1 Zalle onu gara se Yeso unu kasa a wa yome a sura Ədǝshǝri, nan onu barsa Aco, ma nin ko ma barsa vano o yo Aco me. 2 Baka igiya ze woro ru se i zin tu-barsa te abiya Ədǝshǝri: ingase i barsa Ədǝshǝri e ko i deke makira mame. 3 Aza igiya ze tu-barsa ta Ədǝshǝri teze: da woro nin deke makiri. Enze i tin ko i kuna e denden i makiri ni. 4 Baka zalle onu gemse a yome a surǝ Ədǝshǝri, ma kirka massano. Konzen igiya ze u wushaji u kira massano: u yiyabirwa. 5 Avizi onu kirka massano? Manze ono gemse ma gara nan Yeso vana Ədǝshǝri.s 6 Manze ono gemse ma ra anyimi maŋyi nan maɲi: Yeso unu kasa. Mme ma'a ra dan anyimi mǝnŋi base ne, amma maŋi nan mǝŋyi. 7 Baka ŋaze an ka taro se ŋa biyǝ nane: 8 Uvunu, Maŋi, nan Mǝŋyi. An ka taro u giya ŋa gara e vento. 9 Ingase woro kaiy nlen ma ano, nlen ma Ədǝshǝri ma kira. Baka imu gara Ədǝshǝri enze igiya, aza u gara nan nlen ma vano me. 10 Zalle onu gara nan vana u wǝ Ədǝshǝri mme mana gara nan retǝ reme. Zalle onu diru gara nan Ədǝshǝri mana cikǝ ononporen geme. Baka madan gara nan nlen ma Ədǝshǝri ni aza vano me. 11 Imu gara giya, Ədǝshǝri wa nyado Ruma ri-suŋ, konzen Ruma reme ri ra nyimi Vano me Yeso. 12 Ono gemese mazen Vana me, mazen Ruma. Ono gemse ma damin Vana uwa Ədǝshǝri ni, ma damen Ruma ne. 13 Inra darsa ŋi tegogoro tigiya baka da ŋi ru si ŋi zin Ruma ri-suŋ - ŋi anu gara na riji ri-Vana Ədǝshǝri. 14 Konzen, igiya ze i tandǝse hedo a Mme, se ngase i sǝŋǝrǝ iyabo aza u-barso me, ma nen kuna do. 15 Konzen, igaze woro ru se ma kunaza do - ira ru se zalle emegemse i sǝŋǝrǝ me ira mura me. 16 Ngase oyeyo huŋi nari uwanomo me a macara, ma gemse ma dan deŋe uwǝnǝ ni, a ma we taye, ǝ Ədǝshǝri nyame Ruma. Inra bi ma anu macara ma gemse ma dan deŋe uwǝnǝ ni, Baka mai macara mame ma deŋe uwǝnǝ; in dan go a we taye a megeme ne. 17 Zalle u dira rewuza ri wuma macara manze, amma ré-ri-wuza ri-macara ri ta deŋe uwǝnǝ ni. 18 Woro ru se zalle imu surǝ Ədǝshǝri da men macara ne. Konzen onu gemse a yome a surǝ Ədǝshǝri ma ze kima, se onu mari ten mura ma cara me ne. 19 Woro ru se iwa suru ǝ Ədǝshǝri zi, konzen woro ru se zalle massano mǝ unu mari manze. 20 Enze woro ru se vana u wa Ədǝshǝri wa rai, konzen ma'a nyado uru baka da woro ru ono magaŋgaŋ. Eze woro zen ono magaŋgaŋ ǝ Vana Yeso unu kasa. Manze Ədǝshǝri a gaŋgaŋ nan Ruma ri-suŋ. 21 Abiya, deke ni u tarse abéré.