1 Mmi konzen, anowanan, in ten date in buki ŋi uga anu uvunu u isansan ne, se uga ano ripuŋ rano, uga abiya a bate bate a unu kassa. 2 In wa mǝnti ŋi nan maane, dan imunshu i gbau ne, i wa dan naa geŋe u wushu egeme ne; ko a wagiya i da wa deŋe uwushu mi ni. 3 Baka se i da a ripuŋ. Baka arame se rinya nan magita ri ranyima haŋi, inŋi da me ucikǝ u ripuŋ ni? Konzen inŋi dawa ŋana tǝno uga kando gemese ano woze ne? 4 Baka Ingase owe go, "tarse Paule," konzen owe ko go, "tarse Apollos," nŋi dawa ŋana tǝno tiwano ne? 5 Nze avizi Apollos? Avizi Paule? Arere ageme se inŋi na yiya birwa a ŋe, anageme se Adǝshǝri wa nya ŋe ituma. 6 Mmin wa béré, Apollos we manyi a nu, bata Adǝshǝri nyaka ubare. 7 Inze aza, ko onu bira né onu wu na manyi da wa we iyabo ne. Ama Adǝshǝri zi nyaka ubare. 8 Wajiya onu bira me nan onu gwara manyi evento ze, kuwavi ni mura umura aza ituma egeme se ma na wu na. 9 Baka se woro arene ze ani ituma Adǝshǝri. Nŋi ulambu uwa Adǝshǝri, nan upiyǝ uwa Adǝshǝri. 10 Aza ugbene uwa Adǝshǝri se ma wa nyan in cikǝ ogomo u ru piiyǝ, Ina citti anyaŋa me konzen aye ra piyǝ azame. Ama kuwavi we shauwo kando geme se ma nin piyǝ azame. 11 Baka owe tin ko ma citti anyaŋa awu kira ageme se ana citti, wato, Yeso unu kassa. 12 Wajiya kuwavi si ma ra piyǝ aza ucitti mi, nan Gold, Silver, Azuwa awa tantane, titti, tuva, teko, 13 itume heme sa wonko, baka e nin wonko ara sansan. Baka i sa wonko aru ura. Ura me nin guda oreze ituma egeme se kuwavi na wu na. 14 Ingase ituma oye ruku, ma nin mura umura; 15 Ama zale ono geme se ituma e heme dishu, ma nin teje nan udira, bata ono geme se ma mura rikassa, maze uga ono geme se ma na pari ura ze. 16 Nŋi tǝ ru si nŋi akura Adǝshǝri zi ni, konzen uvunu uwa Adǝshǝri ranyima haŋi ni? 17 Kuwavi si ma cara akura Adǝshǝri, Adǝshǝri nin cara me. Baka akura Adǝshǝri zi sansan, konzen nane ze nŋi ze. 18 Tago owe gǝllǝ retǝ reme ne. Inga se owe anyima haŋi go ma zen remo a simia sigya, a ma we uga "ulakere" da ma cikǝ okese. 19 Baka rekese ri massano magiya rilakere ze a Adǝshǝri. Baka awa darsa, "Ma mashe ano remo anyimi etenten e heŋe." 20 Nan konzen, "Adǝshǝri ru si adodonzo awa ano remo a dawa aza iyabo ne." 21 Nze tago a mura oyo tere begesen anyima ano ne! Baka zale tegogoro te te tenze, 22 né Paule, né Apollo, né Cephas, né massano, né ruma, né uwǝnǝ, né tegogoro ti wagiya, né tegogoro tu ra. Zale tegogora te tenze, 23 konzen nŋi zi anu unu kassa, unu kassa konzen manze uwa Adǝshǝri.