Udaraŋa u sunare

1 Wajiya a ze emegeme se nŋi wa darse aza me: "E reze aza onorome tago ma tupa uwai ne." 2 Ama baka rikunuŋa ri riwuza ri madini, a kuyya onorome yita uwaisauwo me, konzen kuyya uwai mura achakura aha me. 3 Achakura me nin nya uwaiyome emegeme se anya re epeme, kanzen sakaman nane, uwaime a ka achakura aha me. 4 Dan uwai me ze nan agata aza ripuŋa reme ne, achakura ze. Sakaman nane, achakura damen agata aza ripuŋa reme ne, uwaime ze. 5 Tago i tuna apuŋa haŋi ni, she nan ugara u huŋi aza malo mu ka deŋe a uyuca. Wuza ni igiya da i wuna ate ahaŋi a oremmozo. Nze i nin ko i gurna konzen, baka tago Shetan nan rikunuŋa reme gǝllǝ ŋi aza udira u mǝntǝ retǝ riŋi. 6 Bata Ina buki ŋi tegogoro tigiya baka umamara dan mǝruku ni. 7 Ubarsa o hon ze kuwavi tǝ ze uga mmi. Ama kuwavi zin e ten ten iwu surǝ Adǝshǝri. Ono vento zen e ten ten isǝnǝ igiya, konzen owe zen isǝnǝ e geme. 8 A ka anageme se ŋa damen anya ne, nan Ashi ina buki se izikima ingase ŋa cikǝ du wuza anya ne, kando geme se men ze. 9 Ama ingase ŋa tin date ŋa mye ate a haŋe ne, a ŋa woze anya. Baka eze kima ŋa wuza anya se da ŋa dishu nan epe me. 10 Wagiya a ka anageme se ŋa na wuza anya ina nya ŋe mǝruku magiya - dan immi ni, ama Adǝshǝri - Uwai tago ma warna nan Achakura hame ne, 11 (bata ingase ma warno nan Achakura hame, a ma cikǝ tenteme, né inga ma ni ini a ma ka mamara nan Achakura hame) - konzen tago Onorome warno nan uwaiyome ne. 12 Konzen a adaŋara me Ina guna - Immi, dan Aco ne - Inga owe zen uwai se dan unu yiya birwa ze ne, se ingase mana gara nan ucikǝ nan me, tago ma warno nan me ne. 13 Ingase Uwai zen Acakura se dan unu yiya birwa ze ne, se ingase mana gara nan ucikǝ nan me, tago ma warno nan me ne. 14 Acakura awu dira uyiya birwa nin ze ken baka uwaiyome, konzen Uwai u dira uyiya birwa nin ken baka Uwanomodo. Ingo dan nane ne, Abiya a haŋi nin cikǝ awu dira isansan, ko se ŋaze ken. 15 To inga onorepo u dira utarse Yeso ngana, deke me a ma ngana. Aza nane, onorome, né uwaime damen nan rimin ri otono-anya a remelua reme ne. Adǝshǝri na tisa do di cikǝ shammo. 16 Baka anin winni zi u ru, uwai, ko se i nin kassa Acakura haŋi? né anin winni zi u ru, onorome, ko se i nin kassa Uwaiy. 17 Kuwavi a ma cikǝ ucikǝ ogemese Aco na yiya me anu, kuwavi sakama ogeme se Adǝshǝri na tisa me. Mǝruku man manze magiya a zale ture tu pate aji. 18 A wa tuzu owe uca ogeme se awa tisa me a ma garra? Tago ma yonko uga ono geme se awa tǝ tuzu mi ni. A wa tǝ tuzu oye uca ogeme se awa tisa me a yiya birwa? Tago a tuzi mi ni. 19 Baka dan epe utuzu né udira utuzu ze eme udamo ne. Imu damo ze ugara nan mǝruku mǝ Adǝshǝri. 20 Kuwavi a ma da cikǝ anyimi utisa ogeme se mawa ranu uca ogeme se Adǝshǝri wa tisa a ma garra. 