kuna do. Onu gemse ma'a ta suru ǝ Ədǝshǝri ni matǝ kuna do ne.Azigiyǝ ze woro ru uvunu u i-sansan nan u mari. 7 Ano ti-barsa, ǝ woro woze tu-barsa ti-riwanon, baka tu-barsa a surǝ Ədǝshǝri zi, konzen zalle onu ti-barsa a wǝ yome a surǝ Ədǝshǝri zi, Mme ma ru Ədǝshǝri. 8 Onu dira tu-barsa tă ru Ədǝshǝri ni, baka Ədǝshǝri ti-barsa tenze. 9 Baka igiya zee a wa beze ŋi tu-barsa tă Ədǝshǝri, se ma'a tume vano me ǝ massano da woro cikǝ u-cikome. 10 Anyimi tu-barsa tiga, dan baka woro barse Ədǝshǝri ni, amma baka ma barsa do, konzen ma'a tume vanome da ma kiaye do a macara mado. 11 Ano-tu-barsa, ingase Ədǝshǝri barse do, ă woro woze tu-barsa te ri-wanon. 12 Oye dawa nari Ədǝshǝri ni. Ngase i barsa a puŋa do Ədǝshǝri nin cikǝ a nyima do. Konzen tu-barsa teme ti nin binja a nyima hado. 13 Aza igiya ze i ra ru si ira nyimi a hame, Mme a anyima hado, baka igiya ze ma nyado uvuno me u i-sansan. 14 Konzen, woro wa nari, iwa ko i cikǝ a biyǝmi se Aco wa tume vanome da ma cikǝ onu makassa a massano. 15 Ono gemese ma gare se Yeso vana Ədǝshǝri zi, Ədǝshǝri ra cikǝ anyima hame, mme anyimi Ədǝshǝri. 16 Konzen woro naru i ko i gara nan tu-barsa ta Ədǝshǝri aza hado. Ədǝshǝri tu-barsa tenze, konzen onu cikǝ a ti-barsa mǝ ra cikǝ na Ədǝshǝri, Ədǝshǝri nan mme. 17 Baka igiya ze tu-barsa ti nin binja anyimi a hado, da woro cikǝ tandǝsi a tiyǝ u rawome, enze kando gemse maze nane ze woro ze a massano. 18 Ti-barsa ti damen iwi ni, Amma tubarsa ti suŋ ti kura iwi birwa, baka iwi imu mamara ze. Onu iwi dan binja anyimi tu-barsa ne. 19 Woro barse baka Ədǝshǝri wa bura u-barsodo. 20 Ingase owe go "ma barsa Ədǝshǝri" a'a bata ma nyamene uwanomo me, mme ononpore manze. Baka onu dira u-barsa uwanomo me votonme si ma nari, ma ten barsa Ədǝshǝri si ma dawa nari mi ni. 21 Tó, igiya ze makiri, se woro wa kai a sura me: zalle onu barsa Ədǝshǝri lailai a ma barsa uwanomome.