1 Abiya, inwa darse tegogoro tiga baka kada ŋi cikǝ ano macara ne. Enze ngo oyeyo-huŋi we macara, inzen unu timala a ka Aco-Yeso unu kasa, onu dira macara. 2 Manze unu kase aza macara mado nan ma kwavi a massano. 3 Aza u kuna makiri mamame ze woro ru se u ru mi sosoi. 4 Ono gemese mago, " in ru mi" enze mata deke macara, ma kun makira mame ne, ononpore manze, konzen i-gaŋgaŋ damame ne. 5 Onu kuna nleŋa mame, gaŋgaŋ, ono geme ze ti-barsa ta Ədǝshǝri tina binja dasdas. Aza nene ze woro ru se ira nyimame. 6 Ono gemse mago inze nan Ədǝshǝri, a ma woze tano uga kando gemse Yeso unu kasa wa woze. 7 Ano-tubarsa, in dama darsa huŋi makiri ma sawne, amma makiri ma gemse ma'a ranu a simiza si dinka. Nŋi na kuna nlen ma Makiri ma simiza si dinka senze. 8 A waja, inra darsa makiri ma saw dan nyaŋi, se mazen magaŋgaŋ a yimi unu kasa, nan ŋi baka mǝri i mu wǝkǝ ze, bata i-gaŋgaŋ i mu walamu sansan ze. 9 Onu guna mara nyimi i-sansan, a bata ma ta barsa uwanomome ne, mawa da nyimi mǝri manze a kane. 10 Onu barsa uwanomome manze a nyimi i-sansan, enze matin kun rizi a uyu ca ne. 11 Amma onu nyamene uwanomome, marǝ mǝri konze ma ŋana a nyimi mǝri; ma a ru a regemse mara waŋne, baka mǝri mana pate me aji. 12 Inra darsa a waŋa i ŋi, Abiya tibarsa, baka u kwiji macara ma maŋi a nyimi rija reme. 13 Inra darsa, a waŋa iŋi, Aco, baka iŋi ru unu sura simiza si dinka, inra darsa a waŋa iŋi Anarome, baka da ŋi kira agata onu ran mǝri. Inra darsa a waŋa iŋi, abiya a bate-bate, baka a ŋi ru Acowa hado. 14 Inra darsa, a waŋa i ŋi, Acowa abiya, baka a ŋi ru onu surǝ dinka. Inra darsa a waŋa i ŋi Anarome, baka a ŋi cikǝn agata anyimi nlen ma Ədǝshǝri da i kira agata a ono mǝri. 15 Kada i barse massano magiya ne, nan tegogoro ta nyimi ni. Ngase oye barse massano, tibarsa ta Aco dama me ne. 16 Bata kuyiya se ira nyimi massano magiya:- u barsa ripuŋ, tu-nara ti-macara, ne macara ma ri-wuza - ita surǝ Aco ne ya kame a massano mame. 17 Massano nan orazome i mu wǝkǝ ze, amma onu wuza emegemse Ədǝshǝri barse ma nin cikǝ har suŋ. 18 Abiya bate-bate, u ca na mǝso kando gemse i wa kuna ago anu nyamene onu ri-kasa să ră, a kane ayeyahaŋe na ra. Baka iga i ru si u ca massano na ra voto a maso. 19 ŋana surǝ nyimi a hado ze, inŋe wǝtă ze nan woro ne. Baka tago ŋa ra nyimi a hado ze, ŋa ta dă nan woro. U ca ogemse ŋa suru uwa beze do se ŋa ta ra nyimi a hado ne. 20 Iŋi zin taye tu sura onu i-sansan, baka iŋi ru magaŋgaŋ (ma ru kuyiya). 21 Nwata darse a waŋa iŋi, baka u dira u ru magaŋgaŋ ne, amma baka ŋi ru me konzen baka npore mată suru a nyimi i-gaŋgaŋ ne. 22 Avizi ononpore, manze onu guna Yeso dame unu kasa ne? ono geme manze onu nyamene onu ri-kasa, baka uŋyamene Aco na vanome. 23 Oye tin nyamene vana me, ma ku cikǝ nan Aco ne. Zalle onu kaiye vana me manzen Aco. 24 A ŋi deke emegemse ŋi na kuna tuna tiyyǝ dinka i cikǝ nan ŋi. ŋi ko i cikǝ anyimi vana nan Acome. 25 Ija ze nlen magemse Ma'a Nyado: Ruma ri-suŋ. 26 In ra darse tegogoro tiga a waŋa iŋi aza anagemse ŋa nin wunki ŋi a kǝ rizi. 27 Taye tegemese iŋi wa kai a surǝ me ti-cikǝ nan ŋi, konzen ŋi ta dǝ jiŋarowe beze ŋi i yabo ne. Amma taye teme ti-beze ŋi kuyiya egemse gaŋgaŋ npore ma dama nu ni. 28 Waja, Abiya ti-barsa, cikǝ ni a nyimame, baka ngase u ca u rawome deŋe, woro nin cikǝ tandǝsi, i ten kuna imme aji a hame ne. 29 Ngase ŋo ru si mazin i-sansan, ŋo u ru se kwavi si ma woze imi wuma ǝ wǝ yome a surǝ Mme ze.