Udaraŋa u shibi

1 I wa kone se uginǝra awi ranyima haŋi, isǝnǝ macara mageme se a dan gara nanno ko anyimi anapaŋ ne. Ina kuna ago owe anyima haŋi teteze nan uwai uwa Acowa hame. 2 Nŋi zin rimungulu! i tin tago i riwa ne? Ono geme se ma we igiya a nin zuzi mi anyimǝ haŋi. 3 Baka, ingase in dawa anyimi ripuŋ ni inra anyimi uvunu isansan, In na massa ubyǝ nlen ma onu wu na igiya, uga in ra rame. 4 Uca ogeme se i gura ate a haŋi aru gurna baka riji ra Aco Yeso konzen uvunu isansan nin ze arame nan agata awu unu kassa Yeso, In na massa ubiyǝ nlen ma unu giya. 5 In na wu na igiya da nyaka me a Shetan, baka ubishi ripuŋ, da uvunu ohome nin mura rikassa atiyǝ awu rawa Aco. 6 O tere begesen tǝ reze ne. Nŋi tǝ ru se ka yeast ceteke ka date ka care re goro ne? 7 Kwiji ni apuŋa haŋi aza yeast o nŋono di cikǝ regoro ri sau, da cikǝ regoro ri udira ucaro. Baka ukassa, se maze imu nyaka a tuca, awa garra me. 8 Aza nane, rani a wuza remeza reme, dan nan yeast o nŋono ne, u rewuza ri caron, nan rimungulu. Ama, rani i wuza remeze reme nan regoro ru dira ucaro, ri birwa bivento, nan magangan. 9 In wa darsi ŋi mi udarsa o hon, tago i gura ate nan ano rijama ne. 10 A kuyyu runa in dan go ano rijama ri massano magiya ne, né anu barsa apuŋa ŋe, né ano rikari ni, né ano rebere, tun si ucikǝ ayayau nan ŋe i nin usuru anyimi massano mame. 11 Ama wajiya ina darsu hu mi da tago i gura ate nan anageme se a tisa ŋe reno, bata ŋa ze uca u wuza rijama, né bishare, né rebere, né ubyǝ nlen ma caron, né ushiyǝ obere sosoi, né rikari. Tago i wushi imunshu nan ana geme. 12 Baka iyaze in nin biyǝ nlen ma ana geme se ŋa da wa anyimi aru gurna a hado ne? To, dan nŋi zi nin biyǝ nlen ma anageme se ŋaranyimi aru gurna a hado ne? 13 Bata Adǝshǝri nin biyǝ nlen ma ana geme se ŋa dawa anyimi ni. "Zuzi ni anu macara anyima ha ŋi."