1 Inra barsa i ta ru, anuwanan, se anacuwa hado zale wa ŋa na nan Adǝshǝri ŋa wake anyimi siyi. 2 Zale Moses wa zoroŋe anyimi riyi nan aji a tewero, 3 konzen zale ŋawa wushi imunshu iwu vunu u sansan egemme. 4 Zale ŋawa shi imu vunu u sansan egemme. Se ŋawa shi asuru anyimi rizuwa ri uvunu u sansan se ruwa tarse ŋe, konzen rizuwa reme renze ukassa. 5 Bata Adǝshǝri wata kuna malo mǝ ayeya ŋe ne, nze awa sarma nkeza maŋe anyimi uja. 6 Wajiya tegogoro tigiya imu massa ze a woro, baka tago i barse tegogoro ti mǝri kando gemese ŋawa we ne. 7 Tago i cikǝ ano rebere ne, gando geme se aweya ŋe wa we. Igiya ze kando geme se awa darsa, "ano me wa cikǝ ŋa shi ŋa wushi, nze ŋa yere nan ijaji." 8 Tago i woze rijama ne, kando geme se ayeya ŋe wa we. A tiyyǝ avento, ano tigu rikuri repo nan taro wa wiju aza egemme. 9 Né i gǝlli ukassa, kando geme se aweya ŋe wa we, se iwuǝ wa kuzi ŋe. 10 Konzen tago i gogomozo ne, kando geme se aweya ŋe wa we, se umalika u yita ruma wa wuza ŋe. 11 Wagiya tegogoro tigiya tǝ mura ŋe uga imu Massa ze a woro. Awa darsa de bezezze do - baka work aza bimaso bi simiza bi na ra. 12 Bakan nane deke kuwavi si Mara gose Mana tore a ma Kai shauwo tago ma rizi ni. 13 Iyi sǝnǝ rikunuŋa ru wunku huŋi ri dawa nu se ano massano dan ni ni. Aza nane, Adǝshǝri magangaŋ ze. Ma to deke a kunuza ŋi rekunuŋa ru kiriku huŋi ni. Anyimi rikunuŋa reme Ma nin nya ŋi uruna u suru, baka da I mura agata awu mutǝnǝ. 14 Baka nane, anubarsa han, Suma ni a sura rebere. 15 Inra bǝnu nan ŋi uga ano adodonzo, da I biyǝ emegeme se ina buku. 16 Koso ku taye ko geme se iwa nya ŋi tayenno, ita ze imu warsa a mangyi mu ukassa ne? Borode ogeme se I pore, ita ze imu wara anyimi ripuŋ ru ukassa ne? 17 Baka se azen regoro re borode revento, woro se ibare ripuŋ revento renze. Woro wushi regoro reborode revento reme Kusun. 18 Ni Ni an Isreal: Dan ŋanze ŋawa wushi eme rebere iwa nu cikǝ a ridirǝn ni? 19 Iyammo ze inra biyǝ mi geme? Ago rebere iyabo ze? Né ago imunshu iwu tuzu ara rebere iyabo ze? 20 Ama Inra biyǝ mi aza tegogoro tegeme se Anapaŋ An rebere tuzuzi, se ŋa nyaka a uvunu ɔbɔ dan ǝ Adǝshǝri ni. In dama barsa i woze iyabo nan uvunu ɔbɔ ne! 21 I tin shiyǝ a koso kowa Aco nan koso ku vunu ɔbɔ Kusun. I tin ka gurwǝnǝ aru wushi imunshu iwa Aco konzen i ka gurwǝnǝ aru wushi imunshu I uvunu ɔbɔ. 22 Né I nin wu na Aco a car birwa? Woro zen agata awu kira of home? 23 "Kuyyamo even makiri," Bata Dan kuyyamo ze imu wushaji ni. "Kuyyamo zen makiri," Bata dan kuyyamo piyano ne. 24 Owe tin tore a ginǝrǝ I'm barsa o home ne. Aza nane, kuwavi nin ginǝrǝ imu barsa i unu laken me. 25 Nŋi nin wushu zale emegeme se arǝsǝ arijamane, dan nan usǝŋǝrǝ ne. 26 Baka "massano mawa Aco ze, nan ubinja me. 27 Ingase unu dira uyiya birwa tisai a ka wushi imunshu, konzen u re epu wan, wushi Kusun emegeme see an yiya aja hai Dan she una sǝŋǝrǝ iyabo ne. 28 Bata ingase owe gon ŋi, "Imunshu igiya away tuzu baka rebere renze," tago u wushi ni. Igiya ze baka ono geme see mana buki ŋi, konzen baka adodonzo. 29 In dan go adodonzo hai ne, ama awa daŋara me. Baka iyaze nin wu na osopo hon ze a nin biyǝ nlen a dodono a owe? 30 Ingase in we rete ron a wushi imunshu nan birwa bi run, Iyaze nin wu na a nin tinzizan baka emegeme se in go kukwaŋ anu? 31 Baka nane, né u wushimi né u shiyǝmi, né kuyyamo ze in we, wuza zale aza uyisiza uwa Adǝshǝri. 32 Tago u we ti-Jew né ti- Greek, né aru patǝji awa ano a Adǝshǝri Cara birwa ne. 33 In rituma epu runtu kusun ano birwa aza kuyyiya. In damǝ ginǝrǝ imu wushǝji han ze ne, ama iwa ano Kusun. In wuza igiya baka da ŋa mura rikassa.