1 Nari isana ti-barsa se Aco wa nyado, baka se asă tisado abiya Ədǝshǝri, enze nane meze worze. Baka igiya ze, massano ma tă ru do ne, baka ma tă ru mi ni. 2 Ano-tibarsa, woro wa jă abiya Ədǝshǝri zi, konzen a dawǝ buri emegemse woro sa ze ne, woro ru se nga se unu kassa rǝ, a sa narǝ do oga Mme, baka woro sa nari mi oga kando gemse maze. 3 Zalle anu i-tandǝsi aza emegemse i sa ră, ŋe ŋa sa cikǝ anyima hame sansan kando gemse maze sansan. 4 Onu gemse ma we macara, mana wuza emegem se i nyamene Makiri; baka macara ma nyamene Makiri. 5 Nŋo ru si unu kasa wa rai da ma zutu macara, konzen Mme madamen macara ne. 6 Zalle onu cikǝ nan unu-kasa ma ten zen macara ne. konzen zalle onu-macara ten go ma wa ni mi ni ne ma ru mi ni. 7 Abiya u-barsa, tago ŋi deke o we wursu ŋi ni. Onu wuza magaŋgaŋ mme onu magaŋgaŋ manze, kando gemse unu kasa zen magaŋgaŋ. 8 Onu macara, onu mari manze, baka onu mari manze onu bura macara. Aza igiya ze vana Ədǝshǝri wa rai, da ma jankale tedodonzo ti-mari. 9 Zalle ono gemse a wa yo me a nyimi nlen ma Ədǝshǝri ma ten kon woze macara ne baka i-sana Ədǝshǝri ra nyimame. Ma ten kon woze macara ne baka se ǝ yome a nyimi Ədǝshǝri zi. 10 Aza igiya ze abiya Ədǝshǝri nan abiya mari ǝ ru ŋi. Zalle onu dira magaŋgaŋ, nan onu nyamene uwanomome a tin gomme vana Ədǝshǝri ni. 11 A baka rituma rigiya si iwa kuna tunu-bura: aza ti-barsa tedo, 12 Dan sakame Ken ne, onu sura mari, se ma wa wuna uwanomome. Baka iya ze ma we nane? Baka tedodonza teme ti-mari tenze, bata uwanomome waze onu magaŋgaŋ manze. 13 Kada i kerkene ne, anowanon, ingase massano ma nyamene ŋi. 14 Woro zin uru se i wa wake ti-wǝnǝ a ka mura ruma, baka tu-barsa ti-riwanon. Zalle onu dira ti-barsa maze oga ono wǝnǝ zi. 15 Onu nyamene uwanome onu wuzǝno ze. Konzen zalle onu-wuzǝno damen ruma ri-suŋ anyimi hame ne. 16 Azi igiya ze woro ru tu-barsa baka unu kasa wa wi bako hodo, woro nen ki wi baka anuwanoma hado. 17 Konzen zalle onu mura ingase ma ni owe a tiyaŋ, enze ma gamene u malome, ini zi ti-barsa te Ədǝshǝri ti nin mura me? 18 Abiya ti-barsa, tago ti-barsa tedo ti cikǝ anu ni, ne imu buku ni, amma ti-barsa tedo ti cikǝ a riwuza redo nan i-gaŋgaŋ. 19 A tu runa tiga tenze woro ru se i zin i-sansan, konze birwa bedo bi zi tandǝsi aza hame. 20 Baka ngase birwa bedo bi tore, Ədǝshǝri kira birwa bedo, konze ma ru kuyiya. 21 Ano-tubarsa, ngase birwa bedo bi ta tore ne, ŋi nin zi tandǝsi ǝ Ədǝshǝri. 22 Zalle emegeme i sǝŋǝrǝ ira mura a sura Mme, baka woro tarse makiri nan u wuza tedodonzo te gemese ma barsa. 23 Igiya ze makiri: dă woro gara nan riji ri vanome Yeso unu-kasa, konzen i barsa ri-wanon, kando gemse ma nyado makiri maga. 24 Ono gemse ma deke makiri ma Ədǝshǝri ma nin cikǝ nan Ədǝshǝri. Aza igiya ze woro ru se mazen woro, baka uvunu u i-sansan si ma nyado.