Udaraŋa u toroi

1 Mmi indamen osope ne? Indame utuma ne? Indawa ni Yeso Acowa hado ne? Nŋi dan ani tuma a han anyima Aco ne? 2 Ingase intǝze utuma a dangara ne, ko i ŋi inze. Baka inŋi zi emegeme se in nin wonke rituma ron anyimǝ Aco. 3 Igiya ze upate retǝ ron anageme se ŋaze anu nara uru kuyya aza han: 4 Woro damin agata awu wushu nan ushiyǝ ni? 5 Woro damen agata awu yita uwai ogeme se u damen uyiya birwa ne, kando geme se udangara atuma woze, konzen anuwanomǝ Aco nan Cephas ne? 6 Né iyakama Barnabas nan mi base ze anu wuza ituma? 7 Avin nin wuza ituma uga usuja, aza retǝ reme? Avizi nin gita ulambu ma tǝ wushi abiya titi timi ni? Né avin nin tarsen ivare enze ma tǝ shi ma'ana maŋe ne? 8 Ina buku igiya aza agata awa ano ze? Makiri ma dan buki igiya ne? 9 Baka awa darsa a makiri ma Moses, "tago owe oremge aza bikananka ne, ingase bi ra yita imunshu." Ama bikananke beme benze Adǝshǝri kira a barsa me? 10 Ma dama biyǝmi aza hado ze ne? Awa darsa baka woro, baka da oni ituma wuza ituma nan uyiya birwa, konzen onavara me woze avara aza uguna nin wara tekoke teme namme. 11 Ingase woro bere tegogoro tu vunu anyimǝ haŋi, nin waka uware ingo woro koke tegogoro te tommo i ŋi? 12 Ingase udangara me massa igiya i ŋi, dan woro nin vati umura ne? Tanken nane, woro dan yete agata geme ne. Bata, woro zen umutǝnǝ aza kuyyiya, dan aza emegeme se i nin ra nan otore nlen ma ukassa. 13 Nŋi da min uru si ani tuma arupate rete ŋa mursa imunshu e heŋe arupate rete re me ne? Nŋi da min uru si ani ituma aji aru pate rete warse imunshu egeme se ana nyaka aru pate rete re me ne? 14 Uruna oveto, Aco na nyaka mǝruku mu guna ana geme se ŋa biyǝ nlen ma sau a ŋa mura imu cikǝ e heŋe a sura nlen mame. 15 Ama in ti ta yita aya agata agiya ne. Konzen in dan darsa igiya da a won iyiyabo ne. I nin kira inwi si da owe tunan otere begesen bigiya ne. 16 Baka ingo in na biyǝ nlen mame, in damen imu wunan a tere begesen ne, baka sen ina wuna igiya. Konzen ca imi ingase in dawa biyǝ nlen mame ne! 17 Baka inga in we igiya nan birwa bevento, in nin mura imi nyaka. Ngo dan nan birwa bevento ne, in kon in dan ituma a retǝ ron se awa nayn. 18 Nze iyaze imu mura e hon? Ago uca ogeme se ira biyǝ mi, in nyaka nlen mame dan nan usangara iyabo ne konzen da tago in wuza ituma nan agata cebete anyimi nlen mame ne. 19 Baka ko se in zen osopo aza kusum, nko nze orere u kusum, dan mura uwunku ano cebete. 20 A ti Jews enze ogo u Jew, dan mura in wunku ti Jews. Ana geme se makiri maraza haŋe, in wa we uga maraza han, dan mura in wunki ŋi. Ina wuna nane ko se makiri ma damaza han ne. 21 Anageme ŋa tǝ ru makiri ni, in wa we uga in tǝ ru mame ne, ko se immi nan retǝ ron dan se in tǝ ru makiri mǝ Adǝshǝri ni, bata makiri ma Yeso maraza han. In wa we nane dan mura inwunki anageme se ŋa tǝ ru makiri ni. 22 Ana geme se ŋa damen agata ne in wa we uga in da min agata ne, dan mura in wunki anu dira agata. Ina cikǝ kuyyiya a zale isǝnǝ ano, baka da ko me iya in nin mura in kassa owe. 23 Ina wuza zale tegogoro tigiya baka da nlen ma sau ma wushaji, da a muraŋ anyima anageme se ŋa nin mura taye te nlen mame. 24 Nŋi da min uru si anyimi ani ijaji teson zale ano teson meshe teson ama ono vento ze kai imu nyaka me ne? Baka nane suma du mura imu nyaka. 25 Ani ijaji teson zen umutǝnǝ anyimi umassa teson. Ŋa wuza nane da ŋa mura imu nyaka se i nin wishu, ama tesoŋa tedo di mura imu nyaka egeme se itǝ wishu ni. 26 Bakan nane in wǝtǝ me teson tu dira iyabo ne, né ijaji aguntun da tǝri uvunu ni. 27 Ama in ti dutu ripuŋa ron an cikǝ orere, baka da ingo in biyǝ nlen mame awe, da immin retǝ ron a tin zuzun anyimi ni.