Udaraŋa u naze

1 Eze kando geme se ano nin yita do, uga arere awu unu kassa, nan ani ituma i magangaŋ ma Adǝshǝri mageme se awa gurkuza. 2 Aza igiya, a repe unituma me cikǝ ono geme se a nin garra nan me. 3 Bata aza han imi bate ze nŋi nin biyǝ aza me, né ano biyǝ nlen. Baka inmin da biyǝ nleŋa man ne. 4 In damin u ru mai nlen se azenno aza han ne, ama egeme dame uga indamen udangalo ne. Aco ze unu biyǝ nleŋa man. 5 Bakan nane, tago in biyǝ mai nlen aza iyiyabo ne bata uca me, bata u rawa Aco. Ma nin rai nan tegogoro tegeme se awa gurkuza a mǝri isansan, konzen ma biza emegeme se eze i birwa. Nze kuwavi nin mura utuŋaro a sura Adǝshǝri. 6 Wajiya, reno, ina woze ti dima tigiya ii mä rete, nan Apollos baka nŋi, da aworo nŋi nin massa emegeme se eze se agose, "Tago i waka emegeme se awa darsa ne." Igiya ze da tago owe yiza rete aza udaŋara ne. 7 Baka avin nin ni eken e hi ŋi nan udaŋara me? Iyaze ozenno se uwa ta kai dan nan iyabo ne? Ingase uwa mura dan nan unyaka iyabo ne, iyaze na wu na se nŋo tere begesen uga uwa wu na iyabo? 8 To emegeme se nŋi repe me ina riga i mura! Nŋi cikǝ ano tegomo -konzen aza ken nan woro! Eze, In repe i ta wuza tegomo, baka da woro wuza tegomo nan nŋi. 9 Bakase in ra nǝrǝ Adǝshǝri wa we do Atuma nan owonko da i maasa uruna u biyǝ nlen konzen ina cikǝ uga anageme se ana tǝsǝ ŋe riwǝnǝ. Woro na cikǝ anu gara anyimi massano - a waŋa ti malika nan ano ruma. 10 Alakere ze woro baka unu kassa, ama nŋi anu remo renze a unu kassa. Woro dira agata, ama nŋi zin agata. Ana mǝntǝ ŋi uyiziza, woro ana mǝntǝ do nan udira uyiziza. 11 A ka deŋe uca ugiya woro rekomo, nan olo manyi, a wata soke do tommo ti wuma ne, awa tari do nan sosoi, konzen i wata zen tititau ni. 12 Woro woze ituma ganka, i woze nan tara tedo. Inga ayizu do, i nyaka taye. Inga a nyado makpai, i mutǝnǝ. 13 Inga se a tinza do, i bǝnu shauwo. Woro na cikǝ, konzen a yitado uga, tooko ti massano, nan madini mu kira kuyiya. 14 vvIn dan darsa tegogro tigiya dan nya ŋi manze ne, ama dan biza ŋi uga abiya tubarsa ton. 15 Baka ko ingase i zin anu mala tigu rikuri anyimi ukassa, i damin nan teco cebete ne. Baka mi na cikǝ Aco i ŋi anyimi Yeso unu kassa aza nlen ma wuma. 16 To In repe i ta massan. 17 Bakan nane ina tuma Timoti i ŋi, vana tubarsa nan magangaŋ anyimi Aco. Ma nin dunza ŋi turuna ton anyimi ukassa, kando geme se in wa bezezze ŋe kwaba nan anyimi akura awu gurna o hodo. 18 Wajiya aweya haŋi na cikǝ ano rimungulu, a wuza uga in ti dawa rawa iŋi ni. 19 Bata in ra rawi ŋi dan nan udakano ne, inga Adǝshǝri gara. Nze in nin ru dan base imu buku iwano rimungulu rimi ni, take dan nǝrǝ agata ha ŋe. 20 Baka tegomo tiwa Adǝshǝri ti dan cikǝ nan ubǝnu base ne, take nan agata. 21 Iyaze irepe me? An ra nan ubita né tubarsa anyimi uvunu u shauwo?