21 Nŋi waze arere uca ogeme se Adǝshǝri wa tisa ŋi? Tago i damo aza me ne. Bata inga i sopo, wuza ni ituma uca ogeme kima. 22 Baka ono geme se Aco wa tisa me anyimi rere ma na cikǝ ono sopo a Aco. Sakamo geme ono geme se ma wa zen osopo uca ogeme se awa tisa me a ma garra manze orere unu kassa. 23 Awa kwa ŋi nan imanmate tago i cikǝ arere awa ano ne. 24 Ayeno, kuyyu uca se i wara nu uca ogeme se awa tisa do i garra, i cikǝ anyimi nane. 25 Wagiya aza anageme se ŋa dawa woze anya ne, inda men mai mǝruku asura Adǝshǝri ni. Bata immi onogeme se, baka ijai iwa Adǝshǝri, in zin tugarra teme, ina nyaka unǝrǝ o hon. 26 Bakan nane, in zin adodonzo awu guna baka tukara tegeme se teze, izikima ono cikǝ kando geme se maze. 27 U zin Uwai? Tago u warno nan me ne. U damin Uwai ne? Tago ginǝrǝ Uwai ne. 28 Ama inga u wuza anya, u dan we macara ne. Inga Uwai uwu dira anya wuza anya, ma dan we macara ne. Bata anageme se ŋana wuza anya ŋa zin ituma ecebete uca ucikǝ, konzen ubarsa o hon ze in wara ŋi nan no. 29 Nze ingo, Ayeno: uca tǝ gweden. A sura kane, anageme se ŋazen Awai cikǝ uga ŋa damen no ne. 30 Anageme se ŋa ri izama ŋa we uga ŋa dami izama ne, nan anageme se ŋa ri izalla uga ŋa dami izalla ne, nan anageme se ŋa ri ijamane uga ŋa dan min iyabo ne; 31 konzen ana geme se ŋara wushi massano tago ŋa we uga ŋara epe wushi mi daze ne. Baka massano anyimi oziya o home mana rǝ voto a masso. 32 Inra barsa nŋi tǝ sopo anyimi iruwa ihiŋi. Onorome se ma damin anya ne adodonza hame zale aza tegogoro tǝ Adǝshǝri zi, kando geme se ma ni runtu mi birwa. 33 Ama onorome se ma zin anya adodonza hame aza tegogoro ti massano tenze, kando geme se ma nin runtu Uwaiyome birwa - 34 mazin uwarno. Uwai se ma damin anya ne, né ugalla se ma dawa ru onorome ne adodonzo a haŋe aza tegogoro tǝ Aco, kando geme se ŋa nin ze keken anyimi ripuŋ nan anyimi uvuni isansan. Bata Uwai se mazin anya adodonza hame aza tegogoro ti massano tenze, kando geme se ma nin runtu Acakura a hame birwa. 35 Ina buki igiya da i mali ŋi, konzen tago biganno bi damiŋi ni. Inna buki igiya baka imegeme se eze i magangaŋ manze, da nŋi nyaka ate a haŋi a Aco dan nan uwara iruwa ne. 36 1Ama ingase oye anyimi adodonza hame ru si ma dama tarse nan ugallo me kima ne - inga ma na waka suwai sa anya konzen i tǝ ze nane - a ma we emegeme se ma barsa. Ma dame a macara ne. A ŋa wuza anya. 37 Bata inga mana tore dǝse a birwa beme, ingo iyabo dama damome ne se ma nin wuza koyya nan birwa bevento, konzen inga mana yiya a birwa beme ma nin wu na igiya, a ma deke ugalla me cikǝ sansan, mana we kima. 38 Onogeme se ma wuza anya a ugallo me na wu kima, konzen ono geme se ma zake udeke wuza anya a ugalla me na kira ikima . 39 Rimiŋ rǝ anya ri ra remelo ru Uwai tunsi Acakura hame na zin ruma. Bata ingase Acakura me wi, ma na sopo uca ogeme ze ma nin zake kuyyu onorome si birwa beme bina garra ma wuza anya me, ama uruna uwa Adǝshǝri. 40 To unǝrǝ o hon ma nin kira a runtu birwa inga ma cikǝ ucikǝ o home. Konzen adodonzo a han uvunu uwa Adǝshǝri zin mi.