1 Uca ogeme se in wa ra i ŋi, ayeno, in wa tǝ ra nan u ru ubǝnu né rekese se i wara biyǝ epe magangaŋ mǝ Adǝshǝri mageme se a wa pate. 2 Baka in wa iya birwa dan ru iyiyabo ne uca ogeme se iwa zin ŋi she epe Yeso unu kassa, konzen epe ugaro me. 3 Konzen in waze nan ŋi anyimi udira agata, iwi, nan ukiira o cebete. 4 Konzen rituma nan ubuku rituma reme ri wa tä ze nlen ma rekese mu wu na remo ne. Ama, ri wa ze ri wu bizaza iwu uvunu, nan agata, 5 baka da uyiya birwa bi ŋi bi tin cikǝ rekese rǝno ne, ama riwa agata awa Adǝshǝri. 6 Waja woro nan rekese renze ira bǝnu anyimi anu kissi, bata dan rekese ri massano magiya ne, né ri agomo a simiza sigiya, se uca o hoŋe ra waka wagiya. 7 Aza igiya, woro bii rekese rǝ Adǝshǝri anyimi magangaŋ se awa pate, rekeze ru pate se Adǝshǝri wa iya aza simiza baka uyiza o hodo. 8 Oye anyimi agomo simiza sigiya wa tǝ ru rekese rigiya ne, baka tago ŋa wa ru uca ogeme ŋa wa tin gǝrrǝ Aco awu yisiza. 9 To awa darsa, "tegogoro te geme se aji tin nǝrǝ ni, oyo otonŋe wata kuna ne, be birwa bi wata hita, tegogoro te geme se Adǝshǝri wa mamara baka anu barso me." 10 Tegogoro tigiya tenze Adǝshǝri wa bursu a woro a sura uvunu. Baka uvunu mi ginǝrǝ kuyyiya, taken anyimi tegogoto tǝ Adǝshǝri. 11 Baka avin ru adodonzo awo ono, she uvunu ogeme se u ranyimi ono? Taken nane owe tǝ ru anyimi tegogoro tǝ Adǝshǝri ni she uvunu uwa Adǝshǝri. 12 Bata woro wa ta ka uvunu u massano n, she uvunu u surǝ Adǝshǝri, baka di ru tegogoro tegeme se Adǝshǝri wa nyado dan baka iyabo ne. 13 Woro biyǝ tegogoro tigiya a nlen ma geme se rekese ro ono ri tin beze ne, ama uvunu bezezze do. Uvunu min waŋare nlen ma uvunu nan rekese ru uvunu. 14 Onu dira isansan tǝ kaiy emegeme se eze iwu uvunu uwa Adǝshǝri ni, baka eze uga rilakere renze a me. Ma tin ru ni bakase eze iwu ru anu uvunu. 15 Ono geme se maze onu uvunu biyǝ nlen ma kuyyiya, ama ma tin ze ono tore awe biyǝ mi nlen ne. 16 "Baka avisi ni ru adodonzo awa Aco, se ma nin nya me imu wu na?" Ama woro zen adodonzo a unu kassa.