1 Wajiya aza epe imunshu e rebere - Woro ru se "woro kusum e zen uru iyabo." Uru iyabo yisiziza. Bata tubarsa ti piyi zi. 2 Ingase owe go m ru iyabo, ono geme dawa ru sakama ogeme se ma tǝ ru ni. 3 Baka Ingase owe barsa Adǝshǝri, Imme mazen uru onogemme. 4 Konzen aza uwushu imunshu e rebere - Woro ru se "rebere a massano magiya da iyabo ze ne" konzen "aya'a ǝdǝshǝri dawa nu ni she avento." 5 Baka iraanu megeme se agusanno Adǝshǝri rǝanu, a Adǝshǝri né a massano, kando geme se azen "ti dǝshǝri" cebete nan "ti Co" cebete. 6 Bata a woro, "Adǝshǝri avento nan Aco avento ze, a Me kuyyiya, se enze woro cikǝnu, konzen Aco avento Yeso ukassa, se a Me ze kuyyiya ze, konzen asura Me ze woro rǝnu." 7 Sakaman nane, u ru ugiya dawa kuwavi ni. Aza nane ze, Awe wa massaza ugurwǝnǝ a rebere, konzen ŋa wushu imunshu igiya uga iyabo egeme awa wuza rebere nanno. Awa cara ŋe adodonzo baka udira agata. 8 Baka imunshu dama ka yonko hodo a Adǝshǝri ni. Woro dawa cikǝ ana buru ingase i tǝ wushu ni, né i cikǝ ana wuma ingase i wushu. 9 Ama tarse ni shauwo, tago osopo huŋi cikǝ imu wuna anageme se ŋa dira agata pikaru ni. 10 Ingi i cikǝ se owe na niyi, se ma zen u ru, a wushi imunshu akura rebere. Igiya dan udira agata awa adodonzo se ewe uwushu imunshu egeme se ana tuzu rebere ne? 11 To baka se u zin uru magangaŋ aza emegeme se eze rebere, onu dira agata, oyeno ogeme se ukassa wa wi baka mme, mana caro. 12 Nze, uca ogeme se i we macara ayeno a haŋi, konzen i burkala ŋi adodonzo awu dira agata i na we macara aza ukassa ze. 13 Bakan nane, ingase imunshu nin wuna oyeno a pikaru, in tan kon wushu binama ne, baka tago uyu wanon rizi ni.